09/02/2026
*Vriedaag* ’t Bal van de Ierste Bônne. Keffeejtoch op de Mert, beej idder van de vief boétebarre ein glaeske beer en ein dröpke, veur maar € 17,50
Beej ôs binne de Vastelaovend wie hae bedoeld is. Lekker gezellig en ongedwônge met mekaar ’t glaas höffe! 🍻
*Zaoterdaags* bars de Boétegewoeëne Boétezitting los. Gans Venlo viert fees! Op de Mert de ganse daag muzikaal programma. 🎶
*Zondaag* ‘s morges wuuërt de Vastelaovend officieel ingeschaote door Vors Joeccius XI. Euverdaag met de ganse koedeljach nao de kiendjes kieke die optoch laupe. *BindrB*’s Aoves! Dan hebbe weej namelik ein aovendvöllend muzikaal program veur och op de Mert! Det wuurt knalle! 🎉
*’s Maondaags* ’t hoëgtepunt van de Venlose Vastelaovend: de zaegetoch van Prins Carnaval en zien Adjudante! Zeej komme natuurlik auk beej ôs op de Mert veurbeej! Kom gezellig kieke! Daonao kint geej ’s aoves nog geneete van ein live optraeje van *Eige Wies*, ein jônge, energieke Vastelaovesbend met ein geweldige sound beej os binne in *De Vergulde Gaper*💃
*Dinsdaag* Veur vuuël vastelaovesvierders is de boére dinsdaag de moeisten daag van de Vastelaovend. ’s Middaags daen spektakulaire Boerebroelof op ’t bordes van ’t stadhoes. ’s Aoves steit alweer ’t ind van de Vastelaovend gepland, maar neet veurdet weej och traktere op eine ganse aovend vol meziek. Taege ’t ind van d’n aovend geit de muts toch ech aaf en kinne weej weer ein jaor lang oetkieke nao de volgende Vastelaovend. 🎊🎈
Alle daag kint geej beej ôs auk weer wat te bikke kriege! 🍔 Veul och welkom deze Vastelaovend In den dorstigen Haen! ❤️