26/08/2026
ماشاء الله سخانة اليوم خيالية بالحق رات العين وكذبت والحمد لله تعدات بأخف الاضرار .ربي يرحمنا إن شاء الله .
لكن ملاحظة بربي : تخيل روحك على موطور وتوصل في كماندات ماكلة للناس مالعشرة متاع الصباح لليل ويتعدا عليك نهار كيما ليوم .
هذا اللي صاير معانا كل يوم ونجريو ونجاريو باش مانبطاوش عليكم برغم سخانة الطريق والطقس و المطعم والشمس وووووو الحمد لله، لكن ما فيها باس كيف تراعيو تأخيرنا سبحان الله ماعاد حد يحب يخرج من دارو وإلا من خدمتو وأحنا مستعدين رغم كل شي ميسالش نوصلولكم وماعندناش مزية لكن باللاهي حسو بينا رانا بشر كيفكم مايصيرش باللي نجتهدو ونعملو من بعد نلقاو كلمة العيب سابقة من البعض موش الكل أكيد (شبيكم روطار . شبيكم لتو .من بكري نستنا . باش نلغي الكوموند. جعت. نظمو رواحكم وإيجاو فيسع ....) والله الكلام هذا الكل تقاللنا ليوم.
الله يهدى الجميع وكيما قلتلكم بربي وسعو بالكم معانا وربي يبارك في الجميع
والسلام عليكم
