06/09/2026
کچھ دوست صرف دوست نہیں ہوتے، بلکہ زندگی کے مشکل اور خوشی کے ہر موڑ پر ساتھ کھڑے ہونے والے بااعتماد اور وفادار ساتھی ہوتے ہیں۔ میرے ایسے ہی قریبی اور سمجھدار دوستوں میں شفقت داوڑ کا نام ہمیشہ نمایاں رہے گا۔
میری بیماری کے مشکل وقت میں جس طرح شفقت نے ہر قدم پر میرا ساتھ دیا، حوصلہ دیا اور مسلسل میری خیریت دریافت کی، وہ میرے لیے ہمیشہ قابلِ قدر رہے گا۔ ایسے مخلص انسان زندگی میں واقعی نعمت ہوتے ہیں۔
آج وقت نے ایک اور امتحان لیا ہے۔ گزشتہ ایک ہفتے سے شفقت داوڑ کی شریکِ حیات شدید علیل ہیں اور ہسپتال میں زیرِ علاج ہیں۔ میں روزانہ کی بنیاد پر ان کے ساتھ رابطے میں ہوں۔ اللہ کا شکر ہے کہ اب ان کی طبیعت میں کچھ بہتری آ رہی ہے اور حالات بتدریج نارمل ہو رہے ہیں۔
تمام دوستوں، عزیزوں اور احباب سے خصوصی اپیل ہے کہ شفقت داوڑ کی شریکِ حیات کی جلد اور مکمل صحتیابی کے لیے خصوصی دعائیں کریں۔
اللہ تعالیٰ انہیں صحتِ کاملہ عطا فرمائے، ہر تکلیف دور کرے اور شفقت بھائی اور ان کے پورے خاندان کو صبر، حوصلہ اور ہمت عطا فرمائے۔ آمین
Shafqat Dawar
