24/01/2022
“ရွှေညီလာ”
မြန်မာရိုးရာပန်းချီကား၊ အရှေ့တိုင်းပန်းချီတွေရဲ့ အားသာချက်က Line တွေပါပဲ။ Line တွေက သပ်ရပ်တယ်, လှပတယ်၊ စနစ်ကျတယ်။ အရှေ့တိုင်းပန်းချီတွေက ဘယ်လောက်ကောင်းလည်းဆိုရင် ဟိုးအရင်တုန်းက အနောက်ဖက်က လူတွေက အရှေ့တိုင်းပန်းချီတွေကို အတုယူခဲ့ရတယ်။ ဒီပန်းချီကားမှာလည်း ဆရာမကြီး ဒေါ်ခင်မျိုးမြင့်ရွှေ(မာမီကြီး)က အင်မတန်လှပပြီး လက်ဝင်တဲ့ Line တွေနဲ့ ရေးဆွဲထားတယ်။
ဒီပန်းချီကားမှာ Subject အနေနဲ့ လူ ၁၂ ယောက်ထိပါတယ်။ ပန်းချီကားတခုမှာ အင်မတန်များတဲ့ Subject လို့တောင် ပြောလို့ရတယ်။ ဒါပေမယ့် ပါဝင်နေတဲ့ လူ ၁၂ ယောက်က ရှုပ်ထွေးမနေဘူး။ သူ့ Level နဲ့ သူ ၊ သူ့နေရာနဲ့သူ အရာအားလုံးကို harmony ဖြစ်နေတယ်။
ပြောစရာရှိတာက ဒီမှာ လူ ၁၂ ယောက်ပါပေမယ့် ဒီပန်းချီကားက လူတွေကို ရေးဆွဲထားတဲ့ ပန်းချီကားမဟုတ်ဘူး။ ဒီပန်းချီကားက ခေတ်ကို ရေးထားတာ၊ အချိန်ကာလကို ရေးထားတာ၊ ညီလာခံအချိန်ကာလလေးရဲ့ အလှတရားလေးကို ရေးထားတာ။ ဒီပန်းချီကားမှာ ပါတဲ့အရာတွေအားလုံးက အင်းဝခေတ်ကို ကိုယ်စားပြုတယ်။ အမျိုးသမီးတွေရဲ့ ဆင်ယင်မှုတွေ၊ ပန်းခတ်တွေ၊ အသုံးဆောင်တွေ အစရှိသဖြင့်ပေါ့။
အထူးသဖြင့်တော့ မျက်လုံးတွေ။ ဒီပန်းချီကားမှာ စိတ်ဝင်စားစရာ အကောင်းဆုံးကလည်း မျက်လုံးတွေလို့ မြင်မိတာပဲ။ အင်းဝခေတ်ပန်းချီတွေက မျက်လုံးတွေကို အခုလို အပေါ်ပင့်ထားတဲ့ ဟန်တွေနဲ့ ရေးဆွဲခဲ့ကြသတဲ့။ ပုဂံခေတ်မှာ မျက်လုံးတွေကို ရေးတာတမျိုး၊ ရတနာပုံခေတ်မှာ မျက်လုံးတွေကို ရေးတာတမျိုးတဲ့။ ဆိုတော့ မြန်မာ့ပန်းချီတွေမှာ ခေတ်ကိုလိုက်ပြီး မျက်လုံးရေးဟန်တွေ ကွဲတယ်ဆိုတာကို သိလိုက်ရတယ်။ ဘယ်လောက် လှလိုက်သလဲဗျာ။
ပြီးတော့ အရောင်တွေ။ ဒီပန်းချီထဲမှာ အရောင်အတော်စုံတယ်။ ဆန့်ကျင်ဖက်အရောင်တွေလည်းပါနေတယ်။ ဒါပေမယ့် ဆန့်ကျင်ဖက်အရောင်တွေက ဆန့်ကျင်မနေကြဘူး။ သူဟာနဲ့သူ ချိတ်ဆက်မိနေကြတယ်။ တသားတည်းဖြစ်နေကြတယ်။ ဒီလိုတသားတည်းဖြစ်နေမှုက ပန်းချီကို မြင်လိုက်တာနဲ့ ထပ်ထပ်ပြီး မကြည့်ဘဲကို မနေနိုင်လောက်အောင်ကို ဆွဲဆောင်နေတာ။ ဒီပန်းချီကားကို ကြည့်တာနဲ့ စိတ်ချမ်းသာမှု၊ ကြည်နူးမှုလေးတွေ ပေးတယ်လို့ ခံစားရတယ်၊ ပန်းချီထဲမှာ ဖော်ပြထားတဲ့ အချိန်ကာလလေးရဲ့ အလှတရားကိုလည်း ပြည့်ပြည့်ဝဝခံစားရတယ်။
အဆုံးအနေနဲ့ ပြောပြချင်တာက ဒီပန်းချီကို
SIP Cafe' Club မှာ ကော်ဖီသောက်ရင်း
အရသာခံ ကြည့်ရှုနိုင်ပါပြီနော် 🤗
