05/05/2026
ရန်သူမျိုးငါးပါး ကြောက်စရာမလို
------------------
ဘုရားရှင်ကိုယ်တော်မြတ်ကြီး ဝေဠုဝ ရွာမှာ ဝါကပ်တယ်၊ အဲဒီရွာကို
ဆွမ်းခံကြွတဲ့အခါ
မာန်နတ်က ရွာသူရွာသားတွေကို
ပူးဝင်နှောင့်ယှက်ထားတဲ့အတွက်
ဆွမ်းမရရှိခဲ့ဘူး။
အဲဒါကို မိလိန္ဒမင်းကြီးက ရှင်နာဂသိန်ကိုမေးတယ်
ဘုရားရှင်ကို လှူမဲ့ဆွမ်းအတွက်
မာန်နတ်နှောင့်ယှက်လို့ရသလားတဲ့။
ရှင်နာဂသိန်က မင်းကြီး ဘုရားရှင်အတွက်ဆိုပြီး
မရည်စူးခင်မှာ ရွာသူရွာသားတွေကို နှောင့်ယှက်ထားလို့ ဆွမ်းမရတာတဲ့ တကယ်လို့များ
ဘုရားရှင်အတွက်ဆိုပြီးရည်စူးထားပြီးသား ,ဆွမ်းကိုမှ မာန်နတ်ကနှောင့်ယှက်တာဆိုရင် အဲဒီမာန်နတ်ဟာ ဦးခေါင်းရှစ်စိတ် ကွဲလိမ့်မယ်တဲ့။
ပြောချင်တာက
မိတ်ဆွေတို့ရှာသမျှ စည်းဇိမ်ဥစ္စာဟာ
ရန်သူမျိုးငါးပါးကြောင့် အချိန်မရွေး
ပျက်စီးနိုင်ပါတယ် အာမခံချက်မရှိပါဘူး။
ဒီအချိန်မှာ ပိုပြီးတော့တောင် ပျက်စီးလွယ်ပါသေးတယ်။
ဒါပေမဲ့
#ငါရှာတာဟာ ဘုရားရှင်သာသနာတော်အတွက်ဆိုပြီး ရှာဖွေကြည့်ကြစမ်းပါ
ရှာလို့ရတဲ့စည်းဇိမ်ဥစ္စာကိုလည်း သာသနာတော်နဲ့သာ
မျှဝေ ခံစားကြည့်ကြစမ်းပါ။
အဲဒီစည်းဇိမ်ဥစ္စာတွေဟာ
ရန်သူမျိုးငါးပါးမပြောနဲ့
ရန်သူမျိုး ဆယ်ပါးရှိခဲ့ရင်တောင်
မပျက်စီးစေရပါဘူး ။
သာသနာတော်အတွက်ဆိုပြီးတော့ ရည်စူးကြည့်ပါ။
သမ္မာဒေဝ နတ်ကောင်းနတ်မြတ်တွေကပါ ဝိုင်းဝန်းကူညီစောင့်ရှောက်ကြပါလိမ့်မယ်။
စည်းဇိမ်ဥစ္စာပျက်စီးဖို့အတွက်
ဘာမှ ပူစရာမလိုတော့ပါဘူး...။
ဦးမြင့်ခိုင်
