Sithar Coffee Garden

25/03/2020

စည်သာကော်ဖီဥယျာဉ်မှ
စားသုံးသူမိဘ
ပြည်သူများအား လေးစားစွာဖြင့် အသိပေးကြေညာအပ်ပါသည်........
ယခု ဖြစ်ပွားနေသော COVID-19
ကြောင့်မိတ်ဆွေများ၏ ကျန်းမာရေး အား
အလေးထားပါသဖြင့်
ဆိုင်အား ခေတ္တပိတ်
ထားပါသည်..,,,
မိတ်ဆွေများအန္တရာယ်
ကင်းစွာဖြင့်COVID 19 ကပ်ရောဂါဆိုးမှဖြတ်ကျော်နိုင်ပါစေကြောင်း ဆုမွန်ကောင်းပို့သအပ်ပါသည်🙏🏻🙏🏻🙏🏻
☎️၀၉၇၉၄၈၁၁၇၉၀
☎️၀၈၅၂၀၂၁၇၄၂

19/03/2020

03/03/2020

📌📌📌၂၀၂၀ ခုနှစ်ရဲ့ မတ်လကတော့ (၃) ရက်ဆက် ရုံးပိတ်ရက် (၃)ခါရှိတဲ့လအဖြစ် မှတ်တမ်းတင်လိုက်ရပါတယ်....
ခရီးထွက်ချင်တဲ့ အမျိုးတွေအတွက်တော့ အဆင်ပြေတာပေါ့နော.......🛫🚅🚅

🥰🥰🥰ပထမဦးဆုံး (၃) ရက်ဆက်ရုံးပိတ်ရက်မှာတော့ ပြည်တွင်း၊ ပြည်ပ ဧည့်သည်တွေကို ကျေနပ်အောင် ဝန်ဆောင်မှုပေးနိုင်ခဲ့တဲ့အတွက် စည်သာကော်ဖီဥယျာဉ်အနေနဲ့ များစွာဂုဏ်ယူမိပါတယ်....😇😇😇

🙏🙏🙏နောက်လာမည့် ရုံးပိတ်ရက်တွေမှာလည်း အမျိုးတွေအတွက် အဆင်သင့်ပါနော်.....🤟🤟🤟

28/02/2020

Come for flower...🌺🌻🌹🌳🌵🌸~~~~....!!!!!!
Come for Strawberry...🍓🍓🍓🍓🍓
💕💛💋💋💋❤️
Come for Coffee...☕☕☕☕☕☕
➰➰🔸🔸▪️▪️🔺🔺
😍နောက်ဆုံး စာကြောင်းကအသက်😜😜
​🌞နွေပူပူမှာ ရင်အပူ ညိမ်းအောင်🌞
☕🍶🙋‍♀️💁‍♀️💁‍♂️👇👇👇👇

"Cold Brew ကော်ဖီသောက်ပါ"
📣📣Speciality Coffee Cold Brew😋😋

21/02/2020

Story Time for Lotus Garden International School's Children (Pyin Oo Lwin) at Sithar Coffee Farm House
Coffee Garden
Garden International School (Pyin Oo Lwin)

20/02/2020

🥰🥰🥰👩‍🎓👨‍🎓👩‍✈️👨‍✈️ကလေးတွေဆိုတာ အနာဂတ်မှာ တိုင်းပြည်ရဲ့မျှော်လင့်ချက်တွေ ဖြစ်ပါတယ်.... သူတို့လေးတွေရဲ့ ကျန်းမာရေး ကစလို့ ပညာရေး၊ ပေါင်းသင်းဆက်ဆံမှု၊ မေတ္တာတရားနဲ့ ကိုယ်ချင်းစာတရားတွေ ဖွံ့ဖြိုးလာဖို့ ဆိုတာကလည်း လူကြီးတွေရဲ့ တာဝန်ပဲဖြစ်ပါတယ်......🌳🌴🌱😉😉😉

🏃‍♀️🏃‍♂️🚶‍♀️🚶‍♂️စည်သာကတော့ သူတို့လေးတွေရဲ့ Physical Time (PT)ချိန်မှာ Trekking လျှောက်ဖို့အတွက် Lotus Garden International School (Pyin Oo Lwin) နဲ့ ပူးပေါင်းပါဝင်ခဲ့ပြီး ဝင်ကြေးကိုလည်း ၅၀ ရာခိုင်နှုန်းအထိ လျော့ချပေးခဲ့ပါတယ်...🙏🙏🙏

# Lotus Garden International School
# Sithar Coffee Garden

09/02/2020

🙋‍♀️🙋‍♀️🙋‍♂️🙋‍♂️ကဲ....... စည်သာရဲ့ မိတ်ဟောင်း၊မိတ်သစ်တွေကို သတင်းကောင်းလေး လက်တို့ပါရစေ.........
(၇၃) ကြိမ်မြောက် “ပြည်ထောင်စုနေ့”ဆိုတာကလည်း မကြာခင်ရောက်လာတော့မှာနော်.....🍂🌿☘️🎍

🙇‍♂️🙇‍♂️🧚‍♀️🧚‍♀️စည်သာကလည်း (၇၃) ကြိမ်မြောက် “ပြည်ထောင်စုနေ့”ကို ကြိုဆိုဂုဏ်ပြုတဲ့အနေနဲ့ “Fine Leaf” လို့အမည်ရတဲ့ ဒေသထွက်ပန်းများနဲ့ အခြားပန်းမျိုးစုံ၊ မျိုးစေ့များ၊ အလှပန်းအိုးများ နှင့် လက်ဆောင်ပစ္စည်းမျိုးစုံကို ရောင်းချတဲ့ ဆိုင်လေးကို ဖေဖော်ဝါရီ (၁၂) ရက်နေ့မှာ စည်သာကော်ဖီဥယျာဉ်မှာ ဖွင့်လှစ်တော့မှာဖြစ်ပါတယ်.........🏡🏡🏡🏡

🎈🎈🎈🎈ဆိုင်ဖွင့်ပွဲ အထိမ်းအမှတ်အဖြစ်လည်း ဖေဖော်ဝါရီ (၁၀)ရက်နေ့ကစလို့ “Fine Leaf” မှာ စတင်အားပေးတဲ့ မိတ်ဆွေတွေကို ကျေးဇူးတုန့်ပြန်တဲ့အနေနဲ့ ငွေကျပ် ၁၅၀၀၀ ဖိုးအထက် ဝယ်ယူသူတိုင်းကို စည်သာခြံထဲကိုဝင်ခွင့်လက်မှတ် ၂၀၀၀ တန်ကူပွန်တစ်စောင် နှင့် ကော်ဖီတစ်ခွက်ကိုလည်း လက်ဆောင်ပေးသွားမှာ ဖြစ်ပါတယ်......🎀🎀🎀🎀

🥰🥰🥰ဪ.......မေ့တော့မလို့........ သက်ဆိုင်ရာပစ္စည်းအမျိုးအစားအလိုက် Discount လေးတွေလည်း ချထားပေးတယ်နော်....... လက်ဆောင်ပေးတဲ့ကာလကလည်း........
မိတ်ဆွေတို့သိတဲ့အတိုင်း ပြည်ထောင်စုနေ့ပြီးတာနဲ့၊ အမျိုးသားခေါင်းဆောင်ကြီး “ ဗိုလ်ချုပ်အောင်ဆန်းရဲ့ မွေးနေ့”နဲ့...... “ချစ်သူများနေ့”ကလဲရောက်လာတော့မှာဆိုတော့ လက်ဆောင်ပေးတဲ့ကာလကို ဖေဖော်ဝါရီလ (၁၄) ရက်နေ့အထိ သတ်မှတ်ထားတယ်နော💏💏💏💏

🏃‍♀️🏃‍♂️🏃‍♀️🏃‍♂️ကဲ.....ချစ်မိတ်ဆွေတို့ရေ..... Move…. Move ….🎁🎁🎁

Day
Day
#ပြည်ထောင်စုနေ့
#ချစ်သူများနေ့

06/02/2020

📣📣📣🥰🥰🥰🍀🍀🍀စည်သာရဲ့မိတ်ဆွေတို့ရေ လာမယ့် စနေနေ့ဆို “တပို့တွဲလပြည့်နေ့” ရောက်ပြီနော်.....တပို့တွဲလပြည့်နေ့နဲ့ ထမင်းနဲပွဲဖြစ်ပေါ်လာပုံ လေးကိုလည်း မသိသေးတဲ့မိတ်ဆွေတွေကို မျှဝေပေးပါရစေနော်........ တစ်ကယ်တော့......တပို့တွဲလပြည့်နေ့မှာ ထူးခြားချက်တွေရှိတယ် ခင်ဗျ.......တပို့တွဲလပြည့်နေ့ဟာ ပွင့်တော်မူပြီးတဲ့ ဘုရားရှင်တိုင်းက တပည့်သားတို့အား ဩဝါဒပေးတော်မူတဲ့နေ့ဖြစ်ပါတယ်....အဲဒါကြောင့်လည်း ဩဝါဒပါတိမောက်အခါတော်နေ့အဖြစ် ကျင်းပကြခြင်း ဖြစ်ပါတယ်...... ဒါ့အပြင် တပို့တွဲလပြည့်ရဲ့ ထူးခြားချက် (၄)ခုက
(၁) အရှင်သာရိပုတ္တရာ ရဟန္တာ ဖြစ်သောနေ့ ဖြစ်ခြင်း။
(၂) အရှင်သာရိပုတ္တ နှင့် အရှင်မောဂ္ဂလာန်တို့ဧတဒင်္ဂ ရသောနေ့ဖြစ်ခြင်း ။
(၃) အင်္ဂါလေးပါးနှင့် ပြည့်စုံသော ရဟန်းပရိသတ်တို့ အလိုအလျောက်စုဝေးမိသောနေ့ဖြစ်ခြင်း။
(၄)ဘုရားရှင်တိုင်း သြဝါဒပါတိမောက်ပြတော်မှုသောနေ့ ဖြစ်ခြင်းတို့ပဲဖြစ်ပါတယ် ။🌲🌲🌲🌾🌾🌾😍😍😍

ထမင်းနဲပွဲအကြောင်းလေးကလဲ စိတ်ဝင်စားစရာပါ
တပို့တွဲလသည်အချမ်းပိုသည်။ မြတ်စွာဘုရားရှင်လက်ထက်၌ တပို့တွဲလမှ တပေါင်းလသို့အကူးကြားရှစ်ရက်သည် အလွန်အေးမြသည်။ ဝိနည်းတော်အရ ဘုရားသခင်သည် ရဟန်းတို့ကို မီးမလှုံရန်တားမြစ်ပိတ်ပင်သည် ။ တားမြစ်ရသည့်အကြောင်းမှာ မီးနှင့်မျက်စိမသင့်ခြင်း၊ မီးလှုံခြင်းကြောင့်အဆင်းပျက်ခြင်း၊ ခွန်အားဆုတ်ယုတ်ခြင်း၊ မီးလှုံရင်း အပေါင်းအဖော်တို့နှင့်မွေ့လျော်နေခြင်း ယင်းတို့နှင့် အကျိုးမရှိသောစကားများကိုပြောဆိုခြင်း ဟူ၍ ဖြစ်သည်။ သို့ရာတွင် တပို့တွဲလကုန် တပေါင်းလကူးကြားရှစ်ရက်သည် အလွန်တရာ အေးမြသောကြောင့် ထိုရက်များအတွင်း ရဟန်း မီးလှုံရန်ခွင့်ပြုတော်မူရုံမျှမကသေး မိမိကိုယ်တော်တိုင်သည်လည်း မီးလှုံတော်မူလေ့ရှိ၏။ ဤသည်ကို အစွဲပြု၍ တပို့တွဲလ၌ မီးပုံသဘင်ကိုဆင်ယင် ကျင်းပကြသည်။ မီးပုံဟူသော အသုံးအနှုန်းမှာ အရပ်စကားဖြစ်သည်။ စာပေအမှတ်အသား အရမှာမူ မီးဖုန်းသဘင်ဟုရေးရသည်။ အလှူရှင် ဒကာဒကာမတို့သည် မီးဖုံးပွဲကိုကျင်းပရန်အလို့ငှာ တောသို့တက်၍ နံ့သာစသောထင်းများကို လူစုလူဝေးနှင့်ခုတ်ကြသည်။

ထို့နောက်ထိုထင်းများကို စုပုံရှို့၍ ဘုရားကျောင်းကန်၊ တန်ဆောင်းတို့၌ အပူဓာတ်ကိုလှူဒါန်းပူဇော်သည်။ အချို့ကလည်း မီးမယ်ဖျူးခေါ် မီးလင်းဖို၌ အမွှေးနံ့သာထင်းများကို ထည့်၍ မီးဖိုကာပူဇော်ကြသည်။ ဤပွဲသဘင်ကို ဆင်ယင်ကျင်းပရာ၌ ဆောင်ရွက် ရမြဲထုံးစံမှာ လူ ၁၀၀၀ စု၍ နံ့သာထင်းခုတ်ပြီးလျှင် ထင်းစည်း ၁၀၀၀၊ မီးလင်းဖို ၁၀၀၀၊ ယာဂုအိုး ၁၀၀၀၊ ထန်းစင် ၁၀၀၀ တို့ကိုစီမံပြီးလျှင် ဘုရား၊ကျောင်း၊တန်ဆောင်းများ၌ မီးအပူဓာတကိုလှူဒါန်းပူဇော်ကြသည်။ ဤသဘင်နှင် ့စပ်လျဉ်း၍ ကရင်ပြည်နယ် ကော့ကရိတ်မြို့နယ် ကျုံဒိုးရှိ ဓမ္မသုခကျောင်း၌ မီးပုံပွဲတော်ကျင်းပပုံကိုမန်းသင့်နောင်က ` ကရင်ပြည်နယ် အလှစာအုပ်တွင်မှတ်တမ်းတင်ထားသည်မှာ လွန်စွာ မှတ်သားဖွယ်ကောင်းလှပေသည်.။

တပို့တွဲလပြည့်နေ့မတိုင်မှီ လဆန်းရှစ်ရက်နေ့ကစပြီး မီးပူဇော်လိုသူတို့သည် စင်းလုံးချော သက်ရင်ပင်များကို ခုတ်ယူပြီးလျှင် အခွံခွာ၍ နနွင်းဖြင့်လိမ်းကျံကာ သုံးဆင့်စည်းနှောင်ထားကြ၏။ခြောက်သွေ့သောအခါ မီးပုံပွဲကျင်းပရာသို့လပြည့် ` နေ့မတိုင်မှီ လာရောက်စုပုံကြ၏။ မီးပုံတိုင်များစိုက်ထူရန်မြေကွက်လပ်တွင် အတောင် ၃၀ အရှည်ရှိသော ဥရူတိုင်ကြီး ငါးတိုင်စိုက်ထား၏။ ထိုတွင် ထင်းစည်း ၊မီးပုံစည်း များကိုမှီ၍ စိုက်ထူ၏။နံနက်လေးနာရီတွင်ဆရာတော်က ဝတ်ပြုဆုတောင်းရာ ရဟန်း ရှင်လူ တို့သည် ရှိခိုး ကန်တော့ကြ၏။ ထို့နောက် ဆရာတော်က မီးစတင်ရှို့လေရာ ရဟန်းရှင်လူတို့လည်းနီးစပ်ရာ မီးပုံတွင် သူ့ထက်ငါဦးအောင်ရှို့ကြလေသည်။

ဤအဆိုကိုကြည့်ခြင်းအားဖြင့် ရိုးရာအလိုက်ကျင်းပသော မီးပုံပွဲကိုကရင်ပြည်နယ် ၌ ယနေ့တိုင်ကျင်းပမြဲ ဖြစ်သည်ဟုဆိုနိုင်ပေသည်။ ရှေးခေတ်ကကျင်းပသော မီးပုံပွဲတွင် ယာဂုအိုး ၁၀၀၀ လှူဒါန်းလေ့ရှိကြောင်း အထက်၌ပြဆိုခဲ့သည်ကို ကျွနု်ပ်တို့အထူး သတိမူကြရန်ရှိသည်။ ယင်းကို ထောက်ရှုလျှင် မီးပုံပွဲနှင့် ယာဂု ဆက်စပ်နေသည်ကိုတွေကရပါလိမ့်မည်။ မီးပုံပွဲကျင်းပရင်းနှင့် ယာဂုပွဲဖြစ်ပေါ်လာသလား။ယာဂုပွဲကျင်းပရင်းနှင့် မီးပုံပဖြစ်ပေါ်လာသလော။ ဤနှစ်လီကို မဝေခွဲနိုင်ပါ။ စင်စစ် ဤအလှူနှစ်မျိုးသည် တစ်ခုနှင့်တစ်ခု ဆက်စပ်၍ တစ်ပြိုင်တည်းဖြစ်ပေါ်လာသည်ဟု ဆိုနိုင်ရာသည်။ ယာဂုပူဇော်ပွဲအစဉ်အလာကိုဝိနည်း ပိဋကတ် မဟာဝဂ် ပါဠိတော်၌ ပြဆိုထားသည်။

တစ်ခါရံသော် မြတ်စွာဘုရားသည်များစွာသောသံဃာတော်တို့နှင့်အတူ အန္ဓဝိန္ဒရွာသို့ ဒေသစာရီကြွချိီတော်မူရာဇနပုဒ် ၌ နေသော သူတို့သည် ဆန်ဆီဆားဆေးစသော လှူဖွယ်ဝတ္ထုတို့ကို လှည်းဖြင့်တင်၍ မြတ်စွာဘုရားကြွချီရာသို့ လိုက်ပြီးလျှင် ဆွမ်းဘောဇဉ်အာဟာရတို့ကို ကပ်လှူပူဇော်ကြလေသည်။ ထိုအခါပုဏ္ဏား တစ်ယောက် သည်လည်းအလားတူ ဆွမ်းလုပ်ကျွေးလိုပါသော်လည်းမိမိအလှည့် မကျနိုင်သောကြောင့် အရှင်အာနန္ဒာကိုချဉ်းကပ်၍ ယာဂူနှင့်တကွ ပျားသကာမုန့်တို့ကိုမြတ်စွာဘုရားနှင့်တကွ သံဃာတော်တို့အား ဆက်ကပ် ခွင့်ရပါရန် လျှောက်ထားတောင်းပန်လေ၏။ အရှင် အာနန္ဒာသည် ဤအကြောင်းကို မြတ်စွာဘုရားအားလျှောက်ထားရာ မြတ်စွာဘုရားလည်း ပုဏ္ဏားအလိုရှိသည့်အတိုင်း ကပ်လှူပူဇော်စေရန်သည်းခံတော်မူလေသည်။ ဤသည်ကစ၍ ယာဂု အလှူပွဲအစဉ်အလာပေါ်ပေါက်လာသည်းဝိနည်းတော်အရ တပို့တွဲနှင့် တပေါင်းစပ်ကြား၌ ရဟန်းတို့ မီးလှုံစေရန်ခွင့်ပြုသောအကြောင်းနှင့် ဆက်စပ်ကြည့်လျှင် ယင်းမီးပုံပွဲနှင့် ယာဂုအလှူပွဲမှာ တစ်ဆက်တည်းဖြစ်ပေါ်လာသည်ဟု ယူဆရန်ရှိလေသည်။

ယာဂုဟူသည် ခေတ်စကားနှင့်ပြောရလျှင် ဆန်ပြုတ်ပင်ဖြစ်သည်။ သို့သော် လုံးတောဆရာတော် ၏ အာဘော်အရ မြတ်စွာဘုရားသခင်သည်လေနာ နှိပ်စက်ခြင်းခံရလေသော် အရှင်အာနန္ဒာ အားယာဂုဆွမ်းခံချေဟု မိန့်တော်မူသဖြင့် မာတုဂါမတစ်ဦးထံအလှူခံရာ ထိုမာတုဂါမက ချင်းစိမ်း၊ ငရုတ်၊ကြက်သွန်၊နှမ်း တို့ဖြင့်စီရင်ထားသော ယာဂုဆွမ်းကိုကပ်သဖြင့်လေနာငြိမ်းသည်ဟုဆိုသောကြောင့် ယာဂုသည် ငရုတ်၊ကြက်သွန်စသည်တို့ပါသောဆန် ပြုတ်တစ်မျိုးဟုယူဆနိုင်သည်။ မင်းတုန်းမင်းလက်ထက် ယာဂုအလှူပွဲအကြောင်းကို ကုန်းဘောင်ဆက်မဟာရာဇဝင်ကြီး ၌ ဖတ်ရှုနိုင်သည်။

ယင်းအလှူပွဲအကြောင်း ၌ ရွှေမြို့တော်လေးပြင်လေးရပ်တရုတ် ကုလားမျိုးခြားမှစ၍ တိုင်းသူပြည်သား အားလုံးတို့သည် လူတစ်ကိုယ် ဆန်တစ်စလယ်ကျ စုဆောင်၍ ယာကုကျိုရာ ယင်းယာဂု၌ ကောက်ညှင်း၊ ဆန်၊ ဆီ၊ ဆား၊ နှမ်း၊ ချင်းစိမ်း၊ မြေပဲ၊ အုန်းသီး၊ သစ်ကြားသီးစသည်တို့ကိုထည့်၍ ကျိုသည်ဟုဆိုသည်။ ယင်းယာဂုကျိုခြင်းကိုပင်လျှင်ယခုခေတ်၌ ထမနဲထိုးသည်ဟုဆိုကြောင်း မှတ်သားရသည်။ ထမနဲ့ (ဝါ) ထမင်းနှဲ ဟူသောစကားသည်(ကောက်ညှင်း) ထမင်းကိုနှဲခြင်း ဟူသောအသုံးအနှုန်းမှဖြစ်ပေါ်လာသည်။ ရှေးအရေးအသားအချို့ တွင် ထမင်းနှဲ ဟူ၍ ပင်ရေးကြသည်။ အချို့ကလည်း နှမ်းကိုကဲ၍ ထည့်ခြင်းကြောင့် နှမ်းမနဲ ဟူ၍ လည်းခေါ်ကြသည်။

ယင်း ထမင်းနဲ့ထိုးခြင်းနှင့်စပ်လျဉ်း၍ လိုသောပစ္စည်းအချိန်အဆကိုတေးထပ်စပ်ဆိုရာ အောက်ပါအတိုင်း စပ်ဆိုထားလေသည်။
စားတော်ရ ဆန်ပေါက်ဝါ
လေးပြည်သာထည့်မြဲ။
ချိန်ပိဿာ လျှံကြည်ရွှဲအောင်လို့
နှမ်းဆီလဲထည့်ပြန်။
မြေပဲဆန် အဋ္ဌသုညငယ်နှင့်
ဒွတ္တိံသ တိလဗီဇံ။
အုန်းသီးစိတ် ကျပ်ဝီသံငယ်
လော န တံ ချိန်သတ်နှင့်
ချင်းနုဖတ် သိင်္ဂီမျှင်ရွှေ
သုံးကျပ်မသွေ။
ဟူ၍သိရသည်။အဓိပ္ပါယ်မှာ ကောက် ညှင်းဆန်လေးပြည်၊ နှမ်းဆီတစ်ပိဿာ၊မြေပဲဆန် ၈ဝိ သား ၊နှမ်း ၃၂ိသား၊အုန်းသီးစိတ် ၂ဝိ သား၊ ဆား ရိ သား၊ ချင်းစိမ်း ၃ိ သား တို့ကို ဒယ်အိုးတွင်နှံ့အောင်မွှေ၍ ယာဂုနှင့် ထမနှဲ အတူတူပဲဟု ဆိုရိုးရှိ၏။

🏃‍♀️🏃‍♀️🏃‍♀️🚙🚙🚙✈️✈️✈️ကဲမိတ်ဆွေတို့ရေ အစဆုံးဖတ်ပေးလို့ ကျေးဇူးတင်တယ်နော် .........ပိတ်ရက်လေးနဲ့ တိုက်ဆိုင်နေတဲ့ တပို့တွဲလပြည့်နေ့ ထမင်းနဲပွဲလေးမှာ လျှောက်လည်မယ်ဆိုရင်တော့ “စည်သာကော်ဖီဥယျာဉ်” ကိုလည်းဝင်ခဲ့ဦးနော်........🙏🙏🙏🌺🌺🌺🍀🍀🍀