Spoorloos Pub & Grill

28/09/2026

KUIER IN JOU TAAL, WANT JY IS MOS DEEL VAN DIE VERHAAL!!!

Liewe liefste publiek,

Maandag het skaars sy skoene aangetrek en toe besluit die JOKER om sommer met ons almal se bloeddruk te speel.

R40 478!

Lees dit weer.

VEERTIG DUISEND VIERHONDERD AGT-EN-SEWENTIG RAND!

Dis nie meer “koop vir my ’n dop” geld nie. Dis “waar is my paspoort?” geld.

Dis ’n retoerkaartjie Vietnam toe met genoeg kleingeld oor om vir ou pel te gaan vra hoekom hy so ver van Boksburg af sit en nonsens praat.

Vir R50 ’n kaartjie kan jy vanaand dalk van “ag, dis weer Maandag” beweeg na:

“MAAAAAAAA, WAAR IS MY TAS? EK VLIEG!”

Die Joker sit op R40 478 (JA, EK SE DIT WEER), die trekking is 20:00, en iewers vanaand gaan iemand ’n kaart omdraai met knieë wat klap, hande wat bewe en ’n hart wat soos ’n Hilux op ’n grondpad hop.

En as jy nie wen nie?

Dan is jy ten minste by Spoorloos, waar Maandag se medisyne koud bedien word en môre se probleme môre se probleme bly.

R50 per kaartjie.
R40 478 op die spel. (Ek se dit sommer nog 'n keer)
20:00 trek ons.

Vietnam is ver, maar met veertig duisend rand raak Hanoi skielik sommer om die hoeken daai Mosselbaai Krismis Holiday se petrol goedkoper...Hehehe.

Lekker was nog nooit sleg nie.

25/09/2026

KUIER IN JOU TAAL, JY IS MOS DEEL VAN DIE VERHAAL!

Liewe liefste publiek,

Lag-Lag dis Vrydag, en ek het klaar besluit: hierdie naweek gaan nie stil-stil by die agterdeur insluip nie.
Die week was lank. Die werk was woes. Die baas was besig. Die budget is bekommerd. Maar toe fluister Vrydag saggies: Dubbel Richelieu & Coke vir R70.

Nou kyk, ons sê nie Richelieu los probleme op nie. Ons sê net twee van hulle laat ’n probleem darem minder persoonlik voel.

Maar moenie al jou geesdrif vanaand opgebruik nie, want Sondag kom die groot geraas.

Suid-Afrika teen Australië.
Die Bokke teen die Wallabies.
Groen teen geel.
Biltong teen Vegemite.
Braai teen barbecue.

En by Spoorloos beteken dit net een ding: Bokke, braai, brandewyn en behoorlike bekgeveg langs die veld.

So begin vanaand met ’n lag, ’n lekker kuier en ’n dubbel. Sondag trek ons groen aan en verduidelik vir Australië dat ’n kangaroe dalk kan spring...
maar ’n Bok weet hoe om te stamp.

25/09/2026

24/09/2026

KUIER IN JOU TAAL, WANT JY IS MOS DEEL VAN DIE VERHAAL!

Liewe liefste publiek,

Dis Erfenisdag, so vandag vier ons waar ons vandaan kom, wie ons is, wat Ouma in daai geheime blik gebêre het en hoekom geen Suid-Afrikaner ooit kan verduidelik hoeveel vleis “genoeg vleis” vir ’n braai is nie.

Maar moenie nou al jou naweekbroek wegpak nie. Die naweek staan en loer soos ’n buurvrou deur die kombuisgordyn.

Saterdag 26 September vat Nikita die mikrofoon van 18:00 tot 21:00. Sy sing. Julle sing. Iemand agter by die kroeg sing waarskynlik ’n ander lied, maar met genoeg selfvertroue klink alles reg.

En Sondag 27 September kom Kabous van 13:00 tot 17:00 om die naweek behoorlik aan die stert beet te kry. Teen daai tyd is Maandag se probleme nog ver genoeg weg dat ons hulle wettiglik kan ignoreer.

Gratis toegang. Lekker musiek. Koue keelspoelgoed. Kos vir die knaende knaag. Kuiermense en kansvatters.

Vier vandag jou erfenis.

Rus môre jou lewer.

Want Saterdag begin ons weer, en dan moet jou lewer 'n diens kan lewer.

En as iemand vra wat jou planne vir die naweek is, sê net... “Kulturele navorsing by Spoorloos.”

Dis mos belangrik om jou erfenis te verstaan.

24/09/2026

23/09/2026

KUIER IN JOU TAAL, WANT JY IS MOS DEEL VAN DIE VERHAAL!

Liewe liefste publiek,

Dis Woensdag, Erfenisdag is môre, en by Spoorloos het iemand duidelik besluit ’n gewone pizza is vir mense wat hulle belasting vroeg indien en hulle sokkies volgens kleur sorteer.

Want môre praat ons van BOBOTIE. BOEREWORS. CHICKEN ACHA. BILTONG. Op ’n pizza nogal. Ja, niggie, haal jou hand van jou hart af. Ons weet wat ons doen.

Die Bobotie Pizza kom aangestap met speserye, appelkoos en rosyntjies soos ’n tannie met ’n geheime resep wat sy uit Huisgenoot 1987 geknip het en weier om met die familie te deel.

Die Boerewors Pizza is so Suid-Afrikaans dat jy amper “lekker man, lekker” hoor wanneer die gekaramelliseerde uie die kaas tref.

Dan kom Chicken Acha met ’n bietjie peri-peri, ’n bietjie attitude en genoeg smaak om jou tong te laat trippel, tol en twee keer om jou kiestande te laat draai.

En die Biltong Pizza? Ag liefste neef. Biltong. Kaas. Gekaramellliseerde uie. BBQ. Dis nie kos nie. Dis ’n liefdesbrief wat per ongeluk in ’n pizza-oond beland het.

Vier geure. Vier redes om jou dieet Vrydag weer te begin.

Want party mense sê geld kan nie geluk koop nie. Dis seker omdat hulle nog nooit hulle geld op biltong en mozzarella op dieselfde stuk deeg spandeer het nie.

So maak môre ’n draai. Kom proe. Kom praat. Kom kuier. Kom maak daai geluid wat net uit ’n kerkmens kom wanneer die eerste happie jou siel bereik:
"“Mmm... magtag."

Lekker was nog nooit sleg nie.

23/09/2026

Nuwe Combo nou Beskikbaar by Spoorloos.

Kom kry jou Brannas Combo

500-550g Rib met 2 bykos en dan n Brannas Draught 300ml Blikkie.

🔥

22/09/2026

KUIER IN JOU TAAL, WANT JY IS MOS DEEL VAN DIE VERHAAL!

Liewe liefste publiek,

Donderdag vier ons Erfenisdag. Maar erfenis is meer as ’n vlag, ’n braaivleisvuur, ’n resep of die taal wat lekker oor jou tong rol.

Waar kom jy vandaan?

Vra bietjie jou ouers. Vra jou oupa en ouma. Vra die ooms en tannies wat nog die stories onthou. Vra oor die mense wie se name jy dra, die plekke waar hulle grootgeword het, die dinge waarvoor hulle gewerk het en die stories wat amper saam met hulle stil geraak het. As jy niemand het om te vra nie, dan vra sommer vir my... Oom SPOORE.

Want iewers agter jou staan ’n lang ry mense. Mense wat liefgehad het, verloor het, gelag het, gesukkel het, weer opgestaan het en aangehou het.
En nou staan jy hier.

Onthou dit die week wanneer ons saam kuier:
Jy kom van iewers.
Jy dra ’n storie.
Jy dra waarde.
En jy is waardig.

Kom vier die klanke, kleure, kos, stories en mense wat ons gemaak het wie ons is. Rob & Ali bring die musiek, en ons lig ook die doek oor ’n splinternuwe pizza. Dieselfde wortels, nuwe geure.

Ons hoef nie almal dieselfde te wees om saam te kan kuier nie.

Ons erfenis vertel waar ons vandaan kom. Ons harte bepaal wat ons daarmee doen.

Spoorloos. Kuier in jou taal, want jy is DIE verhaal.

20/09/2026

KUIER IN JOU TAAL, WANT JY IS MOS DEEL VAN DIE VERHAAL

Liewe liefste publiek,

Dis Sondag. Die dag van rus, ruk-en-rol, rumoer en ’n klein bietjie rehabilitasie ná die naweek se verkeerde besluite.

Maar moenie nou te gemaklik raak nie, want MÔRE LAAI ONS ’N NUWE TREIN OP DIE SPOOR!
RAAI DIE SONG? maak sy debuut by Spoorloos!

Nikíta vat die mikrofoon, ons toets jou musiekkennis en jy bring daai brein wat glo elke liedjie sedert 1987* ken. Ken jy die song? Raai hom. Ken jy net die refrein? Sing hom. Ken jy glad nie die woorde nie? Sing harder. Dis hoe Afrikaans werk.
Daar’s lekker pryse, shooters, sing-saam, saam-lag en genoeg musikale malligheid om Maandag se naam skoon te was.

En dan, natuurlik, JOKER JACKPOT om 20:00. R20 ’n kaartjie en daai Joker sit alweer daar en grinnnik soos iemand wat jou salarisstrokie gesien het.
Sondag rus ons.

Maandag raai ons, sing ons, skiet ons shooters en soek ons daai Joker.

MAANDAG HET NOU ’N MELODIE. EN HY SPEEL BY SPOORLOOS.