04/09/2026
تعزیتی پیغام
مرحوم سردار فاضل خان ایک ایسی باوقار اور درویش صفت شخصیت تھے جن کی شفقت، بردباری، اعلیٰ ظرفی، مہمان نوازی اور غریب پروری ہمیشہ یاد رکھی جائے گی۔ آپ کا تعلق ایک معزز اور بااصول خاندان سے تھا، جس کی نیک نامی اور انسان دوستی صرف ہمارے علاقے تک محدود نہیں بلکہ ضلع ڈیرہ غازی خان تک معروف ہے۔
سردار صاحب اور ان کے خاندان کی سماجی و فلاحی خدمات کا دائرہ بہت وسیع ہے۔ ضرورت مندوں کی مدد، غریبوں کی سرپرستی اور حتیٰ کہ بے گھر افراد کے لیے مفت زمین فراہم کرنا اس خاندان کی انسان دوستی کی روشن مثالیں ہیں۔
بلاشبہ سردار فاضل خان ہمارے علاقے کا ایک قیمتی سرمایہ اور عظیم انسان تھے۔ ان کی وفات ایک بڑا نقصان ہے، جس کا خلا آسانی سے پُر نہیں ہو سکتا۔
اللہ رب العزت مرحوم کے درجات بلند فرمائے، انہیں جنت الفردوس میں اعلیٰ مقام عطا فرمائے، ان کی تمام نیکیاں قبول فرمائے اور سوگوار خاندان کو صبرِ جمیل عطا فرمائے۔
ہم اس غم کی گھڑی میں سردار صاحب کے اہلِ خانہ کے دکھ میں برابر کے شریک ہیں۔
إِنَّا لِلّٰهِ وَإِنَّا إِلَيْهِ رَاجِعُونَ
اللہ پاک مرحوم کو کروٹ کروٹ جنت نصیب فرمائے۔ آمین ثم آمین۔
