Chef karima

08/05/2018

18/04/2018

واحد النهار طيبت الدجاج واللحم أنا ومرات خويا في عراضة كبيرة :D
ماشاء الله جا راائع

16/04/2018

16/01/2018

25/12/2017

15/12/2017

دجاجة معمرة بحشوة رووووووووعة مع الخضروات صوطي و دنجال مشرمل فالفرن و لكرعة محشوة دجاجة بعدما كنغسلوها و نرقدوها فالحامض و الملحة كنغسلوها مزيان و كنوضعوها تستقطر و كنوجد واحد الخلطة لكنرقدوها فيها ليلة كاملة كنخلط م ك لاموطارد و جوج م ك نتاع القشدة الطرية و م ك صوص صوجا و شوي نتاع الهريسة و الابزار و م ك زيت زيتون و كنخلط كلشي و كندهن بها دجاجة من الداخل و الخارج و مابين الجلد و اللحم و كنوضعها فاناء محكم الغلق و كنوضعها فالثلاجة للغد و كنوجد الحشوة خديت بصلة كبيرة و شلضتها رقيقة و شحرتها فشوي زيت الزيتون حتى نزلت اضفت لها الفطر شرائح واحد رابعة نتاع الكفتة بكري و لكبدة نتاع دجاج مقطعة و الملح و الابزار و سودانية و م ك نتاع قصبر يابس مطحون ونصف حامضة مصيرة مقطعة مكعبات صغيرة و تركت الكل حتى تشحرو و ضفت عليهم زيتون اخضر مقطع دوائر و المعدنوس و م ك نتاع لاشبلير و بيضة و خلطت الكل حتى نسجمت العناصر كلها و زولتها من على النار و تركتها تبرد و عمرت بها دجاجة و عقدت لها رجليها و وضعتها فلاطة الفرن مدهونة بالزبدة و غطيتها بورق الطبخ ثم ورق الالمنيوم و دخلتها للفرن و من حين لاخر كنت كنفتح عليها و كنسقيها بالماء لطلقت و كنغطيها و نردها حتى طابت عاد ازلت الورق و تركتها تتحمر و بقية الحشوة شديت الكرعة الخضراء قطعتها على جوج بالطول و اضفت لها الملح و الابزار و فورتها و و خويتها من الوسط و عمرتها بالحشوة لبقات لي من دجاجة و وضعت فوقها فروماج سندويش و الاكان فروماج احمر محكوك كان احسن و كندخلها للفرن غير يدوب الفروماج بالنسبة للدنجال كنشد دنجالة و كنفلحها بشكل طولي الى خمسة فلحات و كندهن الفلحات بشرمولة قصبر و معدنوس و الثومة الكل طحنتهم و اضفت عليهم الملح و الابزار و تحميرة و الكامون و سكين جبير و الخرقوم و م ص مطيشة الحك و عصير الحامض و سودانية و زيت زيتون دهنت مول لكيدخل للفرن بزيت زيتون و دخلتها للفرن حتى طابت و تحمرت من الجهتين بالنسبة لشرمولة لبقات فورت خيزو و شفلور و اضفت لهم شرمولة و شوي زيت زيتون و صوطيتهم واحد الخمسة دقائق كل على حدة و كذلك بالنسبة لبطاطا خديت بطاطا صغيرة و سلقستها و قشرتها و اضفت لها الشرمولة و زيت زيتون و صوطيتها اما بالنسبة لديك لاصوص فانا خديت لصوص لطلق دجاجة وضعتها فكسرولة و اضفت لها م ك نشا ووضعتها على نار مع التحريك حتى بدات تعقد و قدمتها مع الدجاجة و الخضرة و بالصحة و الراحة.

14/12/2017