01/05/2023
صبر 10 ايام تاكل الدجاج ب 10 دراهم
الإخوان والاخوات غادي نعطيكم طريقة تطبيقية لنجاح مقاطعة هاد النوع من الدجاج لي كنعتمدو عليه فالحياة اليومية ...
هاد النوع من الدجاج كيوجد فالكوري كمنتوج صالح للدبح فمدة ديال 45 يوم ... يعني داك الدجاج لي كاتشريو العمر ديالو مكيتجاوزش 50 يوم ...
كونو أكيدين ان مدة المقاطعة ديال لحم هاد النوع من الدجاج الى كانت غير بين 10 الى 20 يوم راه غادي ينقص اقل من داك التمن لي كان به من قبل ..علاش
سلسلة تفقيس بيض فراخ هاد النوع من الدجاج وتزويد المنتجين به + أن الكوري (مكان تربية الدجاج) مملوئين حاليا عند اصحابهم + اصحاب الجزارة (محل بيع اللحم ) مملوئين ايضا ....
يعني مقاطعة شراء هاد الدجاج غادي يخلي السلسلة كاملة توقف يعني الجزار غادي يبقا عندو غادي يكبر الفرخ وغادي يشوفو كيستهلك بلا فائدة غادي يضطر يبيعو بأقل تمن ومغاديش يبقا يشري من عند السماسرة لي كيوصلوه ليه حتى للمحل ...
مول الكوري بدوره ايضا غادي يلقا الفرخ يعني المنتوج فات 45 يوم ماكاين لي سول فيه .. كايهز التلفون كايدور لاصحاب الجزارة لي مولف كيزودهم كيقولو ليه راه باقي عندنا راه مكين لي بغاه ... مول الكوري غايضطر يبيعو بالتمن لي غادي يخلي السلسلة تتحرك من جديد ... وكل ما كانت مدة المقاطعة طويلة 20 يوم متلا ... غادي يهبط التمن لمستوى قياسي
علاش لانه انت كمقاطع تحكمتي فالتمن من عند الجزار ... الجزار لي بدوره كيوصل رسالتك لمول الكوري وبالتالي مول الكوري غايزود الجزار جملة بتمن ناقص ...
كاين معيق لهاد المقاطعة فهاد الصيف هو مناسبات الاعراس وغيرها ... الناس يحاولو يشوفو البديل ...
بغيتو التمن يطيح تقلو تحرك سلسلة الانتاج أو وقفوها لواحد المدة علاش لا ؟؟
منقول للإفادة
