05/12/2025
Maayong adlaw mga Sugbuanon ug mga higala nato gikan sa lain-laing dapit! Ani-a kita karon sa dakbayan sa Naga, ang Christmas Capital of the South, diin padayon naglihuk ang tibuok siyudad aron mahatag nato ang usa ka talagsaon ug makapahinumdom nga Pasko sa tuig 2025.
Bisan pa man sa dili maayong kondisyon sa panahon karon, samtang atong nasinati ang pagduol sa Bagyong Vilma, dili kini nakapahunong sa kusog nga preparasyon sa siyudad. Grabe ka aktibo ang tibuok team sa City Government, mga trabahante, volunteers ug tanan nga ahensya aron masigurado nga andam ang tanan para sa pinakadakong selebrasyon sa Pasko diri sa Naga.
Pag-abot sa Disyembre 8, 2025, alas 6 sa gabii, tukma sa kapistahan sa Our Lady of Immaculate Conception, ipahigayon ang Grand Christmas Opening nga kaybalung na ta'ng ginahulatan matag tuig. Sa City of Naga Community Stage, magkahiusa ang tanang Nagueños ug bisita para sa sabay-sabay nga Switching of Christmas Lights.
Malamdagan pag-usab ang tibuok daplin sa baybayon — ang popular nga Saint Francis of Assisi Ocean Park, Boardwalk, ang Children’s Park, ug ang Senior Citizens Park. Mura gyud ta’g mosulod sa usa ka hayag, hayahay ug classic nga Christmas wonderland.
Human sa Grand Opening, mosunod dayon ang usa ka gabii nga puno sa musika ug nostalgia — ang Concert at the Park uban sa Apo Hiking Society. Siguradong makapabalik og mga sweet memories ang ilang mga classics nga atong nailhan ug nahigugma-an sulod sa daghang tuig.
Ug dili lang kana! Ang pinakahulat, pinakabag-o, ug pinaka-exciting nga bahin karong tuiga — ang unang higayon nga Dancing Fountain sa tibuok City of Naga. Ibutang gyud kini didto sa dagat, atubangan mismo sa Boardwalk. Imagina ang suga, musika, tubig nga nagsayaw, ug ang makapahinganghaong Christmas atmosphere — tanan sa usa ka lugar. This will truly be a magical and unforgettable holiday attraction.
Busa sa tanan nga gusto makasinati ug lahi nga Pasko, nga puno sa kahayag, kalipay ug family bonding — plano na mo daan! Abli kini para sa tanan, ug welcome kaayo mo diri sa Naga.
Karong tuiga, ang tema sa Pasko mao ang “Classic Christmas” — simple, timeless, ug puno sa tradisyon nga nagdugtong nato isip usa ka komunidad.
Kita-kita ta! Ug gikan sa What's Up Cebu — Advance Merry Christmas kaninyong tanan! Ayaw kalimot pag-follow ug pag-share sa akong mga videos para sa mas daghang Christmas updates nga moabot.
Salamat, ug mabuhay!
