CGFP - Confédération Générale de la Fonction Publique

Name: CGFP - Confédération Générale de la Fonction Publique
Address: 488, Route de Longwy, Luxembourg, 1940, LU
Telephone: 26 48 27 27

Accueil
Luxembourg
Luxembourg
CGFP - Confédération Générale de la Fonction Publique

Confédération Générale de la Fonction Publique – CGFP La CGFP mène son action en dehors de toute considération d'ordre politique ou idéologique.

La Confédération Générale de la Fonction Publique CGFP est une concentration d'organisations professionnelles de la fonction publique qui s'est donné pour but de défendre les intérêts sociaux, moraux, professionnels et matériels des fonctionnaires, employés publics et autres agents contractuels de l'Etat, sans distinction de sexe. Conformément à ses conceptions du syndicalisme indépendant et neutre, la CGFP poursuit sans relâche la réalisation d'un vaste programme d'action, qui vise non seulement l'amélioration constante de la condition professionnelle et sociale de ses ressortissants, mais prend position à l'égard de tous les problèmes de politique générale. Composée d'une soixantaine de fédérations et associations professionnelles de la fonction publique, la CGFP regroupe en tout plus de 34.000 membres, faisant d'elle le seul syndicat de la fonction publique et un des principaux acteurs de la scène syndicale au Luxembourg, reconnu représentatif sur le plan national. La fonction publique dispose en la CGFP d'un instrument syndical efficace qui, de par son envergure, son unité, sa puissance et ses moyens d'action, est en mesure à la fois de défendre son acquis et d'assurer le progrès.

07/10/2026

🇱🇺 Presentatioun vum Budgetsprojet 2027

✅ D’CGFP begréisst ausdrécklech, datt d’Regierung um Index festhält an op eng staark a stabil Fonction publique setzt.

💶 Déi zousätzlech finanziell Moyenen, déi ë.a. fir d’Police, d’Arméi, d’Rettungsdéngschter, d’Justiz zur Dispositioun gestallt ginn, sinn e wichtegt Signal am Interessi vu Land a Leit. D’Investissementer an nei Schoulinfrastrukture sinn och en noutwendege Schrëtt an déi richteg Richtung.

⚠️ Bei de Stock Options fir innovativ Betriber bleift d’CGFP skeptesch. An eisen An besteet do nach gréissere Klärungsbedarf.

D’CGFP bedauert, dass duerch d’Erofsetze vun der Kierperschaftssteier den Déséquiliber beim Steieropkommes tëscht de personnes physiques an den Entreprise weider verstäerkt gëtt.

❗Mat Erstaune stellt d’CGFP fest, datt bei der Budgetspresentatioun nëmme ronn d’Hallschent vun de Regierungsmemberen am Plenum präsent waren.

01/10/2026

🏛️ Déi zoustänneg Chamberkommissioun huet sech dës Woch ënnert anerem mam Projet de loi 8121 iwwert den Télétravail an der Fonction publique auserneegesat. Fir d’CGFP ass et héich Zäit, datt dee jorelaang vun hir gefuerderte gesetzleche Kader endlech a Kraaft trëtt.

💻 De Projet de loi weist allerdéngs nach eng Partie Schwächten op. Esou gëtt den „droit à la déconnexion“, dee kloer iwwert den Télétravail eraus geet – am Géigesaz zum initialen Text – elo net méi ausdrécklech ernimmt. Och d’Erfaasse vun der reeller Aarbechtszäit am Homeoffice ass net virgesinn. Net zeréckbehale gouf och eng Prise en charge vun den zousätzleche Käschten, déi duerch den Télétravail fir d’Agenten entstinn.

⚠️D’CGFP kritiséiert, dass d’Roll vun der Personalvertriedung am neien Text geschwächt gouf. Mir verlaangen, datt d’Représentation du personnel beim Ausschaffe vun den Homeoffice-Reegele voll agebonne gëtt, notamment fir d’Posten ze definéieren, déi éligibel fir den Télétravail sinn.

⚖️ D’CGFP pocht op kloer an eenheetlech Reegelen, fir eng Gläichbehandlung vun allen Agenten ze garantéieren.

24/09/2026

📖 Déi nei Editioun vum „compact“ ass elo online!

D’Steierreform wäert ee vun de grousse Sujete vun der politescher Rentrée sinn. Mat der fir 2028 geplangter allgemenger Individualbesteierung steet Lëtzebuerg virun engem Paradigmewiessel am Steiersystem. Mee féiert d’Reform och tatsächlech iwwerall zu méi Steiergerechtegkeet? Wie profitéiert – oder riskéiert um Enn méi ze bezuelen? D’CGFP an d’CHFEP sinn der Meenung, dass op ville Punkten nach nogebessert muss ginn.

🔎 An der neier Editioun vum « compact » beliichte mir och d’Reform vum Disziplinarrecht am ëffentlechen Déngscht a ginn op d’Evolutioun vun de Staatsfinanen an.

👉Méi dozou elo och an eiser Online-Editioun: https://short-url.cc/1Ezbm

14/09/2026

Nei Rekrutementsprozedur an der Fonction publique

De 15. September sinn déi nei Reegelen a Kraaft getrueden. Wee sech an Zukunft fir eng Plaz beim Staat interesséiert, muss fir d’éischt fir en ausgeschriwwene Poste kandidéieren, éier en d’épreuve d’aptitude générale (EAG) kann absolvéieren.

🔄 Aner Neierungen:

👉D’EAG gëtt vun elo un dat ganzt Joer iwwer ofgehalen. Si gëtt elo och fir d’Staatsemployéë verbindlech.
👉D’Sproochentester gi – mat Ausnam vum Enseignement – digitaliséiert. Si kënne beim CGPO oder vun doheem ausgemaach ginn. Mat der Liescompréhensioun gëtt eng nei Prüfung agefouert.

D’CGFP begréisst dës Moderniséierung prinzipiell. Fir eis kënnt et awer drop un, dass d’Gläichbehandlung vun alle Kandidaten assuréiert ass. Dofir muss d’Roll vum Observateur substanziell gestäerkt ginn.

D’Maîtrise vun den dräi Verwaltungssproochen muss en Atout vun enger biergernoer Fonction publique bleiwen. Bei den Online-Sproochentester mussen déi néideg Precautioune getraff ginn, fir Mëssstänn ze verhënneren.

⚠️Kritesch gesäit d’CGFP, dass d’Reussite vun enger EAG elo just nach ee Joer gülteg ass (bis elo waren et fënnef Joer).

D’CGFP wäert d’Ëmsetzung vun der Reform genee am A behalen. Sollten Defiziter optrieden, muss séier nogebessert ginn.

03/09/2026

👀Weider schaffen amplaz direkt an d’Pensioun ze goen?

E konkret Resultat vun der leschter Sozialronn mat CGFP-Bedeelegung ass den „Abattement de maintien dans la vie professionnelle“.

👉Persounen, déi pensiounsberechtegt sinn, awer viru schaffen, kënnen zënter dem 1. Januar 2026 vun engem Fräibetrag vu bis zu 750 € de Mount respektiv 9.000 € d’Joer profitéieren.

📄Déi betraffen Agente mussen dofir de „certificat de droit à pension“ beim CGPO ufroen. Donieft mussen si de Formulaire 164 R vun der Fiche de retenu d’impôt (RTS ënnen op der Säit 3) ënnert follgendem Link ausfëllen:

https://impotsdirects.public.lu/dam-assets/fr/formulaires/fiches_d_impot/2026/164rf-2026.pdf

Béid Dokumenter gi mat der Demande un d’Steierverwaltung (Bureau RTS compétent) geschéckt.

❗D’CGFP fuerdert, datt dëse steierlechen Abattement an Zukunft automatesch accordéiert gëtt, wann d’Konditiounen erfëllt sinn. Eng sënnvoll Moossnam soll net mat onnéidegem administrativem Opwand verbonne sinn.

22/07/2026

🗞️ Déi nei Editioun vun der „fonction publique“ ass elo online!

⚠️Beleidegungen, Menacen an esouguer physesch Gewalt : Fir vill Agente gehéiert dat ëmmer méi zum Beruffsalldag. D’Klima gëtt duerch Bashing an de soziale Medien an Attacken aus diverse Kreeser 🗣️zousätzlech vergëft. Wéi geféierlech ass dës Entwécklung fir de gesellschaftlechen Zesummenhalt a fir d’Vertrauen an de Staat a seng Institutiounen? 🏛️Eng Analyse dozou gëtt et an der neier fp.

🤖Mir analyséieren och déi frësch lancéiert KI-Offensive an der Fonction publique: Wéi eng Chancë bitt si? Wou leien d’Risike fir d’Martaarbechter? A wéi steet et ëm den Dateschutz?

📋E weidert Thema ass déi moderniséiert Rekrutéierungsprozedur am ëffentlechen Déngscht: Eng Reform mat Potenzial, awer och mat Inconnuen, déi nach musse gekläert ginn.

👉 Entdeckt dës a vill aner Sujeten an der neier fp-Online-Editioun: https://short-url.cc/1zV1y

17/07/2026

☀️D’CGFP wënscht Iech an Äre Familljen eng schéin an erhuelsam Vakanz! 🌴⛱️Genéisst Äre Congé, tankt nei Energie 🔋a kommt gutt erholl erëm! 🌿✨

13/07/2026

Wunnen däerf kee Luxus sinn!

D’CGFP fuerdert eng substantiell Erhéijung vum „Bëllegen Akt“. Op der Tripartite war sech drop geenëgt ginn, de Plafong fir d’Applikatioun vum superreduzéierten TVA-Taux vun 3 % am Beräich vum Logement ze verduebelen. Nodeems d’EU-Kommissioun elo awer hir Zoustëmmung fir dës CGFP-Fuerderung net ginn huet, muss eng gläichwäerteg finanziell Entlaaschtung kommen – fir besonnesch déi jonk Leit, déi sech en Eegenheem kafe wëllen, z‘ënnerstëtzen.

De „Bëllegen Akt“ wier eng Léisung, déi direkt ëmgesat kéint ginn.

Elo ass d’Regierung gefuerdert, séier ze handelen. 👉 https://short-url.cc/1z9Sr

09/07/2026

CGFP: Eng modern Rekrutéierung brauch staark Qualitéitsstandarden

✅D’CGFP begréisst vum Prinzip hir déi zwee Gesetzprojeten iwwert d’Moderniséierung vum Staatsexamen, déi an der Chamber votéiert goufen. D’Epreuves d’aptitude générale fannen an Zukunft kontinuéierlech statt an net just zwee oder dräimol d’Joer wéi bis elo. D’Sproochentester ginn digitaliséiert a kënnen op Wonsch och à distance duerchgefouert ginn. Der CGFP no muss séchergestallt ginn, dass dobäi keng Abusen entstinn.

🗣️An den An vun der CGFP ass a bleift d’Maîtrise vun den dräi Amtssproochen eng wichteg Grondlage fir eng biergerno a performant Fonction publique. An deem Sënn huet sech d’CGFP bei der Fonctionarisatioun vum Employé no 10 Déngschtjore mat Succès géint déi vun der Regierung geplangte Verwässerung vun de Sproochekenntnisser gewiert.

Fir d’CGFP ass et wichteg, dass och nom neie System d’Selektioun ausschliesslech op de Kompetenze vum Kandidat selwer baséiert. Do dernieft hat d’CGFP d’Fro nom Observateur opgeworf, zu deem d’Kandidaten, wann et néideg ass, Zougang musse behalen.

⚠️ Kritesch bewäert d’CGFP och, dass d’Validitéit vun der réusséierter épreuve d’aptitude générale elo vu fënnef op ee Joer gekierzt gëtt. Hei wier eng méi equilibréiert Léisung am Interessi vun de Kandidate sënnvoll gewiescht.

06/07/2026

🏠Logementskris: D’Regierung muss liwweren

Bei enger Entrevue mam Finanzminister Gilles Roth huet d'CGFP op eng séier Ëmsetzung vun enger wichteger Tripartite-Mesure gepocht: D’Verdueblung vum maximal rembourséierbare Montant beim superreduzéierten TVA-Taux vun 3 % fir de Bau oder d'Renovatioun vun enger Haaptresidenz däerf net a Verzuch geroden.
Fir datt dës laangjäreg CGFP-Fuerderung kann a Kraaft trieden, muss d’EU-Kommissioun nach gréng Luucht ginn. D’CGFP huet un de Finanzminister appelléiert, dës Verhandlungen esou séier wéi méiglech mat Succès ofzeschléissen. 🤝

Sollt d’EU-Kommissioun hir Zoustëmmung net ginn, muss d’Regierung eng aner gläichwäerteg Léisung virleeën . Déi an Aussiicht gestallte Steierentlaaschtungen däerfe keen eidelt Versprieche ginn. ⚠️

Doriwwer eraus huet d’CGFP an engem aneren Dossier eng wichteg Zousoe kritt: D’Personal vun deem am Kader vun der Lutte géint de Blanchiment geplangten neien Établissement public wäert den ëffentlech-rechtleche Statut integral accordéiert kréien.✅ Domadder gëtt enger zentraler Fuerderung vun der CGFP Rechnung gedroen.👉 https://short-url.cc/1yAF4

Adresse

488, Route De Longwy
Luxembourg
1940

Téléphone

26 48 27 27

Site Web

http://www.cgfp.lu/

Notifications

Soyez le premier à savoir et laissez-nous vous envoyer un courriel lorsque CGFP - Confédération Générale de la Fonction Publique publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter L'entreprise

Envoyer un message à CGFP - Confédération Générale de la Fonction Publique:

Vous voulez que votre entreprise soit en tête de la catégorie restaurant à Luxembourg ?