21/08/2024
" ပေါင်းသင်းဆက်ဆံရေးနဲ့ ပတ်သတ်ပြီး အမြဲတမ်းမှန်နေမယ့် အချက်(၇)ချက် "
၁ ။ ကိုယ်ဘယ်လိုနေနေ ၊ ဘာတွေပဲ လုပ်လုပ် ၊ လူတိုင်းကတော့ ကိုယ့်ကိုကြိုက်နိုင်မှာ မဟုတ်ဘူးဆိုတာ သိထားပါ ။ တစ်ယောက်ယောက်ကများ ကိုယ်ကို မကောင်းပြောလာခဲ့ရင် တုန်လှုပ်မသွားပါနဲ့ ၊ အဲ့ဒါသာမာန်ပါပဲ ။ နောက်ပြီးလူတကာကြိုက်ဖို့ကိုလည်း ဘယ်တော့မှ အားမထုတ် ၊ မမျှော်လင့်ပါနဲ့ ။ သိပ်ပင်ပန်းရပါလိမ့်မယ် ။
၂ ။ ကိုယ်လုပ်ပေးနိုင်တာ လုပ်ပေးပါ ။ တုံ့ပြန်ဖို့ မမျှော်လင့်ပါနဲ့ ။
၃ ။ လူတွေကို ပြောင်းလဲပေးတာထက် ပြောင်းလဲချင်စိတ်ရှိသူကို ကူညီပေးတာက ပိုထိရောက်ပါတယ် ။
၄ ။ သေကွဲသော်လည်းကောင်း ၊ ရှင်ကွဲသော်လည်းကောင်း အချိန်မရွေးကွဲသွားနိုင်ပါတယ် ။ ဒါကို ရွေးချယ်လို့မရပါဘူး ။ အတူရှိနေတုန်းမှာ တစ်ယောက်နဲ့တစ်ယောက် ဘယ်လိုသဘောထားဆက်ဆံကြမလဲဆိုတာကိုပဲ ရွေးလို့ရပါတယ် ။
၅ ။ ဘယ်သူ့ကိုမှ ပုံမသွင်းပါနဲ့ ။ မချည်နှောင်ပါနဲ့ ။ လွှမ်းမိုးဖို့ မကြိုးစားပါနဲ့ ။ အရှိ အရှိအတိုင်းကိုသာ လက်ခံနိုင်အောင် ကြိုးစားပါ ။
၆ ။ တုံ့ပြန်သင့်တယ်ထင်ရင် တစ်ခါတည်း တုံ့ပြန်ခဲ့ပါ ။ ပြီးမှ ခံလိုက်ရလေခြင်းဆိုပြီး တနုံ့နုံ့ခံစားမနေပါနဲ့ ။ နှစ်ခါရှုံးပါတယ် ။
၇ ။ ကိုယ့်ကို ဒုက္ခပေးခဲ့ဖူးသူတွေကို ခွင့်လွှတ်ပါ ။ ပိုအရေးကြီးတာက ကိုယ့်အပေါ်ကောင်းတဲ့သူတွေကို အသိအမှတ်ပြု ၊ ကျေးဇူးတင် ၊ ကျေးဇူးဆပ်ဖို့ ဘယ်တော့မှ မမေ့ပါနဲ့ ။
Credit
