24/07/2017
जापानको उपहार
सन् १९९७ मा मैले मत्स्यपालन तालिमका लागि जापानको मियाजाकीको कोवावासी फिसरिजका मेयर मात्सकाताले मलाई सोधे, ‘नेपालमा उपहार के लानुहुन्छ, घडी कि भिडियो ?’ मलाई लाग्यो घडी वा भिडियो लगे त केही समय टिक्छ, ट्राउट माछा लगेर हुर्काउन पाए देशलाई नै फाइदा हुन्छ । त्यसैले मैले भने, ‘दिन सक्नुहुन्छ भने ट्राउट माछाको बीउ दिनुस् ।’
त्यतिबेला टुकुचे हिमाल आरोही तात्चुओ मोरिमोतोले पनि मलाई साथ दिए । उनले गभर्नरलाई सिफारिस गरिदिए । तुरुन्तै भुरा ल्याउने स्थिति थिएन । म फर्केँ । सरकारले सहमति दियो । अर्को वर्ष डिसेम्बरमा जापानले भाले लागेका माछाको ५० हजार अन्डा पठाइदियो । त्यतिबेला म पोखरामा थिएँ । ती अन्डालाई मैले गोदावारीमा लगेर कोरलेँ । त्यहाँ हुर्काएपछि भुरिाहरु त्रिसुलीमा पु¥याइयो ।
अनि जापानीले मिनी प्रोजेक्ट दियो । उताबाट स्वयंसेवक आए । र, ती भुरालाई त्रिसुलीमा लगेर हुर्काइयो । सन् १९९० देखि त्रिसुलीमा ट्राउट उत्पादन सुरु भयो । माछाको दाना त्रिसुलीमै उत्पादन हुन थालेपछि सन् १९९७ देखि मात्रै हामीले व्यावसायिक पालनका लागि किसानलाई भुरा दियौं । र, अहिले माछापालकको संख्या बढिरहेको छ ।
जापानबाट ट्राउट आउनुअघि राजा महेन्द्रले सन् १९६९ मा बेलायतबाट उपहारस्वरुप पाएको भुरा हुकाएने प्रयास भएको ट्राउट त्यही जापानको उपहारको प्रतिफल हो ।
