09/04/2026
تحية لرجال ونساء "الكوجينة" في صيف تونس 🍽️🔥
في الوقت اللي الناس الكل تلوج على التبحييرة والجو والراحة...
ثمة أبطال قاعدين يخوضوا في معركة يومية وسط الكوجينات والريستورانات.
⏱️ سوايع خدمة ما توفاش
أكثر من 12 ساعة وقوف، بين حرارة الفور وضغط الكوموندات... النفس لا، والراحة ممنوعة.
⚡ ضغط يفركّس العزايم
الصيف في تونس هو "الموسم"، يعني الخدمة لازم تكون "تجري جدي"، دقة وسرعة وبنة... في نفس اللحظة وما ثمة حتى مجال للغلط.
🌡️ سخانة "تشوّط"
البرا السخانة قوية، أما داخل الكوجينة "جهنم" حاشاكم.
عرق، نار، وهواء يخنق... هذا هو الروتين اللي عايشين فيه كل يوم باش يرضّيو الحريف.
🚫 لا عطلة.. لا خلاعة
وقت اللي العباد تسافر وتتصيف وتعمل "بوز"،
هوما شادين "البوست" متاعهم، يخدموا من غير توقف... خاطر هذاك هو وقت الذروة.
💔 النتيجة؟
بدن محطم، ساقين منفوخة، وضغط نفسي كبير... ومع ذلك، يكملوا الخدمة بضحكة وسعة بال.
❤️ تحية كبـيرة من القلب
لكل واحد يخدم ورا الستار، بعيد على العينين،
باش يقدّم للناس طبق بنين وتجربة ما تتنساش...
أنتم الأبطال الحقيقيين اللي تخلّيو الصيف عنده طعم. 👨🍳🔥
💡 كلمة الختام اللي توجع وتداوي:
"قدّر الشاف اللي يطيبلك... خاطر راهو يحارب في صمت ورا "يعطيكم الصحة، يرحم الأم اللي جابت واليدين اللي طيبت!" 🇹🇳💪
الشاف غسان رجب ✍️
