26/11/2023
မနက်ခင်းဆို အေးစပြုလာပြီနော်
ဆောင်းမနက်ခင်းရဲ့အေးချမ်းတဲ့အငွေ့အသက်လေးတွေကို စတင်ခံစားမိလာပြီပေါ့ရှင်
ယွန်းကတော့ဆောင်းမနက်ကိုအရင်ကအဲ့လောက်မခံစားမိဘူးရှင့် အိပ်ပုပ်မလေးဖြစ်ခဲ့လို့ထင်ပါတယ်
ဒီရက်ထဲစိတ်တွေလေးပင်နေလို့လားမသိ စိတ်လိုလက်ရမရယ်မောဖြစ်တာတောင်ကြာပြီ။ မရယ်ရလဲအတွေးလေးတွေခဏလေးဖြစ်ဖြစ်အေးချမ်းချင်လို့ အဖေနဲ့ပတ်သတ်တဲ့အမှတ်တရလေးရေးရင်း .....
လူတိုင်းမှာအကြောင်းကိုယ်စီ ၊ စိတ်ခံစားမှုကိုယ်စီနဲ့မို့ ဒီစာကြောင့်အနှောက်အယှက်ဖြစ်ခဲ့ရင်ကြိုတောင်းပန်ပါရစေ။
ဆောင်းဆိုတာနဲ့ အဖေ့မွေးရပ်တောင်ကြီးကိုသတိရတော့တာပါပဲ ။ အဖေသာရှိသေးရင် တောင်ကြီးပြန်ဦးမယ်သမီးရယ်လို့ပြောမှာသေချာပဲ ။ အဖေကသူ့မြို့ သူ့ရွာ ကိုသိပ်ချစ်ခဲ့တာကို ယွန်းလဲချစ်တာပါပဲ ။ အဖေ့ကိုတော့ မမှီဘူးပေါ့ ။ အဖေနဲ့အတူရောက်ခဲ့တာ ၂ခါပဲရှိခဲ့ပေမယ့် အဖေမပါပဲ အမေနဲ့သွားရရင် တောင်ပေါ်ကြည့်ပြီးအဖေ့ကိုလွမ်းလို့ ဘယ်သူမှမသိအောင် ငိုခဲ့ရတာသွားတဲ့အခေါက်တိုင်းလိုလိုပါပဲ။
သဘာဝအတိုင်းရှိနေတာကိုကြိုက်တဲ့သူမို့လို့လားမသိ ။နောက်ဆုံးတစ်ခေါက်ရောက်တော့ ပြုပြင်ထားတာတွေနဲ့အပြည့်ပါပဲ ။အဲ့လိုအခြေအနေတွေကရွာအတွက်ကောင်းပေမယ့် အရင်ကအငွ့အသက်လေးတွေသိပ်မခံစားမိခဲ့တော့ဘူး ။
အရင်ကတောင်ကြီးရောက်ရင် တောင်အောက်ကကားကြီးကွင်းမှာဆင်း တောင်ပေါ်ကိုကားသေးလေးနဲ့တက်ရတယ် မနက်ဝေလီဝေလင်းအချိန် ဆိုတော့ အလင်းရောင်ဖျော့ဖျော့ တောင်တက်တဲ့တလျောက် ရေတံခွန်အသေးလေးတွေ ငှက်ကလေးတွေ ဆောင်းလေအေးအေးလေးတွေ ရယ်ကြောင့် အေးချမ်းတယ်ဆိုတဲ့အရပ်ဆိုတာကို စသိခဲ့တဲ့အချိန် ပေါ့
နာရီဝက် လေးဆယ့်ငါးမိနစ်လောက်ဆို တောင်ကြီးမြို့ပေါ်ကိုရောက်ပါပြီ ။ တောင်ကြီးဈေးနဲ့ နာရီစင်ကိုဖြတ်ပြီး ရွာကိုရောက်ဖို့လာကြိုတဲ့အစ်ကိုကိုစောင့်ပြီး ကားတစ်ခါစီး ။ ဆယ့်ငါးမိနစ်လောက်ဆိုရောက်ပါပြီ။ လှေကားထစ်စိုက်ခင်းတွေ တောင်တွေ စတော်ဘယ်ရီခင်းတွေ စမ်းချောင်းတွေ မြင်ရတာဘယ်လိုပျော်မှန်းကိုမသိတာ အဖေအမရဲ့အိမ်လေးက ခြေတံရှည်အိမ်လေး တောအိမ်လေး အရမ်းသဘောကျစရာကောင်းတယ် မနက်ဆိုဆောင်းအငွေ့လေးတွေနဲ့ မီးမွှေးပြီးဟင်းချက်တဲ့အနံ့လေးတွေ ကြိုက်ခဲ့တာပေါ့ ယွန်းကတော့အပေါ်ထပ်မှာ အဖွားနဲ့ စတော်ဘယ်ရီလေးတွေကိုခြွေပြီး မနက်ခင်းအလှကိုငေးမောခဲ့ရတဲ့အရသာလဲလွမ်းမိပါတယ် ဆေးမပါတဲ့အသီးအရွက် တွေကိုစားခဲ့ရလိုလားမသိ အဖိုးအဖွားတွေက အဲ့အချိန်ဆို ရေထမ်း တဲ့သူကထမ်း လက်ဖက်ခူးတဲ့သူကခူး ကျန်းမာလိုက်တာ ............
မနက်စာ သက်သက်လွတ်တို့ဟူးနွေး အီကြာကွေးလေးနဲ့ အရမ်းကြိုက်ခဲ့တာပေါ့ စားပြီးတာနဲ့ လျှောက်လည်ဖို့ပြင်ဆင်ပါပြီ .......................................
ရွာကစမ်းချောင်းလေး ၊ဂနိုင်အေး (ကြားပဲကြားဖူးတာမရောက်ဖူးသေးဘူး) ၊မမေ့နိုင်တဲ့ စတော်ဘယ်ရီခင်း ၊ရွာလမ်းထိပ်ကတို့ဟူးနွေးဆိုင် (အီကြာကွေးကအသက်ပဲ)
ဆောင်းမနက်မှာ ရှမ်းအစားအစာလေးစား ...............
ရှမ်းသီချင်းလေးနားထောင်ပြီး ...................
တောင်တန်းတွေကိုလွမ်းချင်ရင်တော့.................
Home Made ရှမ်းခေါက်ဆွဲဆိုင်လေးကို လာခဲ့ဖို့ ဖိတ်ခေါ်အပ်ပါတယ်ရှင့်
