24/05/2026
اهلا وسهلا..
توا سوم العلوش واللحم قلتو غالي خاطر فما ازمة قطيع والا ما نعرفش شنوة..
والخضرة والغلة علاش زعمة؟؟
علااااااش؟؟
وجاب ربي صبت المطر وربي عطانا من خيرو..
وعيينا نكتبو أن شاء الله عام خير بعد الخيرات اللي صبت خريف وشتاء وربيع..
ومسلية امتلاء السدود اللي قريب ال70 بالمائة..
قبل كانو يقولو جفاف وندرة المياه وبارشا كلام آخر..
وتوا شنوة الاسباب زعمة بخلاف جشعكم وڨلوبكم المريضة واستغلالكم للزوالي..
الزوالي اللي لا عاد خالط لا على لحم لا حوت ولا خضرة ولا غلة..
خلاصة القول..
بعد اللي عملوه فينا المحتكرين السنة..
وبعد الناس اللي ما خافتش فينا ربي..
حلال فينا الجفاف..
والله العظيم حلال فينا الجفاف وحسيبكم ربي..
حسيبكم ربي في الزوالي اللي جوعتوه وعريتوه وخليتوه يغزر بعينو ويموت يقلبو وخليتو صغارو للجوع والشر..
وكيف ما يقولو ناس قبل..
كان صبت اندبي وكان ما صبتش اندبي..
والسلام عليكم و رحمة الله وبركاته..
