02/03/2023
السلام عليكم جميعا
أنا نبدا ونتوما كملو وكل وحدة تعطينا سر وحلول في المطبخ وكيفاش كتعاملو إلى طرا ليكم شي موقف في الكوزينة مثلا :
شلاضة مقطعة فيها الخيار ومطيشة والفجل والخص والبصلة وقبل ماتحطيها ذقتيها وجاتك مالحة بزاف والحل هو ديري شلاضة فشي شبكة وتخوي عليها الما 😄😄 وتعاودي ديري ليها ليقامة من جديد واللوز باش ميتحرقش في القلي ديريه فالزيت باردة بلا متخليها تسخن وعلى نار متوسطة 😉😉وشرمولة ديال الحوت لي كيتقلى ماديريش فيها الزيت ديري غير شوية ديال الما باش متجيش الشرمولة محروقة وديال التبخار هي لي ديري فيها زيت والمرقة إلى جاتك مالحة لوحي فيها بطاطا منقية وصاينة 😉😉والمايونيز باش تصدق وطلع ليك خاص مولينكس متكونش فيها حتى قطرة ديال لما😉😉 والدجاج المشوي باش يجيك بنين ديري هاد الخلطة كتجي بنينة وهي الثومة +عصير الحامض + التحميرة + شوية الهريسة + الملح + الزعتر + إبزار + سكينجبير + القزبر حبوب + الزيت البلدية و خلي الدجاج يبات فالشرمولة ليلة كاملة😉😉وإلى بغيتي البنة فالطاجين والدجاج محمر و لحم محمر و الحريرة و الكسكس دائما ديري طريف ديال كنور بكري وخا يكون الدجاج ونتوما زيدونا أفكار وحلول وأسرارها
