14/01/2026
"ဦးဆောင်သူစေရာ"
အတုအယောင်
ပုံရိပ်မှား
ထင်ယောင်ထင်မှားတွေနဲ့တည်ဆောက်ထားတဲ့ လောကီမှာလေ
အရင် မှားဖမ်းဆုပ်မိထားတဲ့ အရာပေါ်မှာပဲ သစ္စာထား စောင့်ထိန်းရမယ်ဆိုတာကြီးကလည်း အစစ်အမှန် မဟုတ်တာ သင်ပေးဖို့လိုအပ်ခဲ့သလားကွယ်...
" ချစ်သူတို့ရဲ့ပွဲ"
(၁)
မင်းကလည်း ဖြူစင်ချင်သူ
ငါကလည်း ရိုးဖြောင့်ချင်သူ
မင်းမှာလည်း အကြေးအညစ်တွေနဲ့
ငါ့မှာလည်း အနာအဆာနဲ့
နှစ်ယောက်လုံးမှာ ဗိုင်းရပ်စ်ကိုက်ရာတွေနဲ့..
(၂)
လောကဟာ ရှုပ်ထွေးပွေလီတယ်
အညိုရောင်နယ်မြေထဲ တိုးဝင်ရသလိုပဲ
ရန်သူဟာသေခြာသလောက် မိတ်ဆွေဆိုတာမသေခြာဘူး
ပါးနပ်ပါ ညီမလေး
(၃)
ပညာရှင်တွေဆိုတာ
မဟာဗျူဟာစစ်ပွဲတွေအကြောင်း အမြဲပြောတယ်
ငါတို့က နည်းဗျူဟာတိုက်ပွဲတွေကြား
ခေါင်းမဖော်နိုင်ခဲ့ပါဘူး
သတိရှိပါညီမလေး
( ၄)
နျူကလိယားတိမ်တိုက်တွေအောက်မှာ
အိုဇုန်းလွှာဖာဖို့ကလေးတောင် ပျက်ကွက်ခဲ့ကြတယ်လေ
ဆိုက်ဘာတိုက်ပွဲတွေကြား
ကမ္ဘာကြီးဟာ
အိပ်ကောင်းခြင်း မအိပ်ခဲ့ရပါဘူး
( ၅)
မကောင်းမှုဆိုတာ အလေ့ကျဗျိုက်တောပဲ
ထိမ်းမနိုင်သိမ်းမရ ဗေဒါအုပ်ပဲ
ကောင်းမှုကိုတော့ စနစ်တကျစိုက်ပျိုးရတာ
တုတ်ဒါးလက်နက်တွေကြား
ယုံကြည်ချက်ကို လက်နက်လို့တွေးခေါ်ရတာ
ကိုယ့်ခံနိုင်ရည်ကို ယုံစားလွန်းရာရောက်တယ်
#ကိုသန်းထွန်း
Coffee
