Doja food

13/10/2025

متابعيني ومتابعاتي سبقت الرجال مع ان يقولوا السيدات أولا لكن مش خسارة فيهم أصدقاء الصفحة جيتكم وجبتلكم معاي نار 🔥🔥🔥🔥هادية على اقل من مهلها الأكلة وهذا إسم برنامجي الرمضاني شن تقترحوا عليا تكون الاكلات والتنسيق زي ما عودتكم حتكون طاولة أنيقة وتسر العين وحيكونوا معاي ضيوف من تقترحوا نستضيف نبي تشاركوني في أفكاري باش نطلعوا ببرنامج خفيف ظريف الشركة المنفذة للبرنامج هي Bright vision الغنية عن التعريف إن شاء الله يكون تعاون دائم نستنا في تعليقاتكم # طبخ #تنسيق #ضيافة #تلفزيون #

13/08/2025

سعيدة جداً بتواجدي مع مينا فود للمرة الثانية ألف شكر على الدعوة والثقة وإن شاء الله نكونوا عند حسن الظن وأهلا بنغازي مرة أخرى
تحياتي للجميع

نرحب جميعاً بانضمام الشيف المبدعة خـديـجـة الـمـسـلاتـي Kadija Mohamed Mohamed إلى قائمة الشيفات المشاركين معنا في الفعاليات المصاحبة لـ معرض مينا للغذاء 25 – MENA FOOD EXPO 🍽️🎉

الشيف خديجة من الأسماء البارزة في ساحة الطهي الليبي، عُرفت بشغفها الكبير بالمطبخ وبقدرتها على المزج بين النكهات الأصيلة والتقديم العصري للأطباق 👩‍🍳🔥

وجودها معنا سيضفي على المعرض نكهة ليبية أصيلة ممزوجة بروح الإبداع والابتكار، لتمنح الجمهور تجربة ذوقية مميزة وفريدة.

كونوا في الموعد وانضموا إلينا وكونوا من ضمن الشركات العارضة في هذا الحدث الهام عن طريق التسجيل عبر الرابط التالي :
https://shorturl.at/R3eX6 ✨

17/09/2024

-عصيدة مش متعبة بكاشيك اللوح وانتي واقفة تاكلوا أحلى عصيدة ومضمونة بدون كلاكيع وطايبة وأنيقة ملاحظة اني نحب ناكلها بإيدي بس اليوم كليتها بملعقة على خاطر الظوافر الحق بالايديات أحلى بهلباااااا ميلودكم مبروك عصيدة متأخرةالطريقة ⬇️كوب دقيق🥛 كوب ماء🥛 تخلطهم وتخليهم يرناحوا او تضربيهم بمضرب البيض او تصفيهم بالصفاي بعدين ملح 🧂 وزي الصور تحركيهم زي المهلبية لين يبدوا كتلة وحدة ترجعيها بمية سخونة مرتين وتعصدي وانتي واقفة بكاشيك اللوح لما تشوفيها رطبة زي ما تحبي ديري زيت زيتون وعصديها بيه تطلع تلمع وملمسها حلو وناعم وصحتين على قليبكم .

07/07/2024

كل عام وانتوا بألف خير بمناسبة العام الهجري

كسكسي طعام بالقديد وعصبان الزير وعظيمات القديد اكلة تحطوا فيها كل انواع الخضروات. أهم شي اللفت يكون موجود
ولو تبوا الخضرة تطيب بسرعة وتهبز صبوا عليها امية عادية مش سخونة ومعاها المسير والفجل والسليطة الخضراء وسهلة وسريعة اقل من ساعة وتكون جاهزة كل شي حطوه مع بعضه لاقلي بصلة ولا بصلة برانية. بوه على خوه وبوخي الكسسكسي لما تطيب خضرتك سقية وماتكونش مرقته خاترة من أحلى ماتاكلوا هو حلاوته في الشتي بس عادي نفتحوا المكيف ونتخيلوه شتي هو نفسه الفتاشة بس فيه اللي يدير فيه كسكسي عادي وفيه اللي يدير فيه ملتوت شعير وفيه اللي يدير فيه طعام المهم كله بنته زي العسل

06/07/2024

29/06/2024

ولان ديما واعدينكم بحاجات مميزة
جيناكم بلمة وقديد من قديد الحاجة واجواء زمنية مع 🧡

ورشيتّنا من ايديات الشيف المبدعة خديجة المسلاتي Kadija Mohamed Mohamed

لمة وضحكة وتهدريز وان شاء الله ديما ملتمين ✨
نستنو فيكم غدوة الساعة 7:00 مساءً في الحوش العربي داخل المول.

شوفتكم ديما تبهج فينا✨ ومع الهاني ديما هاني💚

ديرو منشن للي حابين يشاركوكم اللمة واعزموهم عليها✨

28/06/2024

زبائني الأعزاء أكيد استاحشتوا رشتة البرمة متعي

اللي كنت نديرلكم فيها كل جمعة

وكنت حريصة انكم تاكلوها سخونة ولذيدة في نفس الوقت

وبما اني وقفت من المطعم من قبل رمضان حبيت نودكم بيها في الهاني مول

حنديروا أجواء ثراثية جميلة يوم الأحد الساعة الثامنة مساءً

شرفونا وتاكلوا أحلى رشتة وأحلى أجواء اللي مايعرفش المكان يكتب الهاني مول في قوقل ماب يطلعلك الموقع

28/06/2024

جمعة مباركة للجميع

15/06/2024