Në Thana Rostiçeri përdorim vetëm produkte nga toka Kosovare & Shqiptare që janë pa pesticide, pa herbicide, pa hormone. Produkte që janë rritur në mënyrë tradicionale, lirshëm dhe në kullota të hapura. Gatimi ynë përqëndrohet vetëm në prodhime sezonale që ofron shije të plotë. Në Thana mësojmë nga tradita por servimi bëhet në frymë të re. Ne ju ofrojmë ushqim të përgatitur ngadalë, që zhvillon sh
ije të plotë, por që shërbehet shpejtë duke iu përshtatë dinamikës së jetës së sotme. Fermerët, me të cilët bashkëpunon Thana, kanë pasion për prodhimet e tyre të shëndetshme në respektim të tokës dhe mjedisit, duke menduar për shëndetin e njeriut dhe për qëndrueshmërinë e zhvillimit për gjeneratat që do vijnë.
Çdo gjë që shërbehet në Thana Rostiçeri prodhohet nga fermerët dhe nga mjeshtrit e Thanës, duke filluar nga buka, salcat, mishrat, brumrat, sallatat, ëmbëlsirat dhe pijet. Gatimi është pa aditivë dhe maksimalisht bio duke përfshirë edhe kafen. Uji që përdoret në çdo gatim është i filtruar dhe po ashtu uji që shërbehet është i filtruat nga Thana dhe ofrohet pa pagesë.
Çdo ditë shërbejmë mishin e ditës së bashku me opsionin vegjetarian të ditës por edhe specialet që janë të varura nga sezonaliteti. Pse Thana – Thana është perëndi Ilire që është mbrojtëse e bujqësisë, gjuetisë dhe natyrës, të tria këto janë themeli i Thana Rostiçerisë dhe mishërimi ynë.
Çdo produkt e ka prejardhjen nga vjen dhe cili është fermeri që me pasionin e vet na mundëson që ne në Prishtinë të shijojmë këtë ushqim të veçantë. Qasja jonë ndaj ushqimit është sa më thjeshtë, me shije të pastra por të plota, pa përbërës të dëmshëm dhe të tej-procesuar. Çdo gjë pregatitet në mënyrë artizanale për shije autentike. Risi tjetër, që sjellë Thana Rostiçeri, janë vezët e fshatit jo vetëm të pulës por edhe të shpezëve tjera. Do të sjellim edhe mishra dhe fruta të egra sa herë që furnizuesit tanë kanë mundësi ta bëjnë këtë.
