24/06/2026
๐ข ๐ฌ๐ถ ๐ฐ๐๐๐๐๐
: ๐น๐๐๐๐๐๐๐๐๐ ๐ฐ๐๐๐๐๐๐๐
๐ด๐๐๐ ๐๐ ๐ท๐๐๐๐๐๐ ๐ฏ๐๐๐๐๐-๐๐โ๐ ๐ญ๐๐๐
๐บ๐๐๐๐๐ ๐๐๐
๐ณ๐๐๐๐๐๐๐๐ ๐ท๐ฅฉ
Para sa kaluwasan sang pamilyang Hinoba-anon kag pagprotekta sa aton lokal nga hog raisers batok sa imported ukon smuggled nga karne, ginpapanaug ni Mayor Daph Anthony V. Reliquias ang Executive Order No. 026, Series of 2026.
Magsugod na ang pag-regulate sa border kag random inspections para masiguro nga tinlo, legal, kag luwas ang karne nga nagaabot sa aton lamesa.
Tungod mataas ang risgo kag kaso sang ASF (African Swine Fever) subong, kinahanglan naton protektahan ang aton banwa. Gani, ginakumbinsi gid naton ang tanan nga suportahan kag unahon ta anay ang pagbakal sang karne kag baboy nga gin-sagod mismo diri sa Hinoba-an. Paagi sini, masiguro naton ang katinlo sang aton pagkaon kag malikawan ang pagsulod sang virus nga mahimo mag-ubos sang aton lokal nga mga baboy.
Ini nga tikang daku gid nga bulig sa aton mga lokal hog raisers nga madugay na nagaantos sa kompetensya sang mga imported nga karne, kag subong nagaatubang pa sa hulga sang ASF. Ang pagpataas sang demand sa aton lokal nga produkto magahatag sa aton mga manogsagud sang husto kag makatarunganon nga presyo (live weight) para makabawi man ang aton mga kasimanwa nga nagasagod sang baboy.
Para sa dugang nga kasanagan: WALA ginapunggan ang palangitan-an sang aton mga suppliers. Pwede sa gihapon makabaligya kag makapagwa sang baboy sa mga buyers halin sa Panay, Cebu, kag Negros Oriental. Ang gina-regulate lang gid sang banwa amo ang pagpasulod sang imported ukon smuggled nga karne para masiguro nga hilway sa ASF ang aton komunidad.
๐ ๐๐๐ ๐๐๐ ๐๐๐๐๐ ๐๐๐๐๐-๐๐?
Para sa Publiko (Consumers): May random inspections sa mga checkpoints kag merkado para mapunggan ang pagsulod sang imported, expired, peke, ukon kontaminado nga karne sa Hinoba-an.
Para sa mga Negosyante (Importers, Transporters, Vendors): STRIKTO NGA BAWAL ang pagsulod, pagbiyahe, pag-cold storage, ukon pagbaligya sang imported nga karne kon wala sing legal nga dokumento.
๐ MGA KINAHANGLANON NGA DOKUMENTO:
Ipreparar ini sa mga checkpoints kag inspections para likaw-dala sa abala ukon kumpiskasyon:
1. Import / Veterinary Quarantine Clearance (halin sa DA-BAI)
2. Certificate of Meat Inspection (COMI) (halin sa NMIS)
3. Shipping Documents (Invoices, delivery receipts, ukon waybills)
4. Valid Business Permit / Mayorโs Permit
๐ Palihog basaha ang bilog nga detalye sang Executive Order No. 026, Series of 2026.
