30/08/2026
تحيا تونس قبل كل شئ 🇹🇳 ، مانيش مستانس نحكي سياسة ، اما كي نراااا كلاب مسعورة خرجت تنبح و تحب تحرق البلاد و يحبو يرجعو يحكمو و تكتلات و احزاب و اتحاد و جمعيات المثليّة و التشتوشية و ابواق الخارج و هاو كل مرة منظومة جديدة وحدة اسمها نفس و لخرا اسمها صبر ... يصطادون فالمياه العكرة و يستغلون المناخ الطبيعي سخانة وصلت فوق 50° ، عادي جدا باش يقص الضوء و تصير اضطرابات و قصان ماء ، اما هاو باش يتعدا كل شئ و ازمة المياه المعلبة الي لعبو بكرش المواطن هاي تحلت ، لازم نعولو على وعي المواطن و يخمم بذكاء و يتساءل وحدو ، زعمة علاه فرد وقت صار هكا و خرجو يلمو في رواحهم و يحبو يطيحو النظام الحالي ، الي قاعد يخدم و يلقى في حلول مع كلااااااب الرأس المالية و العايلات الي يتحكمو في قفة المواطن ؟؟؟ خاطر ميساعدهمش النظيف و الي كابس علاهم ، خاطر زمن التعكعيك انتهى ، خاطر الارتماء في احضان الخارج وفاااااا ، خاطر خربوها و غرقوها بالديون و التعويضات و دخلو جماعتهم و حطوهم في مفاصل الدولة الي لليوم مزالو يخدمو و يحطولنا فالعصى ، اكثر من 150 الف كلب دخلوهم للوظيفة العمومية ثقلو باهم كاهل الدولة.
السيادة الوطنية استرجعناها 🇹🇳 و تونس عندها كلمة و شوكة واقفة لبرشا بلدان تستنى في سقوطها ، التعويل على الذات و استرشاد القروض من الخارج ، عدم التعويل على الصندوق النقد الدولي و حمدالله خلصنا قروضنا قبل وقتها ، تحسن الاقتصاد الفلاحي و السياحي و الصناعي ، استثمارات كبرى في صناعة الميكانيك و النسيج و مكونات الطائرات .
الغاء و محاربة منظومة المقاول و المناولة في تونس ، نسيتوها هذي ؟؟ يمصولكم في دمكم ، ياخي جاء شكون قصلهم السبالة .
رجوع الملح و معامل السكر و مصانع الحلفاء بالقصرين و اصلاحات كبرى فالفلاحة منها اكبر هنشير في افريقيا "الشعاااال" و متع النفيظة و تدشين محطات تحلية مياة و محطات توليد طاقة ، مصنع الفولاذ ، المستشفى الدولي للملك سلمان شكون رجعو ؟ يا خي نسيتو هذااااا الكل ، ياخي وين ذاكرتكم و مشاريع كبرى فالمستقبل.
قنطرة بنزرت و شفتو التعطيلات الي فاها ، شكون رجعها ؟ قطارات باردو و منوبة و بوقطفة شكون رجعهم ؟ البلفيدار ؟ ساحة برشلونة ؟ عديد المناطق في ربوع الوطن شكون رجعهم ؟ الاسقرار الامني الي مربوط باستقرار الوطن شكون رجعو ...
=> يا توانسا حافظو على بلادم رانا احنا الي باش نعيشو فيها ، ردو بالكم تنساقو وراء الاشاعات و الي يحب يضر بلادكم ، لازمكم تاقفولو ، فقط شوية تحليل و ذكاء و اتو تعرفو كل شئ داير بيكم ز نقصو مالاندفاع ، ربي نعمنا بالعقل و التفكير .
بلادي عمري منسلم فيها و لا نمدها للكلاب المسعورة ✌️✊️🇹🇳.
