22/05/2015
الله لا يورينا هاك الساعة حتى كان جاو داعش لتونس ..احنا باش نقاوموهم اما لا بحرب و لا بالفن و الابداع كيما يقولو الحداثيين.. احنا باش نقاوموهم بطريقتنا الخاصة و بعاداتنا و تقاليدنا الي هوما ..التفدليك الماسط .. و التلهميق و تقشقيش لحناك و هزان لكلام
مثلا في التلهميق بين تونسي و داعشي : يا ابا يزيد الازهري نلقاش عندك 30 الف من هنا لاخر شهر ..هاي جايتني طرف فلوس تا نرجعلك ( هاو وجهي كان رجعلو )
تقشيش لحناك و هزان لكلام : اسمع يا ايا لقمان الشّامي راهو الماء يلعب تحت ساقيك خويا .. اش فما قلّي ..انت راك تمشي تقاتل في سبيل الله و معاذ الحنبلي يدخل لحرمتك و يجامع في زوجتك
الفدلكة الماسطة: يا صخر يا صخر هل رايت ابو جهاد !!! من ابو جهاد ?? الي نحّى الشيشة وقعّدك ع الجبّاد
# وصدقوني في ظرف دميعة ما يهزو الجحافل متاعهم ويمشيو لموريطانيا والا مالي
