https://www.facebook.com/105465831831691/

Honey & Bunny, Insein Road, Yangon (2026)

05/03/2022

အာလူးပိစိကြော် ❤️

စားဖူးချင်တာကြာပြီ
ဒီနေ့ စျေးမှာ အာလူးပိစိလေးတွေတွေ့တာနဲ့ ၅၀၀ ဖိုးဝယ်လာပြီး စမ်းကြော်စားတာ
ဖောက် ဖောက် ဖောက်ဖောက်နဲ့ စားလို့ရှယ်ကောင်း
ထမင်းနဲ့စားစား ရေနွေးလေးနဲ့ထိုင်သောက်သောက် တကယ်စားကောင်းတာ
အာလည်းလုံးဝမယားဘူး
မစားဖူးသေးရင် try ကြည့်ပါနော်

အရင်ဆုံး အာလူးလေးတွေကို ရေများများနဲ့ ဖုန်တွေ မြေကြီးတွေပြောင်အောင်ဆေး
ပြီးရင် ဆားနဲ့ပွတ်ပြီး နှစ်ရေ သုံးရေလောက်ဆေး
သန့်သွားပြီဆို ဆီနည်းနည်း မီးအေးအေးနဲ့ကြော်ပေးပါ အခွံလေးတွေ ရှုံ့တွလာပြီဆို ဆယ်ထား
ပြီးရင် ကြက်သွန်နီရယ် ကြက်သွန်ဖြူရယ် ကြိတ်ထား/ထောင်းထားတာကို ဆီသတ် ကြက်သွန်နွမ်းပြီဆို အရသာမှုန့်ထည့် ငရုတ်သီးခွဲခြမ်းမှုန့်ထည့် အာလူးကြော်ထားတာထည့်
ပြီးတာနဲ့မီးပိတ်ပြီး နှံ့စပ်သွားအောင် မွှေပေးလိုက်
ဒါဆို အာလူးပိစိကြော်ရပါပြီ

04/10/2021

မင်္ဂလာပါ
ဒီကနေ့ Honey & Bunny က မိုးရာသီနဲ့တအားလိုက်ဖက်ပြီး အလွယ်တကူချက်စားလို့ရတဲ့ ကြာဆံချက်ချက်နည်းလေး တင်ဆက်ပေးမယ်နော်
ခုလို အစစ အရာရာ စျေးတက်နေတဲ့အချိန်မှာ ကိုရီးယားခေါက်ဆွဲပြုတ်ကို စိတ်ရှိတိုင်းစားဖို့တောင် အဆင်မပြေတော့ဘူးလေနော် 🥲 ဒီတော့ စျေးသက်သာပြီးအလွယ်တကူဝယ်လို့ရတာလေးတွေနဲ့ ကြာဆံချက်ပဲ တအိုးကြီးချက်ပြီး တစ်အိမ်လုံး စားကြစို့လေ

- [ ] လိုအပ်သောပစ္စည်းများ
ပဲကြာဆံ
ကြက်ရိုး/ကြက်သား
ငရုတ်ကောင်းမှုန့်
ပဲလိပ် သို့ ပဲပြားမျှင်
ပန်းခြောက်
ကြွက်နားရွက်မှို
အသားတု
ငုံးဥ
ဆီ 50ml ၊ ဆနွင်းမှုန့်၊ အရောင်တင်မှုန့် သို့ ငရုတ်သီးအစိမ်းမှုန့် ၊ ကြက်သွန်နီ၊ ကြက်သွန်ဖြူ၊
ဂျင်း ၊ ကြက်သားမှုန့်၊ ငံပြာရည်၊ နံနံပင်၊ ငရုတ်သီးအကျက်မှုန့် ၊ရှောက်သီး သို့ သံပုရာသီး

- [ ] ပထမဦးဆုံး ကြက်ရိုး ကြက်သားကို ဆနွင်းမှုန့် ငံပြာရည်အနည်းငယ်၊ ဂျင်းတစ်ပြားထုချေထည့်ပြီး ပြုတ်ပါမယ် ။ အမြုပ်တွေတက်လာရင်ဖယ်ထုတ်ပစ်ပါ။ ကြက်သားကျက်ရင် ဆယ်ပြီး အအေးခံပါမယ်။ ပြီးရင်အသားတွေကိုမျှင်ထားမယ်နော်။ ကြက်ရိုးတွေကဆယ်ဖို့မလိုပါဘူး။
- [ ] ပဲလိပ်၊ ပန်းခြောက်၊ ကြွက်နားရွက်မှို၊ အသားတုတို့ကို ရေစိမ်ထားပါ။ ပွလာပြီဆို ရေညစ်ပြီးအနေတော်လေးတွေညှပ်ထားမယ်နော်။
- [ ] ငုံးဥထည့်မယ်ဆိုပြုတ်ပြီးခွါထားနော်။
- [ ] ကြက်သွန်နီတစ်ဥ ကြက်သွန်ဖြူ ခြောက်မွှာလောက်ကို အခွံခွါပြီး ညက်နေအောင်ထောင်းပြီး ဆနွင်းမှုန့်အနည်းငယ် အရောင်တင်မှုန့်တီးဇွန်းတစ်ဇွန်းမောက်မောက်ထည့် ဆီသတ်မယ်နော်။ ပြီးရင် နွင်ထားတဲ့ကြက်သားထည့်ပြီး လုံးထားလိုက်ပါနော်။
- [ ] ကြက်ပြုတ်ရည်အကျိုကျပြီဆို ညှပ်ထားတဲ့ ပဲလိပ် ပန်းခြောက် ကြွက်နားရွက် အသားတု ချက်ထားတဲ့ကြက်သားဆီသတ်ထည့်ပါမယ် ။ အရသာအတွက် ကြက်သားမှုန့် ငံပြာရည်ကို လိုအပ်သလိုထည့်ပါ။ ငရုတ်ကောင်းမှုန့် နိုင်နိုင်ထည့်ပါ အဲ့ဒါမှ ကြာဆံချက်အနံ့ အရသာပြည့်စုံမှာပါ ။ အရသာလည်းကွက်တိဖြစ်ပြီဆို ပဲကြာဆံထည့်ပြီး ကြာဆံကျက်ပြီဆို ပန်းကန်လုံးလေးထဲခပ်ထည့် ပြုတ်ထားတဲ့ငုံးဥ၊ ငရုတ်သီးမှုန့် နံနံပင်လေးထည့် သံပုရာသီးလေးညစ်ပြီး ရှူးရှူးရှဲရှဲကြာဆံချက်ပူပူလေးစားလို့ရပါပြီ။ 😇
ငါးဖယ်ကြော် ညှပ်ပြီး ထည့်စားရင်လည်းအရမ်းလိုက်ပါတယ်နော် ။
ငါးဖယ်မပါရင် ကုန်ကျစရိတ် ၃၀၀၀မကုန်ပါဘူးနော် 🌝

ချက်နည်းလေးက အဆင်ပြေတယ်၊ သဘောကျတယ်ဆို Like & Share လေးလုပ်ပြီး မျှဝေပေးခဲ့နော်။ နောက်လည်း တခြားချက်နည်းလေးတွေတင်ပေးဦးမှာမို့
ကိုယ်တိုင်ချက်စားရတာဝါသနာပါတယ်ဆို Page လေးကို Like & Follow ထားဖို့ မမေ့နဲ့နော် ။ ကျေးဇူးပါရှင့် 🥰

05/09/2021

မုန့်ဟင်းခါးချက်နည်း (မုန့်ဖတ်၁ပိဿာအတွက်)

မုန့်ဟင်းရည်ချက်ရန်အတွက် လိုအပ်သောပစ္စည်းများ
ငါး - ၂၀ကျပ်သား ( ငါးခူ၊ ငါးမြစ်ချင်း၊ ငါးကြင်းကြိုက်ရာသုံးလို့ရပါတယ်။ ခြူးကတော့ ငါးကြင်းကိုသုံးထားပါတယ်)
မွှေးဆန်အကျက်မှုန့် - အထုပ်တစ်ဝက်
ကုလားပဲ - ၅ကျပ်သားခန့် ( ပျစ်ပျစ်ကြိုက်ရင် ပိုထည့်ပါ)
စပါးလင် - ၂ပင်
ဂျင်း - လက်၁ဆစ်
ကြက်သွန်ဖြူ - ၄ လုံး
ကြက်သွန်နီ ဥအကြီး - ၁လုံး
ကြက်သွန်နီ ဥအသေး - ၁၅လုံးခန့်
ငှက်ပျောအူ - ကြိုက်လျှင်ထည့်ပါ။ (ခြူးကတော့မကြိုက်လို့မထည့်ထားပါဘူး)
ဘဲဥ - ကြိုက်နှစ်သက်သလောက်
ဆီ၊ ငံပြာရည်၊ အသားမှုန့်၊ ငရုတ်သီးအစိမ်းမှုန့်၊ ငရုတ်သီးအကျက်မှုန့်၊ နံနံပင်၊ ပဲကြော်။

⁃ ပထမဆုံး ငါးပြုတ်ပါမယ်။ စပါးလင်တစ်စည်းကိုရေဆေး ထုချည်ပြီး ငါးနှင့်အတူ ငါးမြုပ်ရုံရေထည့်ပြီးပြုတ်ပါမယ်။ နနွင်းမှုန့်အနည်းငယ်နှင့် ငံပြာရည်ထည့်ပြီးပြုတ်ပေးရပါမယ်။

⁃ ငါးပြုတ်ထားတုန်း ငါးဆီသတ်ရန်အတွက် ကြက်သွန်နီဥကြီးတစ်လုံး၊ ကြက်သွန်ဖြူ၃လုံး၊ ဂျင်း၊ စပါးလင်တို့ကို ညက်နေအောင်ထောင်းထားပါမယ်။ (စပါးလင်ကိုအပင်နဲ့အပေါ်ကအရင့်တွေခွါပြီးအတွင်းကနုနုလေးကိုပဲသုံးပါမယ်နော်)

⁃ ငါးပြုတ်ကျက်ပြီဆို ငါးတုံးများကိုအအေးခံထားပါ။ ငါးပြုတ်ရည်ကိုဖယ်ထားပါ။

⁃ ငါးပြုတ်ပြီးရင် ကုလားပဲပြုတ်ပါမယ်။ ကုလားပဲကို ခဲ၊အမှိုက်မပါရန်သန့်စင်ပြီး ရေဆေးပြီး နနွင်းနှင့်ဆားအနည်းငယ်ထည့်၊ ပဲနူးသည်အထိပြုတ်ပါမယ်။ အပေါ်သို့တက်လာသောအမြုပ်များကိုဖယ်ထုတ်ပစ်ပါ။

⁃ ပြုတ်ထားသောငါးများကို အသားနွင်ပါမယ်။ အရိုးနှင့်အရေခွံများမပါအောင်သေချာနွင်ပေးထားပါ။ အရိုးများကိုထောင်းပြီး ငါးပြုတ်ရည်နှင့်ရော၍ ဇကာနှင့်စစ်၍ ပြုတ်ရည်ယူထားပါ။

⁃ ငါးဆီသတ်ပါမယ်နော်။

⁃ ဆီမသတ်ခင် မုန့်ဟင်းခါးထဲထည့်စားဖို့ ဆီချက်ပါတစ်ခါတည်း ချက်ထားလိုက်ပါမယ်။ ဒယ်အိုးထဲဆီထည့်၊ ဆီပူလာလျှင် နနွင်းမှုန့်ထည့်ပြီး ကြက်သွန်ဖြူတစ်လုံးအခွံခွါ၊ မထူမပါးလှီးပြီး ရွှေရောင်သန်းလာသည်အထိကြော်ပါ။ ပြီးလျှင်ကြက်သွန်ကြော်ဖတ်များနှင့် ဆီကျက်နှစ်ဇွန်းစာလောက်ဖယ်ထားလိုက်ပါနော်။

⁃ အိုးထဲကျန်တဲ့ဆီထဲကြက်သွန်၊ဂျင်း၊စပါးလင်ထောင်းထားတာထည့်ပြီး ဆီသတ်ပါမယ်။ ကြက်သွန်စိမ်းနံ့ပျောက်ပြီးရွှေဝါရောင်သန်းလာပြီဆို ငရုတ်သီးအစိမ်းမှုန့်(အရောင်တင်မှုန့်)ထည့်ပါမယ်။ ပြီးလျှင်နွှင်ထားသောငါးပြုတ်များထည့်ပြီး ကြက်သားမှုန့်၊ ငံပြာရည်အနည်းငယ်ထည့်၍ ငါးများမွလာသည်အထိဆီသတ်ပေးရပါမယ်။

⁃ ကုလားပဲပြုတ်ထားသည်များနူးအိလာပြီဆို ပဲစေ့များမကျန်အောင်ချေပါ။ (သို့မဟုတ် ) ဇကာတိုက်ထားပါ။

⁃ ဘဲဥပြုတ်ပြီး အခွံခွါထားပါ။

မုန့်ဟင်းရည်ချက်ပါပြီ။

ငါးပြုတ်ရည်ထဲသို့ ဆန်အကျက်မှုန့်ထည့်တည်ပါ။ ဆယ်မိနစ်ခန့်တည်ပြီးလျှင် ချေထားသော ကုလားပဲပြုတ်ထည့်ပါ။ ငါးဆီသတ်ထည့်ပါ။ အခွံခွါထားသောဘဲဥပြုတ်များထည့်ပါ။ ဘဲဥပြုတ် ၂လုံးကို ပါးပါးလှီးထည့်ပါ။ အပေါ့အငန်လိုသလို ချိန်ဆထည့်ပါ။ ဆယ့်ငါးမိနစ်ခန့်အကြိုကျအောင်တည်ပြီး အခွံခွါထားသောကြက်သွန်နီဥလေးများထည့်ပါ။ ကြက်သွန်ဥလေးများကျက်ပြီဆို ငရုတ်ကောင်း၁၀စေ့ခန့်လှော်၍အမှုန့်ကြိတ်ပြီးထည့်ပါ။ သုံးမိနစ်ခန့်ဆက်တည်ပြီးလျှင် မုန့်ဟင်းရည်ကျက်ပါပြီ ။

မုန့်ပွဲပြင်လို့ရပါပြီနော် ။

မုန့်တစ်ပွဲအတွက်ပျမ်းမျှမုန့်အချိန်က ငါးကျပ်သားပါရှင်။
မုန့်ဖတ်ကိုပန်းကန်လုံးထဲထည့်
ဆီချက်ဖတ်ကလေးထည့် နံနံပင်၊ငရုတ်သီးမှုန့်၊ အိုးဘဲဥ၊ ပဲကြော်၊ ငါးဖယ်ကြော်၊ ကြိုက်နှစ်သက်ရာ အရွက်၊အကြော်များထည့်ပြီး မုန့်ဟင်းရည်လေးစမ်းလိုက်ရင် မုန့်ဟင်းခါးပူပူလေးရပါပြီနော် ။

ချက်နည်းလေးက အဆင်ပြေတယ်၊ သဘောကျတယ်ဆို Like & Share လေးလုပ်ပြီး မျှဝေပေးခဲ့နော်။ နောက်လည်း တခြားချက်နည်းလေးတွေတင်ပေးဦးမှာမို့
ကိုယ်တိုင်ချက်စားရတာဝါသနာပါတယ်ဆို Page လေးကို Like & Follow ထားဖို့ မမေ့နဲ့နော် ။ ကျေးဇူးပါရှင့် 🥰

28/07/2021

အရောင်ကုထုံးလေးပါ
စိတ်ပျော်ရွှင်ကြည်လင်အောင် ခဏခဏကြည့်ပေးပါနော်
ဘာမှ မစဉ်းစားဘဲ စိုက်ကြည့်နေရင်း စိတ်တွေကြည်လင်လာစေတဲ့ colour therapy 💛💚❤

Photo crd #

Address

Insein Road
Yangon

Website

facebook.com

Alerts

Be the first to know and let us send you an email when Honey & Bunny posts news and promotions. Your email address will not be used for any other purpose, and you can unsubscribe at any time.

Honey & Bunny