ДОЛАП

22/06/2026

Вашата најубава летна градска дестинација ☀️💛☀️ #најубавотоместо

08/05/2026

YES ФЕСТИВАЛ 2026: Претставување на белгиската писателка Хеа Схутерс и промоција на нејзиниот роман „Трофеј“.
🗓️🕗📍15 мај, петок, 20 часот, кафе „Долап“
Разговорот со авторката Хеа Схутерс и со преведувачката на делото Ели Пујовска ќе го водат Лени Фрчкоска и Билјана Црвенковска.
📖
Хеа Схутерс е писателка, сценаристка, авторка на либрета и новинарка. Прво дело ѝ е патописната книга „Девојки, муслимани и мотори“ за едно седуммесечно патување со мотор низ Иран, Централна Азија и Арапскиот Полуостров. Потоа следуваат романите „Копачи“, „Уметноста на паѓањето“и „Без наслов бр. 1“, како и збирката интервјуа насловена „Крај“. Нејзиниот роман „Трофеј“ влегува во потесниот избор за голем број награди меѓу кои и Европската награда за литература, а добитник е на книжевната награда „Сабам“. Со илустраторката Герда Дендовен ја изработуваат „Ништо“, филозофска сликовница и за мали и за големи деца. Со композиторката Анели ван Пари пишува неколку опери, како и други парчиња театарска музика, кои се закитуваат со многубројни награди; нивните дела се изведуваат на места и настани како Виенското биенале, Германската државна опера, Стокхолмската опера, Фламанската опера, Ротердамската опера и многу други. А заедно со Јохана Пас ја преведува Кеј Темпест. Нејзиното авторство се наоѓа токму онаму каде што се сретнуваат експериментирањето со формите и општествената ангажираност.
🌍🇪🇺
Проектот „Планета Надеж (Нова европска проза)“ е кофинансиран од програмата „Креативна Европа“ на Европската Унија и поддржан од Фламанската фондација за литература (Flanders Literature)
#планетанадеж
📷Фотографија: (c) Annelies Van Parys

12/04/2026

Честит Велигден! За многу години здравје, љубов, мир и разбирање🙏💫❤️

13/12/2025

Магичен вкус за магични моменти✨✨✨

02/12/2025

Мирисот и вкусот на домашниот колач со вишни…магично✨✨✨ 😎😋

24/11/2025

Цимет, кардамон, анасон, портокал, бадем и трошка магија во најубавото греено вино 💫💫💫 #грееновино 😎😋

21/11/2025

Промоција на графичкиот роман за млади „Да се биде јас“ на наградуваната шведска авторка, илустраторка и уметница Ана Хоглунд (превод од шведски јазик: Родна Русковска)
🕖📌22 ноември, сабота, 19:00, кафе-бар „Долап“
📖Читање на извадоци од делото и разговор со авторката. Разговорот ќе го води Лени Фрчкоска
- Општеството има големи очекувања од девојчињата. Притисокот е неиздржлив. Зошто е толку тешко да се биде јас? Што точно значи да се биде девојка, да се биде жена?
Нежна и полна со љубопитство, оваа илустрирана книга за млади во која тринаесетгодишната Роса го преиспитува своето место во светот, на паметен начин ги обработува темите за промените во тинејџерството, промените во емоциите, промените на телото, а одговара и на прашањата за сексуалноста и за наметнатите очекувања од околината.
Жири-комисијата за наградата „Астрид Линдгрен“, која ѝ ја додели оваа престижна награда на Хоглунд во 2016 година, вели: „Ана Хоглунд пишува и илустрира на начин кој е и поетичен и прецизен, и тенденциозен и прекрасен, и современ и безвремен – таа зборува за врските, емоциите, идентитетот и растењето и тоа ги допира и остава печат и на младите и на повозрасните читатели.“

18/10/2025

И кафето, и дневниот весник треба да се уживаат со стил…затоа постои ДОЛАП 😉

13/10/2025