11/02/2021
HEALTH NEWS
Maayo nga balita para sa mga mahuyugon mag-inom sang black kag caffeinated nga kape.
Ang pag-inom sang isa ukon mas madamo nga baso sang plain nga kape sa isa ka adlaw ang may long term nga benepisyo sa pagpanubo sang risgo sa heart failure.
Ini ang santo sa review sa diet data gikan sa tatlo ka mayor nga pagtuon gamit ang analytical tools gikan sa American Heart Association.
Apang wala nalakip sa may kaangay nga benepisyo ang mga decaffeinated nga kape.
Santo sa pagtuon, nahibaluan nga ang decaf coffee ang makapasa pa sang risgo sa heart failure.
Ang Heart Failure ang nagakatabo kun ang nagluya nga corason ang napaslawan sa pagsupply sang cells sa lawas nga may nagakaigo nga dugo agud nga makuha ang oxygen nga ginakinahanglan agud magpabilin nga naga-andar sang maayo ang lawas.
Ang mga persona nga may heart failure ang makabatyag sang tuman nga kakapoy kag nagakadulaan sang ginhawa kadungan sang kabudlayan sa paglakat, pagsaka sa hagdanan ukon iban pa nga mga masami nga aktibidad.
Suno sa rehistrado nga dietitian nga si Penny Kris-Etheron, apisar nga wala pa mapamatud-an kun ano kataas ang porsyento sini, makahatag naman sang intriga ang paghatag sang suhestyon sang tatlo ka pagtuon nga ang pag-inom sang kape ang may kaangtanan sa pagpanubo sa resgo sang heart failure.
-photo from web
