Gloppen Næringsorganisasjon

30/07/2026

GN si nyaste medlemsbedrift,men kanskje av dei eldste og med ei spennande historie. Bli gjerne med å høyr Ruben fortelle om hotellet si historie og den spennande reisa han har starta på.
Ruben Nesdal

Rubens reise - Historia om Gordon

Kva får ein 25 år gammal gut til å satse alt på eit hotell som har stått i over 130 år?

Det har eg fått spørsmål om mange gongar. Sanninga er at eg eigentleg ikkje hadde alle svara då eg byrja. Eg hadde berre ei kjensle av at Gordon fortente ei ny framtid.

No ønskjer eg å invitere deg med på reisa.

Eg tek deg med heilt tilbake til starten - til den dagen vi opna dørene og oppdaga kva som eigentleg gøymde seg bak veggane. Eg fortel om utfordringane vi møtte, kvifor ingen ville forsikre hotellet, og korleis prosjektet voks seg mykje større enn vi nokon gong hadde sett føre oss.

Men mest av alt handlar dette om menneska.

Om familien som stilte opp. Om alle som har bidrege med tid, tru og dugnadsånd. Og om kvifor eg, trass i alle hindringane, aldri klarte å gi opp draumen om Gordon.

Etter foredraget blir du med på ei omvising gjennom hotellet. Du får sjå restaureringsarbeidet slik det står i dag, høyre historiene bak romma og oppleve Gordon midt i den viktigaste delen av reisa.

Historia om Gordon er enno ikkje ferdigskriven.

Kanskje blir du ein del av henne.

Prisen inkluderer foredrag, kaffi og omvising.

Arrangementet er på Gordon Hotel

Finn billett: https://ebillett.no/trivselshagen

22/07/2026

Har du lyst til å vise fram Gloppen og vere ein del av vertskapet når vi får neste cruiseanløp til Sandane?

Tysdag 28. juli kjem det nytt cruiseskip til Sandane. Denne gongen er det i hovudsak tyske gjester, så om du vil friske opp litt tysk-kunnskap, er dette ei fin anledning - men ein kjem også langt med engelsk. Men det viktigaste er ikkje at ein snakkar språk flytande eller guideerfaring – det viktigaste er å vere positiv, imøtekomande og hjelpsam og at ein gjer sitt beste for at dei skal kjenne seg velkomne.

Vi treng frivillige som kan bidra med enkel informasjon, vise gjestane korleis dei tek seg rundt i sentrum og finn butikkar, kafear, museum, Holvikjekta og andre lokale opplevingar.

Skipet ligg ved Sandane frå kl. 08.00 til 17.00. Du treng ikkje vere med heile dagen – nokre timar er også til stor hjelp.

Vil du bidra? Ta kontakt med Lars Endre Gimmestad:
[email protected] / sms til 970 31 521

Gloppen Næringsorganisasjon gjennom selskapet Visit Gloppen vil gje cruiseturistar eit endå betre besøk i kommunen. No treng dei fleire frivillige.

27/06/2026

🚢 Cruisebåt til Sandane tysdag — bli med som lokal vert!
Tysdag kjem Renaissance til Sandane, og GN og Visit Gloppen ynskjer å ha eit velkomstopplegg i sentrum med lokale vertar. Vi treng frivillige som kan ta imot gjestene, vise dei rundt og gi dei ei god oppleving av Gloppen!
Du kan melde deg til:

🌅 Halv dag – formiddag

☀️ Halv dag – ettermiddag

⭐ Heil dag
Ingen spesialkompetanse krevst – berre godt humør og lyst til å vise fram heimstaden vår! 🙌
📩 Meld deg til teneste ved å sende oss ei melding eller legg att ein kommentar her!

08/06/2026

🏆 GLOPPEN-BEDRIFTER STEL SHOWET PÅ DRIVKRAFTFEST!
I kveld vart det stor fest på Elvesus i Førde — og Gloppen hadde absolutt ingenting å skamme seg over! 🎉

Ruben Nesdal (R.E.N Eigedom / Gordon Hotell) stakk av med Spirestipend på 100.000 kroner og Sindre Seppola Reed i FORTLOQ gjekk av med Drivkraftstipend på heile 500.000 kroner! 🤯

Drivkraft.no delte ut 2 millionar kroner til ni bedrifter i dag — og Gloppen fekk ein svært god del av kaka! 💪

Vi er utruleg stolte av desse to! Lukke til vidare med spennande prosjekt — vi heiar på dokke! 🙌

04/03/2026

🎬 Snart kjem Vokteren til Gloppen!

Sesong 2 av Vokteren rullar no på TV 2, og no nærmar deltakarane seg Gloppen kommune 👀

Snart får vi sjå dei bryne seg på den spektakulære naturen vår, med mellom anna Eggenipa som eitt av turmåla.

Innspelinga er gjennomført med tilrettelegging frå Gloppen Næringsorganisasjon i samarbeid med Gloppen kommune.

Følg med – snart kjem episodane frå Gloppen! 🌄

,

03/03/2026

2 millionar kroner i stipend – grip moglegheita!
Den nye næringsstiftinga Drivkraft.no lanserer no to ulike stipendordningar i Sogn og Fjordane.

Målet er klart:
👉 Få fleire gode idéar til å bli nye bedrifter
👉 Hjelpe fleire bedrifter til å vekse

Dette er ei unik moglegheit for gründerar og næringsliv i Gloppen som sit på ein god idé eller eit konkret utviklingsprosjekt.

Vi oppmodar aktuelle kandidatar til å vurdere ordninga – og tek gjerne ein prat om du ønskjer sparring før du søker.

Les meir på våre nettsider her:
https://www.gloppenutvikling.no/post/drivkraft-deler-ut-2-millionar-i-stipend-moglegheit-for-n%C3%A6ringslivet-i-gloppen

Drivkraft har lyst ut til saman 2 millionar kroner i stipend til prosjekt i Sogn og Fjordane.

24/02/2026

Veldig kjekt å sjå aktivitet og optimisme i Hyen igjen 👏

Gratulerer til Brødrene Aa med historisk første sjøsetting for det nye selskapet – og til Geiranger Fjordservice med nytt fartøy.

Dette betyr mykje for arbeidsplassar og kompetansemiljøet i regionen. Vi heiar på dokke! 🚢

09/01/2026

👏 Takk for ein vellukka Reiseliv Kickoff i Gloppen!

Reiseliv Kickoff er vel gjennomført – og for ein start! Med rundt 70 påmelde, gode samtalar og stort engasjement vart dette ei svært inspirerande samling for reiselivet i Gloppen.

Ei stor takk til alle som deltok og bidrog med innspel, refleksjonar og konstruktive diskusjonar om vegen vidare for Gloppen som reisemål.

Vi vil også rette ei særskild takk til innleiarane:
🙏 Simen Staalnacke – for eit særs inspirerande og kreativt innlegg som verkeleg sette tankane i sving
🙏 Elisabeth B Hatlenes - Region Fjordane
🙏 Knut Roger B. Nesdal - Gloppen kommune
🙏 Lars Endre Gimmestad - Visit Nordfjord
– for gode og relevante bidrag som gav både retning og perspektiv til vidare arbeid.

👉 Vi jobbar no med referat og vidare plan for arbeidet med destinasjonsprofilen for Gloppen, som vert delt til deltakarane om kort tid.

Samstundes ønskjer vi å kome i kontakt med deg som kunne tenkje deg å bidra i eit reiselivsråd for Gloppen, og vi oppmodar også bedrifter som enno ikkje er medlem i Gloppen Næringsorganisasjon om å bli med på moroa!

Saman kan vi løfte reiselivet i Gloppen vidare 💚

09/01/2026

800 millionar i investeringar på Byrkjelo!
Tine varslar ei historisk satsing på meieriet på Byrkjelo, der dei skal investere heile 800 millionar kroner dei komande åra. Bakgrunnen er at Byrkjelo frå hausten 2028 tek over kremostproduksjonen frå Ørsta – ei tillitserklæring til både anlegget og kompetansen lokalt.

Dette betyr modernisering av produksjonsutstyr, vidare utvikling av meieriet og styrking av arbeidsplassar i regionen. Ei svært viktig og positiv nyheit for heile Nordfjord.

👉 Les meir i Firda Tidend her:

- Det har gått fint, og tida har gått fort, seier John Reidar Krøke (58). Han har vore anleggssjef for Tine på Byrkjelo i ni månader. No står meierianlegget framfor nye storinvesteringar.

02/01/2026

🎬 Gloppen på TV – også internasjonalt! 🌍

Sesong 2 av Vokteren er no i gang på TV 2, og delar av serien er spelt inn i Gloppen 💚
Innspelingane er gjorde både for den norske TV 2-versjonen og ein finsk versjon av programmet.

Denne sesongen får deltakarane verkeleg bryne seg på vill og vakker vestlandsnatur – mellom anna med Eggenipa som eitt av turmåla.

Blant deltakarane ser vi:
Grudt, Klanderud, Al, Robin Omdahl, Agdestein, Thomassen, Dreyer, Elfrid Ingebrigtsen, Mehmood, Thybo Hansen, Staude, Rosén, Angelica Riise og Farley.

Gloppen Næringsorganisasjon har bidrege med tilrettelegging i samarbeid med Gloppen kommune. Produksjonsteamet har hatt Nordfjord folkehøgskule som base under innspelinga, og vi vil òg takke SpareBank 1 Sogn og Fjordane for viktig støtte til prosjektet.

Kjekt å sjå Gloppen-naturen nå ut til både norske og internasjonale TV-sjåarar ✨

Har du sett serien?

Få med deg sesong 2 av Vokteren på TV2