24/09/2026
قومی امن کونسل آر ہیومن رائٹس کمیشن برائے بین المذاہب ہم آہنگی پاکستان اس واقعے کی شدید مذمت کرتاھے
گولاڑچی کے قریب ترائی شہر میں افسوسناک واقعہ، زمین فروخت نہ کرنے پر بیٹوں کا مبینہ طور پر والد پر تشدد، 65 سالہ شخص جاں بحق
گولاڑچی کے قریب ترائی شہر میں ایک افسوسناک واقعہ پیش آیا، جہاں مبینہ طور پر زمین فروخت نہ کرنے پر بیٹوں نے اپنے 65 سالہ والد صدیق میمن کو تشدد کا نشانہ بنایا، جس کے نتیجے میں وہ شدید زخمی ہوگئے اور بعد ازاں تعلقہ سول اسپتال گولاڑچی میں زخموں کی تاب نہ لاتے ہوئے جاں بحق ہوگئے۔
ذرائع کے مطابق ترائی کے رہائشی صدیق میمن کو ان کے بیٹوں جاوید میمن، نوید میمن اور وحید میمن نے مبینہ طور پر زمین فروخت نہ کرنے کے معاملے پر شہر کے وسط میں لاٹھیوں سے تشدد کا نشانہ بنایا۔ واقعے کے بعد علاقہ مکینوں نے زخمی صدیق میمن کو فوری طور پر تعلقہ سول اسپتال گولاڑچی منتقل کیا، تاہم وہ جانبر نہ ہوسکے۔
قومی امن کونسل آر ہیومن رائٹس کمیشن برائے بین المذاہب ہم آہنگی پاکستان نے واقعے پر گہرے افسوس اور شدید مذمت کا اظہار کرتے ہوئے کہا ہے کہ والدین کے ساتھ اس نوعیت کا سلوک انتہائی افسوسناک اور معاشرتی اقدار کے لیے تشویشناک ہے۔
تنظیم کی جانب سے کہا ھے کہ آخر وہ کون سا وقت آگیا ہے کہ اولاد اپنے ہی والدین کے خلاف اس حد تک تشدد پر اتر آئے؟ اللہ تعالیٰ ہمارے حال پر رحم فرمائے اور معاشرے میں احترامِ والدین، برداشت، امن اور انسانیت کے جذبے کو فروغ دے
