Cook with care by May Cho

18/01/2025

Celebrating my 4th year on Facebook. Thank you for your continuing support. I could never have made it without you. 🙏🤗🎉

20/09/2024

ဝက်နံရိုးကြော်🧆
ပဲပင်ပေါက်ခဝဲသီးကြော်ချက်🥗
ပုဇွန်ကင်ပွန်းချဉ်စပ်🍤

#ကိုယ်တိုင်ချက်လက်ရာ
#ချက်စားကြည့်ပါ
#ထမင်းမြိန်စေမှာ
#👩🏻‍🍳CookwithcarebyMayCho

Check out Sweet’s video.

22/03/2023

ပုဇွန်ကင်ပွန်းရွက်ကြော်နည်း
🦐🌱🦐🌱🦐🌱🦐🌱🦐

ပါဝင်ပစ္စည်းများ

ပုဇွန် (၂၅)ကျပ်သား
ကင်ပွန်းရွက် (၁၀)ကျပ်သား
ကြက်သွနနီ
ကြက်သွန်ဖြူ
ငပိ
ငရုတ်သီးစိမ်း/နံနံပင်
ဆီ
ဆား/ဟင်းခတ်မှုန့်
ဆနွင်း/ငရုပ်သီးအရောင်တင်မှုန့်

ပြုလုပ်ပုံ🦐🌱

ပုဇွန်ကိုရေဆေးသန့်စင်ပြီးအခွံ့ခွါထားပါ။

ကျောခွဲပြီးချီးထုတ်ပါ။

ကိုယ်အသုံးပြုတဲ့ပုဇွန်ပေါ်မူတည်၍လုပ်နည်းကွလွဲတတ်ပါသည်။

အခုချက်ပြထားတဲ့ပုဇွန်ကဘော့ချိတ်ကြီးပုဇွန်မို့ကျောကချီးထုတ်ထားတာပါ။

သန့်စင်ပြီးသားပုဇွန်ကို ဆနွင်း၊ဆား၊ဟင်းခတ်မှုန့်တို့နှင့်သမအောင်နယ်ပြီးထားပါ။

ကင်ပွန်းရွက်ကိုခြွေပြီးရေဆေးသန့်စင်ထည့်ပါ။

ကြက်သွန်နီကြီး(၂)လုံးကိုအခွံခွါရေဆေးပြီးလှီးထားပါ။

ကြက်သွန်ဖြူအမွှာကြီး(၅)မွှာကိုထောင်းထားပါ။
အရောင်အတွက်ငရုပ်ပွအကြီးကိုအစေ့ထုတ်၊ရေစိမ်ပြီးထောင်းထားပါ။
(သို့မဟုတ်)
ငရုပ်သီးအရောင်တင်မှုန့်သုံးပါ။

ငရုတ်သီးစိမ်း/နံနံပင်ကိုရေဆေးသန့်စင်ထားပါ။

ပြုလုပ်နည်း🦐🌱

ဒယ်အိုးထဲသို့ရေအနည်းငယ်ထည့်၍ရေဆူလာရင်ပုဇွန်ထည့်ပြီးရေကုန်သည်ထိလှော်ပေးပါ။

ပုဇွန်အသားကျစ်သွားတဲ့အခါပုဂံတစ်ခုမှာခပ်ထားပါ။

ကြော်မည့်အိုးထဲကိုဆီထည့်ပါ။ဆီပူလာရင်ဆနွင်းထည့်ပါ။

ကြက်သွန်နီထည့်ကြော်ပါ။

ကြက်သွန်နီနွမ်းသွားရင်ကြက်သွန်ဖြူထည့်ကြော်ပါ။

ကြက်သွန်နီ/ဖြူကျက်ရင်ငရုတ်သီးထောင်းထားတာထည့်ပါ။(သို့)အရောင်တင်မှုန်ထည့်ပါ။
ပြီးရင်ငပိထည့်ကြော်ပါ။

ငပိထည့်လှိမ့်ပြီးအနံ့လေးမွှေးလာရင်ကင်ပွန်းရွက်ထည့်ပါ။

ကင်ပွန်းရွက်နွမ်းသွားရင်လှော်ထားတဲ့ပုဇွန်ထည့်ပါ။

ဆား/ဟင်းခတ်မှုန့်ထည့်ပြီးအရသာမြည်းပါ။

ဟင်းအိုးချခါနီးမှာငရုတ်သီးစိမ်း/နံနံပင်အုပ်ပါ။

အခုဆိုရင်နေပူပူမှာထမင်းစားမြိန်မယ့်ပုဇွန်ကင်းပွန်းရွက်ကြော်ဟင်းတစ်ခွက်ရပါပြီ။

MayCho👩🏻‍🍳(ကိုယ်တိုင်ချက်လက်ရာ(ဟင်းလျာများနှင့်မုန့်များစုစည်းမှု

🔺လွတ်လပ်စွာShareနိုင်ပါသည်။

🔻ပုံနှင့်စာသားများအားတစ်ဆင့်ပြန်လည်ကူးယူဖော်ပြခြင်းခွင့်မပြုပါ။

13/02/2023

ဆိတ်သားခါးပတ်ကြော်နည်း🧆

ဒီနည်းလေးကအိမ်မှာကျမကြော်စားတဲ့နည်းလေးပါ။

ပါဝင်ပစ္စည်းများ

1) ဆိတ်သား 🥩

2)ကြက်သွန်နီ🧅

3)ကြက်သွန်ဖြူ🧄

4)ဆီ

5)🍅ခရမ်းချဉ်သီး(အနည်းငယ်)

6)🌱ပူစီနံရွက်(ပူဒီနံရွက်လို့လဲခေါ်ကြတယ်)

7)မဆလာ

8)ဂျင်း

9)သံပုရာသီး🍋

10)ဆား၊ဟင်းခတ်မှုန့်

ပြင်ဆင်ပြုလုပ်ပုံ🥩🧅🍅🧄🍋🌱

ဆိတ်သားကိုသုံပုရာသီး/ဆားတို့နှင်နယ်ပြီးသန့်စင်အောင်အောင်ဆေးပေးပါ။

သန့်စင်ပြီးသားဆိတ်သားကိုဆနွင်း၊ဆား၊ဟင်းခတ်မှုန့်၊မဆလာ၊ငရုတ်ကောင်း၊ဂျင်းအရည်ညှစ်တို့နှင့်နယ်ပြီး(၁၅)မိနစ်ခန့်နှပ်ထားပေးပါ။

ပြီးလျှင်ထည့်ပြုတ်မည့်(Pressure Cooker)ထဲသို့နှပ်ထားသောဆိတ်သား၊ကရဝေးရွက်၊ရေအနည်းငယ်ထည့်၍ပြုတ်ပေးပါ။

(Pressure Cooker)အိုးမရှိသူများကအခြားဘယ်အိုးနှင့်မဆိုအသားနူးတဲ့အထိပြုတ်ပေးပါ။

ကြက်သွန်နီကိုအခွံံခွါရေဆေးပြီးအကွင်းလိုက်လှီးထားပါ။

ခရမ်းချဉ်သီးကိုလည်းရေဆေးအစေ့ထုတ်ပြီးအကွင်းလိုက်လှီးထားပါ။

ပူစီနံရွက်ကိုရေဆေးပြီးအရွက်ချွေထားပါ။

ပြုတ်ချိန်ပြည့်၍အသားနူးလာပြီဆိုရင်အနေတော်အရွယ်(မထူမပါး)လှီးထားပေးပါ။

ကြက်သွန်ဖြူဓါးပြားရိုက်ထားပါ။

ဆိတ်သားခါးပတ်ကြော်နည်း🧆

ကြော်မည့်အိုးထဲကိုဆီထည့်ပြီးဆီပူလာရင်ကြက်သွန်ဖြူဓါးပြားရိုက်ထားတာထည့်ပါ။
အနံမွှေးလာရင်လှီးထားသောကြက်သွန်နီထည့်ကြော်ပါ။

ကြက်သွန်နီတစ်ဝက်လောက်ကျက်ပြီဆိုရင်ငရုတ်သီးမှုန့်(အရောင်တင်)အနည်းငယ်ထည့်ပါ။

လှီးထားတဲ့ခရမ်းချဉ်သီးထည့်ပါ။

ချက်တာမဟုတ်တဲ့အတွက်ကြောင့်အနှစ်ကျအောင်ခေါက်ဖို့မလိုပါ။

ကြက်သွန်၊ခရမ်းချဉ်သီးကျက်ရင်လှီးထားတဲ့ဆိတ်သားထည့်ကြော်ပါ။

မဆလာထည့်ပါ။

ဆား၊ဟင်းခတ်မှုန့်စိတ်ကြိုက်ထည့်ပါ။

အရသာ အပေါ့၊အငံမြည်းပေးပါ။

စိတ်ကြိုက်အရသာဖြစ်တဲ့အခါနောက်ဆုံးမှာပူစီနံရွက်ထည့်ပါ။အဖုံးခဏအုပ်ထားပါ။

(၅)မိနစ်လောက်နေတဲ့အခါအဖုံးဖွင့်လိုက်ပါ။အနံ့အရသာနဲ့ပြည့်စုံတဲ့ဆိတ်သားခါးပတ်ကြော်လေးသုံးဆောင်လို့ရပါပြီ။

MayCho👩🏻‍🍳(ကိုယ်တိုင်ချက်လက်ရာ(ဟင်းလျာများနှင့်မုန့်များစုစည်းမှု)

🔺စိတ်ကြိုက်လွတ်လပ်စွာShareနိုင်ပါသည်။
🔻ပုံနှင့်စာသားများအားတစ်ဆင့်ပြန်လည်ကူးယူဖော်ပြခြင်းခွင့်မပြုပါ။

03/10/2022

ဝက်သုံးထပ်သားကြော်နည်း🥓🧆

ပါဝင်ပစ္စည်းများ

ဝက်သုံးထပ်သား
ဂျင်း
တရုပ်မဆလာ
ငရုပ်ကောင်းမှုန့်
ပဲငံပြာရည်(အကြည်)
နာနတ်ပွင့်
သကြား
ဆား
ဟင်းခတ်မှုန့်(Dashi)
ဆီ(နေကြာဆီ)

ပြုလုပ်ပုံ

ဝက်သားကိုရေစင်အောင်ဆေးပြီးရေခဏစစ်ထားပေးပါ။
အတော်လေးရေစစ်ပြီးတဲ့အခါဆား၊သကြား၊ဂျင်း(အရည်)တရုပ်မဆလာ၊ငရုပ်ကောင်းမှုန့်တို့နှင့်သမအောင်နယ်ပြီး(၁၅)မိနစ်ခန့်နှပ်ထားပေးပါ။

နှပ်ထားတဲ့ဝက်သားကိုပြုတ်မည့်(ဒယ်)ထဲကိုဆီအနည်းငယ်ထည့်ပြီးအိုးပူတိုက်ပေးပါ။

ဝက်သားထဲကရေကုန်သွားတဲ့အခါပြုတ်ရန်ရေထည့်ပေးပါ။(ဝက်သားမြုတ်သည်ထိ)

ဝက်သားပြုတ်ထားသည့်အိုးထဲကိုနာနတ်ပွင့်(၅)ပွင့်ထည့်ပေးပါ။ပဲငံပြာရည်(အကြည်)အနည်းငယ်ထည့်ပေးပါ။

နာရီဝက်ခန့်ကြာတဲ့အခါ ရေလည်းခမ်းပြီးအခေါက်ရောအသားပါနူးနေပါပြီ။

ကိုယ်ဝယ်တဲ့ဝက်သားပေါ်မူတည်ပြီးရေချင့်ချိန်ထည့်ပေးရမှာဖြစ်ပါတယ်။

အခုဝက်သားစကြော်ပါပြီ။

ဝက်သားကြော်ရန်အတွက်အိုးပူလာရင်ဆီထည့်ပါ။

အကြော်အိုးသည်မကပ်အိုးဖြစ်ရပါမယ်။(ဒါမှမဟုတ်)သံအိုးဆိုရင်ပိုကောင်းပါတယ်။

ဆီကိုဝက်သားမြုတ်အောင်ထည့်ပေးပါ။

အဲ့ဒီအတွက်ဆီမပေါက်စေပါဘူး။

ဝက်သားကိုမမြုတ်ရင်တော့ဆီပေါက်တတ်ပါတယ်။

ကြော်တဲ့အခါ (အဖုံးအုပ်ပြီးကြော်ပေးပါ)

မီးကိုသိပ်မပြင်းရပါ။

👩🏻‍🍳MayCho(ကိုယ်တိုင်ချက်လက်ရာ(ဟင်းလျာများနှင့်မုန့်များစုစည်းမှု)

🔺Share button ကိုနှိပ်ပြီးလွတ်လပ်စွာShareနိုင်ပါသည်။
🔹ပုံနှင့်စာသားများအားတစ်ဆင့်ပြန်လည်ကူးယူဖော်ပြခြင်းသီးခံပါ။

26/01/2022

ပုဇွန်ပေါင်မုန့်ကြက်ဥလိပ်ကြော်နည်း
🍤🍞🥚🍤🍞🥚🍤🍞🥚🍤🍞🥚

ဒီတစ်ခါမှာတော့လုပ်ရလွယ်ကူပြီးခလေး/လူကြီးအကြိုက်တွေ့စေမယ့်ပုဇွန်ပေါင်မုန့်ကြက်ဥလိပ်ကြော်နည်းလေးကိုပြောပေးမှာဖြစ်ပါတယ်။

ပါဝင်ပစ္စည်းများ🍞🍤🥚

ပေါင်မုန့် (၁)ထုပ်
ကြက်ဥ(၂)လုံး
ပုဇွန် (၁၀)ကောင်
တန်ပူရာမုန့်ကျွတ်ခြောက်
ဆား
ဆီ

ပြုလုပ်နည်း🍤🥚🍞

ပုဇွန်ကိုရေဆေးသန့်စင်ပြီးခေါင်းဖြုတ်၊အခွံ့ခွာထားပါ။အမြှီးမချွတ်ရပါ။

ပေါင်မှုန့်ရဲ့ဘေးသားကိုလှီးထုတ်ပေးပါ။

ပြီးရင် ဒလှိမ့်တုံးဖြင့်ဖိလှိမ့်ပေးပါ။

ကြက်ဥကိုဆားအနည်းငယ်ထည့်ပြီးခေါက်ထားပါ။

တန်ပူရာမုန့်ကြွပ်ခြောက်ကိုအနည်းငယ်ပြန်ချေပေးပါ။

စလိပ်ပါမယ်။

ဖိလှိမ့်ထားတဲ့ပေါင်မုန့်ပြားကိုယူပြီးပုဇွန်ကိုတင်ပါ။
ကျန်ပေါင်မုန့်ပြားတစ်ဝက်ကိုကြက်ဥခေါက်ထားတဲ့အနှစ်ထဲကိုနှစ်ပေးပါ။

​ပြီးရင် ပုဇွန်တင်ထားတဲ့အဖက်ကစပြီးလိပ်ပေးပါ။

လိပ်ပြီးသွားရင်ကြက်ဥခေါက်ထားတဲ့အထဲပြန်နှစ်ပေးပါ။

တန်ပူရာအကြွပ်မှုန့်ထဲကိုလူးပေးပါ။

ကြော်နည်း🥚🍤🍞

ကြော်မည့်အိုးကိုအပူပေးထားပါ။

အိုးပူလာရင်ဆီထည့်ပါ။

ပေါင်မုန့်လိပ်လေးများမြုပ်အောင်ဆီထည့်ပေးရပါမယ်။
စကြော်ပါမယ်။

မီးအလယ်အလတ်နဲ့ကြော်ပေးပါ။

ရွှေညိုရောင်သန်းလာပြီဆိုဆယ်လို့ရပါပြီ။

အအေးခံပြီးသုံးဆောင်ပါ။

ကြိုက်နှစ်သက်ရာဆော့စ်၊မရိုးနိစ်နှင့်တွဲဖက်စားသုံးပါ။

MayCho👩🏻‍🍳(ကိုယ်တိုင်ချက်လက်ရာ(ဟင်းလျာများနှင့်မုန့်များစုစည်းမှု)

🔹Share button ကိုနှိပ်ပြီးလွတ်လပ်စွာShareနိုင်ပါသည်။
🔻ပုံနှင့်စာများအားတစ်ဆင့်ပြန်လည်ကူးယူဖော်ပြခြင်းသီးခံပါ။

01/10/2021

ကောက်ညှင်းပဲကပ်ကြော်ပြုလုပ်နည်း
😋 😋 😋 😋 😋

ပါဝင်ပစ္စည်းများ

ကောက်ညှင်းမှုန့်
ဆန်စိမ်းမှုန့်
ကုလားပဲခြမ်း
ဆား
ဂျင်း
Baking Powder(or)Baking Sodar
ရေ

ပြုလုပ်နည်း👩🏻‍🍳

ကုလားပဲနို့ဆီဗူးတစ်ဝက်ခန့်ကို တစ်ညကြိုပြီးရေစိမ်ထားပေးပါ။

ညကရေစိမ်ထားသောကုလားပဲကိုအတော်လေးနပ်အောင်ပြုတ်ပေးပြီးအအေးခံထားပေးပါ။အရမ်းမနူးပါစေနဲ့။

ကောက်ညှင်းမှုန့်(ပေါင်းအိုးဆန်ချိန်ခွက်(၃)ခွက်၊ဆန်စိမ်းမှုန့် (ထမင်းစားဇွန်း(၃)ဇွန်း
ဆား (လ္ဘက်စားဇွန်းဝက်)
Baking Powder (လ္ဘက်စားဇွန်းဝက်)တို့ကိုဇလုံတစ်ခုတွင်ထည့်၍အားလုံးသမသွားအောင်အရင်ပြုလုပ်ပေးပါ။

​ပြီးရင်ဂျင်းအနည်းငယ်ခြစ်၍ထည့်ပေးပါ။

အားလုံးသမသွားရင်ရေကိုနည်းနည်းခြင်းထည့်၍နယ်ပေးပါ။

စုစုပေါင်း ရေ ပေါင်းအိုးဆန်ချိန်ခွက်၁ခွက်နဲ့၄ပုံ၁ပုံခန့်ထည့်ရပါတယ်။

အဲ့ဒီနောက်၁နာရီခွဲခန့်နှပ်ထားပေးပါ။

အချိန်ပြည့်ရင်စကြော်လို့ရပါပြီ။

မီးကိုအလယ်အလတ်ထား၍ကြော်ပေးပါ။

မီးမများပါစေနဲ့။

မီးများရင်ကောက်ညှင်းကကျစ်ပြီးမာသွားတတ်ပါတယ်။

အခုအချိုးအစားအတိုင်းပြုလုပ်ပါကကောက်ညှင်းပဲကပ်ကြော်၁၃ခုရပါတယ်။

နေ့လည်ခင်းအဆာပြေလုပ်စားကြည့်ပါ။စားလို့အရမ်းကောင်းပါတယ်။

အဆိမ့်စားချင်ရင်ဒီအတိုင်းစားပါ။

အချိုကြိုက်ရင်ထန်းညက်ရည်နှင့်စားပါ။

ထန်းညှက်ကိုရေထည့်ပြီးကြွက်မြှီးတန်းအောင်ကြိုပေးပါ။
ပြီးရင်ဇကာနဲ့စစ်ပေးပါ။

MayCho👩🏻‍🍳(ကိုယ်တိုင်ချက်လက်ရာ(ဟင်းလျာများနှင့်မုန့်များစုစည်းမှု)

🔹Share button ကိုနှိပ်ပြီးလွတ်လပ်စွာShareနိုင်ပါသည်။
🔻ပုံနှင့်စာများအားတစ်ဆင့်ပြန်လည်ကူးယူဖော်ပြခြင်းသီးခံပါ။

15/07/2021

သရက်ပြင်ပြုလုပ်နည်း
🥭 🥭 🥭 🥭 🥭

ပါဝင်ပစ္စည်းများ

🥭သရက်သီးအမှည့်အရွယ်တော်(၅)လုံး(သို့)ခပ်လတ်လတ်(ကြိုက်ရင်)ရောထည့်ပါ။

🌶ငရုတ်သီးမှုန့် (လ္ဘက်စားဇွန်း(၂)ဇွန်း)
သကြား (ထမင်းစားဇွန်း(၃)ဇွန်း(အချိုကြိုက်ကပိုထည့်ပါ)

ဆား (အနည်းငယ်)

မဆလာ (အနည်းငယ်)နှစ်သက်မှထည့်ပါ)

ဆီ (အနည်းငယ်)

ပြုလုပ်ပုံ

သရက်သီးကိုရေစင်အောင်ဆေး၍အခွံခွာပြီးအတုံးလေးများတုံးထားပေးပါ။

သရက်သီးအတုံးလေးများထဲသို့သကြား၊ငရုတ်သီးမှုန့်၊ဆား၊မဆလာတို့ကိုထည့်ပြီးကြိတ်စက်မှာကျေညက်သည်ထိကြိတ်ချေပေးပါ။

ကြိတ်စက်မရှိကလက်ဖြင့်ကျေညက်သည်ထိချေပေးပါ။(လက်အိတ်စွတ်၍)

သရက်ပြင်ပြုလုပ်မည့်လင်ဗန်း(သို့)ခွက်အတွင်းသို့ဆီအနည်းငယ်သုတ်ထားပေးပါ။

ကြိတ်ချေ၍ရလာသည့်သရက်ရည်များကိုမီးအေးအေးဖြင့်(၂၀မိနစ်ခန့်)ပျစ်လာသည်ထိကြိုပေးပါ။

သတိထားရမှာက မီးများရင်လက်ကိုသရက်ရည်လာစင်တတ်ပါတယ်။
ဒါကြောင့်အဆက်မပြတ်မွှေပေးနေရပါမယ်။

ရလာတဲ့သရက်ရည်များကိုဆီသုတ်ထားတဲ့လင်ဗန်း(သို့)အသင့်ပြင်ထားတဲ့ခွက်လေးများအတွင်းသို့လောင်းထည့်ပြီးနေပူပူမှာ(၂)ရက်ခန့်လှမ်းပေးရပါမယ်။

(၂)ရက်အကြာ မှာတော့အနံအရသာနဲ့ပြည့်စုံတဲ့သရက်ပြင်လေးရရှိပါပြီ။

🌱🌱 🌱🌱 🌱🌱 🌱🌱 🌱🌱

MayCho👩🏻‍🍳(ကိုယ်တိုင်ချက်လက်ရာ(ဟင်းလျာများနှင့်မုန့်များစုစည်းမှု)

🔹Share button ကိုနှိပ်ပြီးလွတ်လပ်စွာShareနိုင်ပါသည်။
🔺ပုံနှင့်စာများအားတစ်ဆင့်ပြန်လည်ကူးယူဖော်ပြခြင်းသီးခံပါ။

04/07/2021

ထောပတ်ကွတ်ကီးပြုလုပ်နည်း(Shortbread Cookies)
🍪 🍪 🍪 🍪 🍪 🍪 🍪 🍪 🍪

ပါဝင်ပစ္စည်းများ

ဒုံးပျံတံဆိပ်ဂျုံမှုန့်(အစိမ်းရောင်)၂ခွက်နှင့်၄ပုံ၃ပုံ

အခန်းအပူချိန်တွင်ထားသောဆားမပါတဲ့ထောပတ် (ပေါင်းအိုးဆန်ချိန်ခွက်)၁ခွက်နှင့်၄ပုံ၁ပုံ
ထောပတ်သည်အခဲဖြစ်ရပါမည်။

ပြောင်းကော်မှုန့်(ထမင်းစားဇွန်း(၅)ဇွန်း

သကြားမှုန့် (ထမင်းစားဇွန်း(၈)ဇွန်း

ဆား (လ္ဘက်စားဇွန်း၄ပုံ၁ပုံ)

ဗင်နီလာအမွှေးနံ့(လ္ဘက်စားဇွန်း ၁ဇွန်း)

ပြုလုပ်နည်း

ပထမဦးစွာအခန်းအပူချိန်တွင်ထားသောထောပတ်ကိုဇလုံတစ်ခုတွင်ဖိချေပေးပါ။

လက်ဖြင့်မချေရပါ။(ဆီလီကွန်ယောင်းမဖြင့်ချေပါ)
နောက်ထောပတ်ပွလာစေရန်မွှေတံဖြင့်၂မိနစ်ခန့်မွှေပေးပါ။

အဲ့လိုမွှေပေးခြင်းဖြင့်ထောပတ်အရောင်ပိုဖွေးလာစေပါတယ်။

မွှေထားတဲ့ထောပတ်ထဲသို့သကြားမှုန့်ကိုဇကာချပေးပါ။ပြီးရင်သမအောင်မွှေပေးပါ။

ဆက်လက်ပြီးဂျုံမှုန့်၊ပြောင်းကော်မှုန့်၊ဆားတို့ကိုလည်း၃ကြိမ်ခွဲ၍ဇကာချပေးပါ။

သကြားအမှုန့်နေရာမှာသကြားအနုကိုလည်းသုံးနိုင်ပါသည်။

ဇကာချပြီးသွားရင်ဗင်နီလာအမွှေးနံကိုထည့်ပြီးအားလုံးသမသွားအောင်မွှေပေးပါ။

မွှေတံနှင့်မွှေပေးပြီးဆီလီကွန်ယောင်းမဖြင့်ဆက်လက်၍သမသွားအောင်မွှေပေးရပါမယ်။

လက်နှင့်မမွှေပေးရပါ။

ထောပတ်အရည်ပျော်သွားတတ်ပါတယ်။

ကွတ်ကီးမှုန့်သားရသည်အထိဆီလီကွန်ယောင်းမဖြင့်မွှေပေးပါ။

ရာသီဥတုပြင်းလို့မုန့်သားအရမ်းပျော့နေတဲ့အခါရေခဲသေတ္တာမှာနာရီဝက်ခန့်ထားပေးပါ။

ကွတ်ကီးမှုန့်သားကိုပုံသွင်းခွက်အတွင်းသို့ဇွန်းဖြင့်ကော်ထည့်ပြီးအသာအယာဖိ ၍ပုံသွင်းပေးပါ။

ပုံသွင်းခွက်မရှိသူများကမုန့်ဖုတ်စက္ကူ၁ရွက်ကိုယူ၍ခင်းပါ။

မုန့်သားထည့်ပါ။

ပြီးရင်လေးထောင့်ပုံဖြစ်အောင်စက္ကူကိုခေါက်ပေး
ပါ။
ဘယ်ညာ၂ဖက်ခေါက်ပြီးအထက်အောင်ခေါက်ပေးပါ။

အဲ့ဒီလိုခေါက်ပေးပြီးဒလှိမ့်တုံးဖြင့်အသာလှိမ့်ပေး
ပါ။
လက်မဝက်ခန့်အထူရသည်အထိပုံသွင်းပေးရပါမယ်။

မျက်နှာပြင်ညီညာအောင်ပြုလုပ်ပေးပြီးကိုယ်လိုချင်တဲ့အနေအထားကိုရောက်တဲ့အခါအလည်မှထက်ဝက်ပိုင်းပေးပါ။(ကော်ဓါးဖြင့်)

ပိုင်းထားတဲ့တစ်ဖက်တစ်ချက်စီကိုလက်၂လုံးလောက်လောက်အပိုင်းလေးများဖြစ်အောင်ညီညီညာညာပိုင်းဖြတ်ပေးပါ။

အဲ့နောက်ခရင်းဖြင့်အပေါက်ကလေးများဖောက်ပေးလိုက်ပါ။အောက်ခြေထိမဖောက်ရပါ။

မျက်နှာပြင်အပေါ်ယံသာဖောက်ပေးပါ။

ခရင်းဖြင့်အရာပေးပြီးမုန့်ဖုတ်ဗန်းပေါ်သို့တင်ပေးပါ။

ကွတ်ကီးဖုတ်ရန်အတွက်Ovenကို၁၅မိနစ်ကြို၍အပေါ်မီး၊အောက်မီး၁၆ဝံဖြင့်အပူပေးထားပါ။

၂၅မိနစ်မှမိနစ်၃၀ခန့်ဖုတ်ပေးရပါမယ်။
အပေါ်မျက်နှာပြင်ညိုလာသည်ထိဖုတ်ပေးရန်မလိုပါ။

ကွတ်ကီးရဲ့ဘေးသားနဲ့အောက်ခြေအနားသားကနဲနဲညိုလာရင်တော့Ovenမှထုတ်၍ဓါးဖြင့်ပိုင်းပေးပါ။

ပူနေတဲ့နေတဲ့အချိန်မှာဓါးဖြင့်ပိုင်းပေးပါ။

ပူနေတဲ့အချိန်မှာမုန့်သားကပျော့နေတဲ့အတွက်အသာလေးပိုင်းဖြတ်ပေးပါ။(သို့)လုံးဝအေးမှသာလက်ဖြင့်ချိုးပေးလိုက်ပါ။

အားလုံးဖြတ်ပြီးသွားရင်တော့လုံးဝအေးမှသုံးဆောင်ပေးပါ။

သို့မှသာကွတ်ကီးမှုန့်လေးကမာမာကြွပ်ကြွပ်လေးဖြစ်ပြီးပိုစားလို့ကောင်းနေမှာပါ။
အားလုံးအေးသွားရင်လေလုံဗူးမှာထည့်ပြီးသိမ်းထားလို့ရပါပြီ။

MayCho👩🏻‍🍳(ကိုယ်တို င်ချက်လက်ရာ(ဟင်းလျာများနှင့်မုန့်များစုစည်းမှု)

🔹Share button ကိုနှိပ်ပြီးလွတ်လပ်စွာShareနိုင်ပါသည်။
🔺ပုံနှင့်စာများအားတစ်ဆင့်ပြန်လည်ကူးယူဖော်ပြခြင်းသီးခံပါ။

16/06/2021

နို့ပေါင်မုန့်လုပ်နည်း(Milk Bread)
🧈🥛🧈🥚🧈🥛🧈🥚🧈🥛

ပါဝင်ပစ္စည်းများ

ပေါင်မှုန့်ဂျုံ(ဒုံးပျံတံဆိပ်)ပေါင်းအိုးဆန်ချိန်ခွက်(၃)ခွက်

ကြက်ဥ (၁)လုံး

ဆားမပါသောထောပတ် (ထမင်းစားဇွန်း(၂)ဇွန်း
(အခန်းအပူချိန်)

နွားနို့ ခပ်နွေးနွေး(ပေါင်းအိုးဆန်ချိန်ခွက်၁ခွက်ခွဲ)

Yeast(တဆေး) လ္ဘက်စားဇွန်း(၁)ဇွန်း

သကြား (ထမင်းစားဇွန်း(၂)ဇွန်း

ဆား (လ္ဘက်စားဇွန်း (တစ်ဝက်)

ပြုလုပ်ပုံ

ပထမဆုံးနွားနို့ခပ်နွေးနွေးထဲသို့Yeast(တဆေး)ကိုထည့်ပြီးမွှေထားပေးပါ။

နွားနို့အရမ်းမပူပါစေနဲ့၊
Yeast(တဆေး)သေတတ်ပါတယ်။

အဲ့ဒီနောက်ဂျုံမှုန့်ထဲကိုဆားနှင့်သကြားထည့်ပြီးရောမွှေထားပါ။

ပြီးရင်ကြက်ဥဖောက်ထည့်ပြီးသမအောင်မွှေပေးပါ။

နို့ပေါင်မုန့်မုန့်လုပ်နည်းကအရည်ပါဝင်မှုများတဲ့အတွက်ဂျုံသားကစေးစေးပျစ်ပျစ်ဖြစ်နေမှာပါ။

ဒါကြောင့်လက်နဲ့မနယ်ဘဲဂျုံနယ်တဲ့အခါသုံးတဲ့ဆီလီကွန်ဇွန်း(ထိပ်အပြားလေး)နဲ့ပဲနယ်ပေးပါ။

နောက်နွားနို့နှင့်Yeast အရောကိုဖြည်းဖြည်းခြင်းထည့်ပြီးသမအောင်မွှေထားပေးပါ။

အားလုံးသမသွားရင်နောက်ဆုံးမှာထောပတ်ထည့်ပြီးသမအောင်ဆက်မွှေထားပါ။

အားလုံးနယ်လို့သမသွားတဲ့အခါပလပ်စတစ်အပါးနှင့်အုပ်ပြီး၁နာရီခန့်မုန့်သား၂ဆပွလာအောင်ထားပေးရပါမယ်။

မုန့်ဖုတ်ရန်အတွက်မုန့်ထည့်မည့်ဗန်းကိုကြိုတင်ပြင်ဆင်ထားပါ။(မု ုန့်ဖုတ်စက္ကူခင်းထားပါ)

၁နာရီခန့်ကြာတဲ့အခါမှာတော့မုန့်သားလေးက၂ဆဖြစ်၍လာပါပြီ။

နို့ပေါင်မုန့်လုပ်နည်းကအရည်ပါဝင်မှုများလို့အရမ်းပျော့ပြီးကပ်တဲ့အတွက်ဂျုံမှုန့်ကိုဖြူးပေးပြီးမှကိုင်ပေးပါ။

ဂျုံ သားကိုအရမ်းမနယ်ပေးရပါ။

ဂျုံသားထဲမှာရှိတဲ့
လေထွက်သွားဖို့အတွက်ဂျုံကိုဖိဖိပြီးပေးရပါမယ်။

ပြီးရင်အရွယ်တူအပိုင်းလေးတွေပိုင်းပေးပြီးပုံသွင်းပေးပါ။

ပုံသွင်းပေးဖို့အတွက်ဂျုံသားကိုလက်နှင့်အသာဖိပေးပြီးအပြင်ကနေအတွင်းသို့ခေါက်၂ထည့်ကာအဝိုင်းပုံဖြစ်အောင်လက်ဖဝါးနှစ်ဖက်နှင့်လှည့်၂ပေးပြီးမျက်နှာပြင်ချောမွေ့ညီညာအောင်ပြုလုပ်ပေးပါ။

ကိုယ်လိုချင်တဲ့ပုံသွင်းပြီးရင်တော့ကြိုတင်ပြင်ဆင်
ထားတဲ့မုန့်ဖုတ်ဗန်းထဲသို့ထည့်ပြီး
ပလပ်စတစ်အပါးအုပ်၍နောက်ထပ်မိနစ်၃၀ခန့်ဂျုံသားပွလာစေရန်ထားပေးရပါမယ်။(အခန်းအပူချိန်)

မိနစ်၃၀ပြည့်တဲ့အခါမုန့်သားလေးများပွလာပြီးလက်နှင့်ဖိကြည့်တဲ့အခါပြန်ပြီးဖောင်းတက်လာရင်မုန့်ဖုတ်ရန်အတွက်အဆင်သင့်ဖြစ်လို့နေပါပြီ။

Ovenထဲသို့မထည့်ခင်ထောပတ်(သို့)ကြက်ဥအနှစ်ရည်ပြန်သုတ်ပေးလိုက်ပါ။
အဲ့ဒီလိုသုတ်ပေးခြင်းအားဖြင့်မုန့်အရောင်လည်းပိုလှစေပါတယ်။
မုန့်ဖုတ်ရန်အတွက်Ovenကိုကြိုတင်အပူပေးထားရပါမယ်။

၁၈ဝဒီဂရီနဲ့မိနစ်၂၀ဖုတ်ပေ း ရပါမယ်။

မုန့်ဖုတ်ပြီးရင်အရောင်ပိုလှစေရန်အတွက်ထောပတ်(အနည်းငယ်)သုတ်ပေးပါ။

MayCho👩🏻‍🍳(ကိုယ်တိုင်ချက်လက်ရာ(ဟင်းလျာများနှင့်မုန့်များစုစည်းမှု)

🔺Share button ကိုနှိပ်ပြီးလွတ်လပ်စွာShareနိုင်ပါသည်။

🔹ပုံနှင့်စာများအားတစ်ဆင့်ပြန်လည်ကူးယူဖော်ပြခြင်းသီးခံပါ။

27/04/2021

အုန်းနို့ကောက်ညှင်းပြုလုပ်နည်း
🍚🌱🥥🌱🍚🌱🥥🌱🍚🌱

ပါဝင်ပစ္စည်း
ကောက်ညှင်းဆန်
အုန်းနို့
သကြား
ဆား
ရေ

ပြုလုပ်နည်း

ကောက်ညှင်းဆန် နို့ဆီဗူး (၂)လုံးကိုရေစင်အောင်ဆေးပြီး(၇)နာရီကြာအောင်ရေစိမ်ထားပေးပါ။

(၇)နာရီအကြာမှာစိမ်ထားတဲ့ရေကိုသွန်ပြီးရေ၁ထပ်ပြန်ဆေးပေးပါ။

အသာအယာလေးဆေးပေးပါ။ပြီးရင်ရေစစ်ထားပေးပါ။

ရေစစ်ထားတဲ့အချိန်မှာ

အုန်းနို့(၂)ခွက်ခွဲ(ပေါင်းအိုးဆန်ချိန်ခွက်ဖြင့်)

သကြား (ထမင်းစားဇွန်းဖြင့်(၁)ဇွန်းခွဲ

ဆား (လ္ဘက်စားဇွန်းဝက်)

ရေ (ပေါင်းအိုးဆန်ချိန်ခွက်(၁)ခွက် တို့ကိုရော၍ဆား/သကြားပျော်ဝင်အောင်ရောမွှေထားပေးပါ။

အုန်းကောက်ညှင်းလေးစချက်ပါပြီ။

​ချက်နေကျထမင်းပေါင်းအိုးထဲသို့ရေစစ်ထားတဲ့ကောက်ညှင်းဆန်ထည့်ပါ။

အုန်းနို့/သကြား/ဆား/ရေ တို့ကိုရောဖျော်ထားတာကိုထည့်ပါ။

သမသွားအောင်ပြုလုပ်ပြီးခလုပ်နှိပ်ထားပေးပါ။

ကောက်ညှင်းကျက်သွားပြီးခလုပ်တက်သွားတဲ့အခါယောင်းမလေးနှင့်အထက်အောက်အသာယာမွှေပေးပြီးလက်နှင့်စမ်းကြည့်ပါ။

သင့်စိတ်ကြိုက်ဖြစ်ပြီဆိုရင်တော့သုံးဆောင်လို့ရပါပြီ။

အကယ်၍ကောက်ညှင်းမာနေသေးတယ်ထင်ရင်အုန်းနို့(၂)ဇွန်းထပ်ထည့်ပြီးအထက်အောက်နှံ့အောင်မွှေပေးပြီးခလုပ်ပြန်နှိပ်ထားပေးပါ။

​အုန်းနို့ကောက်ညှင်းလေးနဲ့တွဲစားဖို့

ဆိတ်သားနှပ်၊ပုဇွန်ခြောက်ငပိကြော်၊သရက်ချဉ်သုပ်တို့ပါရင်ပိုလို့စားကောင်းပါတယ်။
ဒါမှမဟုတ်သရက်သီးပေါ်ချိန်ဆိုတော့အုန်းနို့ကောက်ညှင်းနဲ့သရက်သီးမှည့်လေးနဲ့လည်းလိုက်ဖက်ပါတယ်။

🌱🌱 🌱 🌱🌱 🌱 🌱🌱 🌱 🌱🌱

MayCho👩🏻‍🍳(ကိုယ်တိုင်ချက်လက်ရာဟင်းလျာများနှင့်မုန့်များစုစည်းမှု)

🔺Share button ကိုနှိပ်ပြီးလွတ်လပ်စွာShare နိုင်ပါသည်။

🔹ပုံနှင့်စာများအားတစ်ဆင့်ပြန်လည်ကူးယူဖော်ပြခြင်းသီးခံပါ။