Sparrow Coffee Shop

01/09/2026

01/09/2026

En so kom ek nooit by Lentedag wense uit nie, want die dag hardloop weg met jou.
Lente is nie net 'n seisoen nie, dit is tyd vir vernuwing, maar soms moet ons snoei om by vernuwing uit te kom, grond omspit, uithaal en heroorweeg. Laat Lente toe in jou hart, jou huis, jou lewe.
My wense vir jou is vernuwing, groei, koestering, 'n nuwe baadjie, nuwe geleenthede.
Moet nooit ophou om jou te verwonder nie.
Geseënde Lentedag

01/09/2026

30/08/2026

Ek kyk met die grootste dankbaarheid terug op die afgelope paar dae, sedert die nuwe winkelspasie oopgemaak het. Soveel mense se besoeke, mooi wense, gelukwense, mooi komplimente en ondersteuning.
Baie, baie dankie vir jul elkeen, van myself, Elite blomme en Trendtex.
Dit was altyd die droom om 'n mooi plek met mooigoed te skep, waar mense dit kan geniet. Die doelwit is dat Sparrow Coffee Shop mense bymekaar bring, 'n plek sal wees waar jou siel lafenis kan kry in die gejaag, 'n plek van kalmte en vrede.

30/08/2026

28/08/2026

Vandag kan ek net met dankbaarheid terugkyk.
Dankie vir my twee ysters , Merty en Ivy. Vandag het julle weereens bewys dinamiet kom in klein pakkies.
Dankie vir elkeen wat vandag sy kant gebring het, André van Elite Blomme, dankie liewe Trendtex , dankie Hermien vir die pragtige klere.
Baie dankie vir my Vriende wat my ondersteun, ek kan nooit genoeg dankie sê nie.
Dankie vir ons baksters, Michelle, Claudia, Charlene en Elmarie. Ek hoef nooit oor kwaliteit en gehalte te wonder nie, en al ons ander verskaffers wat sorg dat ons net die beste produkte kry. Dankie daarvoor en julle goeie diens.
Dankie vir elke gas wat ons vandag besoek het, en ons ondersteun het, ons waardeer dit opreg.
Dan wil ek dankie sê vir my man, Burger. Dankie dat jy hierdie droom help bewaarheid het.

28/08/2026

Ons mooiste mooi Sparrow, Elite Blomme en Trendtex..

28/08/2026

Uiteindelik, die dag is hier!!!!

28/08/2026

Kom kyk gerus!!