https://www.facebook.com/916386835059447/

Nandy’s Cooking, Yangon (2026)

17/08/2026

အသားလွတ် ညှပ်ခေါက်ဆွဲ ကြော်

ပါဝင်ပစ္စည်း

၁။ညှပ်ဖက်
၂။သားသတ်လွတ် ဝက်ခေါက်
၃။ကြက်ဥ
၄။ဂေါ်ဖီ၊ဥနီ
၅။ငရုပ်သီး အစိမ်းမှုန့်၊အကြမ်းဖတ်
၆။ဆား၊အရသာမှုန့်၊ပဲငံပြာရည်အကျဲ

ချက်ပြုတ်နည်း

ပထမဆုံး ဝက်ခေါက်တွေ ရေစိမ်ပြီး ပွလာလျှင် အရည်ညှစ် အနေတေည်လေးတွေ ညှပ်ထားပါ။

ကြက်ဥ၂လုံးကို ဆီပူပူမှာ မွှေပြီး အဖတ်ဖတ်ဖြစ်အောင် ကြော်ပါတယ်။

ဂေါ်ဖီ၊ဥနီ၊ဝက်ခေါက်ထည့်ပါတယ်။
နွမ်းလာပြီဆို ဘေးလေးတွေကပ်၊ဆီထဲ အစိမ်းမှုန့် အနံ့ပျောက်သည်အထိ မွှေပါတယ်။ အကြမ်းဖတ်ထည့်ပါတယ်။
ပဲငံပြာရည်အကျဲ ထည့်ပါတယ်။

နောက်မှာ ညှပ်ဖတ်ထည့် တူနဲ့မွှေပါတယ်။
အရသာအနေနဲ့ ပဲငံပြာရည်အကျဲ၊အရသာမှုန့်၊ဆားလေးနဲနဲထည့်လိုက်ရုံနဲ့ အရသာရှိတဲ့ အိမ်ကြော် သားသတ်လွတ် ညှပ်ဖတ်ကြော် လေးရပါပြီနော်။

နန္ဒီ

#သားသတ်လွတ်ဟင်း
#ဝါတွင်း

16/08/2026

အသားလွတ် ဝက်သုံးထပ်သားမုန်ညှင်းချဉ်

ပါဝင်ပစ္စည်း

၁။အသားတုသုံးထပ်သား- ၁မြောင်း
၂။ပဲပြား-၁တုံး
၃။မုန်ညှင်းချဉ်
၄။ငရုပ်သီးစိမ်း၊နံနံပင်၊ရှမ်းနံနံ
၅။ပဲငံပြာရည်ကျဲ၊ဆား၊အရသာမှုန့်

ချက်ပြုတ်နည်း

အသားတု ကို အတုံးလေးတွေလှီးပါ။

ပဲပြားကိုရှည်ရှည်အတုံးလေးတွေလှီးပါ။

မုန်ညှင်းချဉ်ကို နုပ်နုပ်စင်းပါ။

ငရုပ်သီးဓားပြားရိုက်ပါ။

ကြက်သွန်ဖြူကို ဆနွင်း၊အရောင်တင်မှုန့်နဲ့ဆီသတ်ပါ။
ငရုပ်သီးထည့်ပါ။
မုန်ညှင်းစိမ်းချဉ်ထည့်ပါ။

ပဲပြားထည့်ပါ။

ပဲပြားလေးတွေ နဲနဲမာလာပြီဆို အသားတုလေးထည့် မွှေပါ။

အရသာတွေထည့် နောက်ဆုံးမှာ နံနံပင် ရှမ်းနံနံအုပ်လိုက်ရင် ချဉ်စပ်မွှေး အသားလွတ် ဟင်းလျာလေးတစ်ခွက် ရပါပြီရှင်။

အသားတုကတော့ Vegan City က ဝယ်တာပါရှင်။

ချက်နည်းများစွာဖြင့်

နန္ဒီ

Vegan City
#ဝါတွင်းသားသတ်လွတ်ဟင်းလျာ
#မုန်ညှင်းချဉ်
#အသားတုသုံးထပ်သားဟင်း

15/08/2026

အဆင်ပြေတာလေး မျှဝေတာပါ။

အရင်ထဲက သိထားတဲ့သူတွေကော၊ အရွက်စားတယ် မလိုအပ်ဘူးထင်တဲ့သူတွေ အတွက်တော့ အပိုဖြစ်သွားရင် မသိချင်ယောင်ဆောင်ပေးနော်။😁

ကိုယ့်ဘာသာဝယ်ပြီး ကိုယ့်စိတ်နဲ့ကိုယ် လက်တို့ပေးတာမို့ပါ။

ရွှေပုလ္လင်က ထုတ်တဲ့ Base Green ဆိုတာလေး။
အရင်ကဆို အဲ့လိုမျိုးတွေ ဝယ်သောက်ဖို့ဆိုတာ ခေါင်းထဲလဲ မပေါ်တဲ့အပြင် နှမြောတောင် နှမြေောသေးတာ။

အိမ်ရှင်မဆိုတော့ ကိုယ်တိုင်လဲ ကြိတ်တိုက်တဲ့သူမို့…စျေးကြီးတယ်ပေါ့။

ခုကျ အရွက်တွေက စျေးကြီး ၊ဝယ်ထားပြီး ရုတ်တရက် ခရီးထွက်သွားဘာညာဆို အရွက်တွေ ပစ်ရ Waste ဖြစ်တာ တမျိုး။

အသက်ကလေး ၄၀နားကပ်တော့ အစိမ်းဓာတ်များများလိုပြီလေ။

တခါတလေ နေ့စဉ် ပုံမှန် အစိမ်းမပါတဲ့နေ့တွေလဲ ရှိတာမို့ ဒါလေးဝယ်သောက်ကြည့်မယ်လေ ဆိုပြီး စမ်းသောက်ကြည့်တာ အဆင်ပြေနေလို့။

နန္ဒီက မနက်ဆို အဲ့တစ်ထုပ်ကို ရေနဲနဲထည့် သောက်ချလိုက်တာပဲ။

တစ်ထုပ်မှာ ၅ထုပ်ပါ ၁၂၀၀၀ဆိုတော့ တစ်ရက်ကို ၂၄၀၀ ပေါ့။
အအေးတစ်ဗူးစာ တန်ပါတယ်တွေးပြီး စမ်းဝယ်ကြည့်ရင်းက သဘောကျလို့ ကလေးတွေ အတွက် Discount ရှိတုန်းလေး Energy Boosts ပါ ထပ်မှာထားသေးတယ်။

တစ်ထုပ်ကို ၂ယောက်ခွဲတိုက်ရင် တစ်ယောက်မှ တနေ့ ၁၂၀၀ပဲ ဝယ်ကြိတ်တိုက်နေတာထက် သက်သာတယ်ဆိုပြီး။

အဆင်ပြေနေတာမို့ စာလေးရေးတင်ပေးတာပါ။
စိတ်ဝင်စားတဲ့သူတွေ Tryကြည့်ပါနော်။
လောဆယ်တော့ Orderတွေ ကျပ်နေလို့ စောင့်နေရတယ် ကျမလဲ။😅

14/08/2026

မင်မင့်သားလေးက ကြက်ဥ၊ဘဲဥ၊ငုံးဥကို သိတတ်စထဲက ဘယ်လိုကျွေးကျွေးမစားပါဘူး။

သူ့ကို စားစေချင်ရင် အသွင်တစ်ခုခုပြောင်းမှ စားတာပါ။

ပဲအမျိုးမျိုးလဲ သိပ်မစားတာမို့ ပဲတို့ ကြက်ဥတို့စားစေချင်ရ် မင်မင်လုပ်ကျွေးနေကြ ကြက်ကြိတ်သားနဲ့ ပဲပြားအရော ကြက်သားလုံး လုပ်နည်းလေး တင်ပေးလိုက်ပါတယ်နေည်။

ကြက်သား+ပဲပြားလုံး ရေညှိုဟင်းချို

ပါဝင်ပစ္စည်း

၁။ကြက်ကြိတ်သား-200g
၂။ပဲပြား-၁တုံးရဲ့ ၁ဝက်
၃။ကြက်ဥ-၁လုံး
၄။ပြောင်းကော်မှုန့်+ငရုပ်ကောင်းဖြူ+ဆား+အရသာမှုန့်
၅။ရေညှို
၆။နှမ်းဆီ

ချက်ပြုတ်နည်း

ကြက်ကြိတ်သားကို ပဲပြား၊ကြက်ဥ၊ခရုဆီ၊ဆား၊အရသာမှုန့်၊ငရုပ်ကောင်းဖြူ၊နှမ်းဆီနဲနဲ နဲ့ စေးနေအောင်နယ်ပါ။

ရေနွေးဆူမှာ နယ်ထားသော အသားများအားအလုံးလေးတွေလုပ်ပြီးပြုတ်ပါ။

အရသာ အနေနှင့် တရုတ်ငံပြာရည်အနည်းငယ်ကို ထည့်ပါ။

ရေညှိုဖတ်လေးတွေထည့်ပါ။

အရသာရှိ အဟာရ ပြည့် ဟင်းချို ပူပူနွေးနွေးလေးရပါပြီ။

ချက်နည်းများစွာဖြင့်

နန္ဒီ

13/08/2026

Chicken+bean curd ball soup

13/08/2026

ရေပြောင်းဖူး(ရေမျှစ်)၊သားသတ်လွတ် ဝက်ခေါက် ခရုဆီ

ပါဝင်ပစ္စည်း

၁။သားသတ်လွတ် ဝက်ခေါက် (အထုပ် ၃ပုံ-၁ပုံ)
၂။ရေပြောင်းဖူး-၃ချောင်း
၄။ဥနီ နဲနဲ
၅။သားသတ်လွတ် မှိုခရုဆီ
၆။ကြက်သွန်ဖြူ
၇။ပဲငံပြာရည်ကျဲ၊ဆား၊အရသာမှုန့်၊ကော်မှုန့်၊ငရုပ်ကောင်းဖြူ

ချက်ပြုတ်နည်း

ရေပြောင်းဖူးနဲ့ ဥနီကို မထူမပါးလှီး ၂ခြမ်းခြမ်းပါ။

ဝက်ခေါက်တွေရေစိမ်ပြီး ပွလာရင် ညှပ်ပေးပါ။

ဆီပူမှာကြက်သွန်ဖြူ ထည့်၊ပါဝင်ပစ္စည်းတွေထည့်၊ရေနဲနဲထည့် အဖုံးအုပ်ပေးပါ။

ပြီးလျှင် အရသာအနေနဲ့ ဆား၊ပဲငံပြာရည်ကျဲ၊မှိုခရုဆီ၊အရသာမှုန့် ထည့်ပါ။

ကော်ရည် နဲနဲဖျော်ထည့်ပြီး အဆုံးမှာ ငရုပ်ကောင်းမှုန့်လေးဖြူးပေးပါ။

အရသာရှိတဲ့ သားသတ်လွတ် ဟင်းလျာ တစ်ခွက်ရပါပြီရှင်။

သားသတ်လွတ် ဝက်ခေါက်ကို Vegancityဆိုတဲ့ ပေ့ချ်က ဝယ်ပါတယ်။
မှိုခရုဆီကိုတော့ Khue Paradise ဆိုတဲ့ ပေ့ချ်က ဝယ်ပါတယ်ရှင်။

ချက်နည်းများစွာဖြင့်

နန္ဒီ

#သားသတ်လွတ်ဟင်း
#ရေပြောင်းဖူး
#ပသားလွတ်ဝက်ခေါက်

pradise

11/08/2026

သားသတ်လွတ် ဆိတ်အာလူးဆီပြန်

ပါဝင်ပစ္စည်း

၁။အသားတု ဆိတ်သား
၂။အာလူး
၃။ပျဉ်းတော်သိမ်၊ကြက်သွန်ဖြူ၊နီ၊ဂျင်း
၄။ပဲငံပြာရည်ကြည်၊ဆာ၊အရသာမှုန့်၊ကုလားလေး မဆလာ

ချက်ပြုတ်နည်း

ဒီဟင်းပွဲ အတွက် အသားတု အထုပ်ရဲ့ ၃ပုံ၁ပုံသာ သုံးထားပါတယ်။
၂ခြမ်းစီ ခြမ်းလိုက်ရင် အများကြီးရပါတယ်နော်။

အာလူးတွေကို အရှည်လိုက်အတုံးလေးတွေ လှီးပါတယ်။

ကြက်သွန်ဖြူ၊နီ၊ဂျင်းကို ညပ်နေအောင်ထောင်းပြီး ပျဉ်တော်သိမ်ရွက်၊ဆနွင်း၊အရောင်တင်မှုန့်နဲ့ ဆီသတ်ပါတယ်။

အာလူးတွေ အရင်ထည့်လုံးပါတယ်။
ပြီးမှ ဆိတ်အာလူး ထည့်ပါတယ်။

ရေနွေးလေးထည့်၊မဆလာလဲ အုပ်၊အာလူးနူး ၊ဆီပြန် ပြီဆို စားလို့ရပါပြီရှင်။

နန္ဒီကတော့ ဆိတ် အသားတုကို Vegan Cityဆိုတဲ့ ပေ့ချ်လေးက ဝယ်ထားတာပါနော်။

ချက်နည်းများစွာဖြင့်

နန္ဒီ
Vegan City
#ဆိတ်အာလူး
#ဝါတွင်းသားသတ်လွတ်ဟင်းလျာများ

10/08/2026

ဒီနေ့တော့ မင်မင့်အမ က သူ့အတွက် ဆွမ်းချိုင့်လေးပို့ပေးပါ ဆိုလို့ အပြေးအလွှားချက်ပြုတ် ပုံကောင်းကောင်း မရိုက်နိုင်တဲ့ နေ့ပါ။

ငါးခူကြော်နှပ်
ကုလားပဲအညာနှပ်
မြေပဲတဲ့ ငရုပ်သီးဆားထောင်း
ငါးခူခေါင်းကြွက်နားရွက်ဟင်းခါး

လေးပါ။

ဟင်းချိုကတော့ ပုံမရိုက်နိုင်တော့ပါရှင်။

နန္ဒီ

09/08/2026

အသားလွတ် အာလူးမျှင် အစပ်ကြော်

ပါဝင်ပစ္စည်း

၁။အာလူး-၂လုံး
(ရှည်ရှည်ပါးပါး အချောင်လေးတွေလှီးပါ)
၂။ငရုပ်သီးအနီ-၃တောင့်
(ပါးပါး အချောင်းလှီးပါ)
၃။ဥနီ
(အမျှင်ခြစ်ပါ)
၄။ကြက်သွန်မြိတ်
(အရှည်လှီးပါ)
၅။တရုတ်ငံပြာရည် အကျဲ၊ဆား၊အရသာမှုန့်၊ငရုပ်ကောင်းမဲ
၆။ကြက်သွန်ဖြူ ဓားပြားရိုက်

ချက်ပြုတ်နည်း

ရှေးဦးစွာ ရေနွေးဆူဆူကို ဆားထည့်၊ပါးပါးလှီးထားသော အာလူးအား ၅စက္ကန့်ခန့်ပြုတ်၊ရေစစ်ပါ။

အိုးထဲတွင် ဆီအနဲငယ်နဲ့ ကြက်သွန်ဖြူဆီသတ်ပါ။
အရှည်လိုက် လှီးထားသော ငရုပ်သီးနီထည့်ပါ။
ဥနီထည့်ပါ။အာလူးထည့်ပါ။
အရသာ အတွက် တရုတ်ငံပြာရည်ကျဲ၊ဆား၊အရသာမှုန့်၊ငရုပ်ကောင်းမဲ ထည့်။
ကြက်သွန်မြိတ် အပေါ်ကနေထည့်မွှေရင် ရပါပြီ။

နူးညံ့ပြီး အစပ်နဲနဲပါတဲ့ အာလူးမျှင်ကြော်လေး စားလို့ရပါပြီရှင်။

လွယ်ကူမြန်ဆန်တာမို့ ချက်စားကြည့်ကြပါနော်။

နန္ဒီ

#ဝါတွင်းသားသတ်လွတ်ဟင်း
#အာလူးဟင်း

08/08/2026

အသားလွတ် ပဲပြားချဉ်စပ်

ပါဝင်ပစ္စည်း

၁။ပဲပြား-၁တွဲ (၂တုံး)
၂။ခရမ်းချဉ်သီး-၂လုံး
၃။ကြက်သွန်ဖြူ၊ငရုပ်သီးစိမ်း
၄။ငရုပ်ချဉ်၊ပဲငံပြာရည်အကျဲ၊အရသာမှုန့်၊ဆား
၅။ဆနွင်း၊အရောင်တင်မှုန့်
၆။ပင်စိမ်း၊ရှမ်းနံနံ

ချက်နည်း

မင်ကတော့ ပဲပြားလေးတွေကို လေးထောင့်ပါပါးလေးတွေတုံးပြီး အရင်ဆုံး ဆီနဲနဲမှာ အပေါ်၊အောက်လှန် ကြော်ပါတယ်။

ပြီးရင် နုပ်နုပ်စင်းထားတဲ့ ကြက်သွန်ဖြူ၊ခရမ်းချဉ်သီး နဲ့ ငရုပ်သီးစိမ်းကို မွှေးနေအောင် ဆနွင်း၊အရောင်တင်မှုန့်တို့နံါ ဆီသတ်ပါတယ်။

အနှစ်လေးတွေ ကြေလာပြီဆို အရသာအနေနဲ့ ငရုပ်ချဉ် ထမင်းစားဇွန်း ၁ဇွန်း၊ပဲငံပြာရည် လဘက်ရည်ဇွန်း ၁ဇွန်း၊အရသာမှုန့်နဲ့ ဆားထည့် ရေနွေးလေးနဲနဲထည့်ပါတယ်။

အနံ့အရသာ အနှစ်အနေအထား အနေတော်ဖြစ်ပြီ ပွက်လာပြီဆို ကြော်ထားတဲ့ ပဲပြားလေးတွေ ထည့်မွှေ ပြီး မီးအေးအေးမှာ ခဏထားပါတယ်။

နောက်ဆုံးမှာ ပင်စိမ်းနဲ့ ရှမ်းနံနံလေး ထည့်မွှေလိုက်ရင်တော့ အရသာရှိလှတဲ့ ပဲပြားချဉ်စပ် ဟင်းလေးရပါပြီရှင်။

မင် သုံးတဲ့ ငရုပ်ချဉ် တံဆိပိလေးလဲ ပုံမှာ ပြပေးထားပါတယ်နော်။

သားသတ်လွတိ သမားတွေအတွက် အရသာရှိ၊ပရိုတင်းလဲကြွယ်ဝ စေပြီး အားရှိမဲ့ ဟင်းလျာလေးမို့ ချက်စားကြည့်ကြပါဦးနော်။❤️

ချက်နည်းများစွာဖြင့်

နန္ဒီ
#သားသတ်လွတ် #ဝါတွင်း #ပဲပြားချဉ်စပ်

Nandy’s Cooking

17/08/2026

16/08/2026

15/08/2026

14/08/2026

13/08/2026

13/08/2026

11/08/2026

10/08/2026

09/08/2026

08/08/2026

Address

Website

Alerts

Shortcuts

Share

Listing takedown request