18/09/2026
ထမင်းအကြောင်းလေးဆက်ရေးပါမယ်။
ကျမ ပို့စ်တစ်ခုတွေ့မိတယ်ရှင့်။ မနက်ချက်ထားတဲ့ထမင်း ညကျမှစားလို့ရလား လို့ မေးထားတဲ့ပို့စ်ပါ။ လူငယ်လေးတွေ ခုမှ ကိုယ့်ဘာသာချက်စားကြသူတွေ.။ အိမ်ရှင်မအသစ်လေးတွေ..ဖြစ်ကောင်းဖြစ်ပါလိမ့်မယ်။
သူတို့အတွက် အဓိက ကျမ ရေးမှာပါ။
ထမင်းကို ရေငှဲ့ချက်ရင် ထမင်းလေးလှတယ်။
ပိုအထားခံပါတယ်။
ဒါပေမယ့်.. အလုပ်တော့နည်းနည်းပိုရှုပ်တာပေါ့နော်။
ပေါင်းအိုးခလုပ်ဖွင့် ရေခမ်းချက်တာ အလုပ်ရှုပ်သက်သာပြီး အချိန်မကုန်ဘူးပေါ့..
ပေါင်းအိုးနဲ့ချက်ပေမယ့် ထမင်းအိုး ဆူပွက်လာချိန်
တစ်ချက်လောက်မွှေပေးနိုင်ရင်တော့ ပိုကောင်းပါတယ် ရှင်။
ထမင်းကျက်ပြီးနောက်ပိုင်း ထမင်းအိုးအဖုံးလေးဖွင့် ချွေးခါပေးနိုင်ရင် ထမင်းထဲချွေးမကျလို့
ထမင်း အထားခံပါတယ်။
တခါတလေ ညမနက်စာပေါင်းချက်ထားလို့
မနက်ချက်တဲ့ထမင်း ည စားပါတယ်။
ဘာမှမဖြစ်ပါ စားလို့ရပါတယ်။
ညစာအတွက် ထမင်းထပ်တည်ရင်လည်း
မနက်ကကျန်တဲ့ထမင်း ကို ပန်းကန်လုံးလေးနဲ့
ထမင်းအိုးနပ်ချိန် ထည့်နွှေးပြီးစားပါတယ်။
ဆန်ကောင်းရင် ၂၄ နာရီထားလည်းမသိုးပါဘူး.
ရေခဲသေတ္တာ ထဲ မထည့်ပဲ အပြင်မှာဒီအတိုင်းထားတာကို ပြောတာပါနော်။
မသိုးပေမယ့် ကျန်းမာရေးအတွက်
မစားသင့်ဘူးထင်လို့ ကျမ မစားပါဘူးနော်..
ဗိုက်ထဲရောက်တာနဲ့ သိုးမယ့်အစားအစာ
အချဉ်ပေါက်တော့မယ့်အစားအစာ
မစားတာအကောင်းဆုံးပါ..
ထမင်းတစ်ပန်းကန်ကို နှမြောလို့ ရောဂါရနေရင်
ဆေးဖိုးက ထမင်းဖိုးထက် ပိုကုန်ပါမယ်။
နှမြောတတ်တဲ့အိမ်ရှင်မလေးတွေ သတိထားဖို့ပါ။
ထမင်းအကြောင်းရေးစရာကျန်ပါသေးတယ်
စာရှည်မှာစိုးလို့..နောက်နေ့မှရေးပါတော့မယ်။
ဒီ Page လေးက အိမ်ရှင်မ အကြောင်းအရာ
အချက်အပြုပ်အစားအသောက် နှင့်
အိမ်ရှင်မဘဝ အိမ်ရှင်မခံစားချက်
မိခင်ဘဝ မိခင်တစ်ယောက်ရဲ့ ခံစားချက်
အတွေ့အကြုံလေးတွေ ဝေမျှဆွေးနွေးဖို့အတွက်ပါ။
ကောမန့်ရေး သိသမျှဝင်ရောက်ဆွေးနွေးမျှဝေပေးကြသူ အားလုံးကို ကျေးဇူး တင်ပါတယ်ရှင်..
Page ကို Follow လေးလုပ်ပေးသူများကိုလည်း
ပိုကျေးဇူးတင်ပါတယ်ရှင်..💛🤍💛
Shwe Lwan Thu
18-9-2026
