Said zahiri, Marrakesh (2026)

04/12/2024

بسم الله توكلت على الله
قمت بالاستثمار في مشروعي الصغير المرخص اسأل الله ان يرزقنا فيه الحلال و البركة كأول استثمار لي فحياتي ❤️
المشروع عبارة عن محل coffee - restaurant يقدم جميع وجبات الفطور Beldi فطور tradesonnel express وجميع انواع المشروبات المتعلقة بالقهوة سواء باردة او الساخنة ، عصير الفواكه و كوكتيلات ، موخيطو ...و اكسسوارات القهوة
بالنسبة للموقع ، فمتواجد على Google maps
https://maps.app.goo.gl/xS98WBBStEeNFS9f7?g_st=ac

يامسهل دعواتكم🙏🏻

05/05/2024

👌

26/04/2024

قرا قبل ماتزوج 🔥🤍

فالمغرب دبا الا كنتي باغي تزوج شي درية وكانت كاتفرج في تيك توك ولا انسطا مشكل كبير غادي طيح فيه اصاحبي راه مايمكنش تزوج بيها علاش؟ انا نقولك..
حيت هي كاتكون مريضة بتيك توك ومريضة بهادوك المؤثرين لي متبعاهم يوميا في حياتهم اش كديرو وكاتشوفهم خارجين ، وديما مسافرين ، وكاتشوف هذاك هو ومرتو غاديين عايشين ، ولباس الغالي والبلايص VIP.. ما عارفاش ان هذاك المؤثر راه خدام كيشقا على الفلوس من ديك التسافيرة ، هي كيتسحاب ليها الزواج هو لي كيعيش هذاك المؤثر ، وملي غادا تزوج تعيش بحال داك العالم ، ما عارفاش هي را غادا تزوج هذاك خونا بناي ولا صباغ ولا كدا وهذاك العالم لي كاتشوف هيا ما يمكنش ، هذاك العالم راه كاين عند مؤثر كيصور زبابل ديال اللعاقة غير بسطوري ولا بوسط يعني ساهل يخرج يمشي فالطيارة يمشي فالطران ياكل يصور ، اذن هي ملي كاتزوج وكاتحط في الامر الواقع كيبدا يبان ليها ماشي هذا هو الزواج لي شافت وهنا كتبدا المعركة ، وهنا كاتكون ضمرتي حياتك بواحد زواج لي مبني على انت وزهرك
#منقول

14/04/2024

‏شي مرات واخا كاتبغي شي حاجة كاتخليها تمشي واخا راك باغيها.

13/04/2024

باركة ما تعطي لبنادم كثر من قيمتو حيت فلخر غادي يصدمك... ☑️💔

04/04/2024

البارح عرض عليا واحد الصديق للفطور مرتو جالسة فالدار عرفني راني ساكن بوحدي كانجي نفطر عند لواليدة مرا مرا

ملي دخلت لعندو تباركل الله عندو غي شقة فيها 56 ميترو ولكن راه بحال الجنة حاشا ولايتمثل

كمية الترتيب و النقا اللي فديك الدار راه لا يمكن ، التلفازة معلقة فبلاصتها فراش الصالون و الالوان مختارين بعناية

الخوامي و البوفات عندهم رونق خاص ، غي الريحة اللي فالدار كادير ليك واحد الراحة النفسية شي بخور ديال الحج يا سلام

نتا جالس و كاتسمع فالطرب الاندلسي صوت خفيف ماكتعرفو منين جاي واش من التلفازة ولا شي باف مزروع فشي قنت الله و اعلم

دار كاتحس فيها بالدفئ العائلي و بالاطمئنان، حنا جالسين و جا عندنا ولدو عندو 4 سنوات لابس فوقية و طربوش حمر و باين نقيي

الصديق ديالي بقا كيمشي للكوزينة و كيرجع كيتسخر كيحط اشهى الاطباق كولشي مصواب فالدار و بلدي امعلم

ماكينش خبيزات معمرين بالخص و الكاشير و عصيري ولا داك التخربيق ديال الموظفات..

ماكين غي القص لمليح ديال الدار طبيسلات فيهوم تكتوكة بطريفات دجاج حارين ناضية ، 3 العواصر ديال الدار

بيتزا تحلف عليها ايلا بحال ايلا جاية من ايطاليا عامرة كروڤيت و كفتة و زعتر و فرماج محكوك

عاد زيد مسمن الشحمة و الجبن ، و سوبيرة ديال الحريرة باللحم و الحمص و الطبق الرئيسي طاجين ديال الفرخ بالبصلة و الزبيب اللهم بارك و زد في ذلك

غي الاختيار ديال الماعن و الجبابن داكشي نقيقي و باين اللي ختارتو مولات الدار عندها دوق زوين بنت الخير

ملي اذن المغرب فرقنا الصيام بواحد التمر مجهول ديال لبلاد مليح كل تمرة قد السباط داكشي يا سلام

صلينا المغرب و بدينا كنفطرو و كندردشو قتليه الله يكبر بيك محنتي راسك

قاليا : مرحبا بيك خويا الله اودي راه هاذا هو فطورنا مازدنا والو

و زاد قاليا : انا ملي تزوجت المدام تبارك الله عليها ماكلة الزنقة مابقاتش تدخل عندي للدار ، كولشي كيتصاوب هنا فالدار حتا من داك الرايب راه بلدي ديال الدار المدام اللي مصايباه دوق دوق مرحبا

ملي دقت داك الرايب تا راه عالم ثاني منسم بشي لعيبة معرفتهاش ولا حليب طبيعي لمهيم اللهم بارك

التلفازة خدامة ماتسوقتش ليها ..
كول كول مهم بدينا كنغمسو فطاجين اللي و حق الرب لا صاوباتو ليك شي موضفة ولا بنت الشركة و الطرونسبور

انا كناكل و كنقول فخاطري شوف هاد الصديق كون كان مزوج شي مڭروضة كتاف كون راه حنا كنضربو فخبيزات معمرين بالخص و عاصير بالبي ديال الحانوت ...

ملي كملنا لفطور خرجنا مشينا للجامع نصليو التراويح و مرتو مابانت ولا سمعنا صوتها كون كانت شي مقزدرة كون خرجات كادور بيناتنا مامسوقاش ...

صراحة هادو هوما الرجال سير اخويا الله يسر ليك فدارك وولدك ومرتك اللي جالسة فالدار ... هادي هي الحياة اللي تتمناها لخوك و حبيبك ، قطع اللهم بارك و زد في ذالك

Said zahiri

04/12/2024

05/05/2024

26/04/2024

14/04/2024

13/04/2024

04/04/2024

Address

Telephone

Website

Alerts

Shortcuts

Featured

Share