13/05/2021
: کورائزہ (infectious Coryza)
یہ تیزی سے پھیلنے والی سانس کی بیکیڑیل بیماری ہے جو "ہیمو فائیلس پیرا گیلی نیرم" نامی جرثومے سے پیدا ہوتی ہے۔ یہ بیماری زیادہ تر ٹھنڈے یا نم آلود موسم میں پھیلتی ہے۔ یہ خوراک، پانی، ہوا اور ایسے پرندوں سے منتقل ہوتی ہے جو پہلے اس بیماری کے جراثیم رکھتے ہوں۔
علامات:
برڈ کا چہرہ، کلغی اور آنکھیں سوج جاتی ہیں۔ کم یا زیادہ سوجن کا انحصار بیماری کی شدت پر ہوتا ہے
برڈ کی چونچ کے اوپر اور اردگرد خوراک جم جاتی ہے، چونچ کو دباؤ تو اندر سے لیسدار مادہ نکلتا ہے۔
بعض اوقات آنکھوں میں پانی کے ساتھ پنیر نما مادہ اکٹھا ہو جاتا ہے
معائنہ بعد از موت:
سانس کی نالی میں لیسدار مادہ ہوتا ہے اگر بیماری کی شدت زیادہ ہو تو خون کے نشانات بھی ملتے ہیں
بچاؤ اور کنٹرول:
بیمار برڈز کو فوراً علیحدہ کر دیں۔ پرندوں کو صاف ستھرا ماحول مہیا کریں
بیماری آنے کی صورت میں شیڈ اور فارم کے اردگرد فارمولین کو پانی میں ڈال کر سپرے کریں
علاج:
بیماری کی صورت میں ٹرائی برسن ایک ملی لیٹر دو لیٹر پانی میں یا پھر tylosine ore doxycycline فارمولیشن کیندوا ایک گرام ایک لیٹر پانی میں پانچ سے سات دن تک دیں۔ ساتھ ایرینک ، بیناڈرل، سیرپ تین ملی لیٹر ایک لیٹر پانی میں دیں۔
لنکومائسین 8٪ + اموکسی 20٪ اور سپیکٹینومائی سین 8٪ کا کمبی نیشن بھی بہترین رزلٹس دیتا ہے۔ گھریلو مرغبانی کرنے والے ان ادویات میں سے کسی بھی فارمولے کی دوا استعمال کر سکتے ہیں جو سانس کی نالی کی صفائی کے لیئے موزوں ہیں۔
بروقت بیماری کی تشخیص اور بہترین طریقہ علاج سے برڈز کو بیماری سے بچایا جا سکتا ہے.
یاد رہے اس بیماری کی علامات کافی حد تک انفلواینزا سے بھی ملتی ہیں مگر یہ بیماری سخت سردی میں زیادہ حملہ آور ہوتی ہے مگر اس سے شرح اموات 20 فیصد سے زیادہ نہیں ہوتی...!!!
