Ceylon Tea Academy

07/06/2026

ඇයි අක්කරයකට දලු 1000 Kg කඩමු කීවාම, බෑ බෑ ගාන්නේ

07/06/2026

මෙම තරගයේ ජයග්‍රහණය කර අත්තේ Pasidu Gamage ඔබට අපගේ සුභ පැතුම්

පොතේ හිස් තැනට ගැලපෙනම කොටස නම් කරමු බලන්න. නිවරැදි පිලිතුරු Comment කරන්න. මේ පොස්ට් එක share කරන්න. Screeshot එක comment ,එකට දාන්න, පොතක් දිනා ගන්න #තේ #තේගොවියා #තේවගාව

07/06/2026

-තේ ඉඩමක අවශ්‍ය පොහොර ගණනය කිරීම -ලිපි අංක -01
(අදායමෙන් 10% ක් පොහොර වලට යොදමු )

තේ පොහොර මිල වැඩියි ,
අස්වැන්න නෑ ,
මිල අඩු කරන්න ,
දළු නැ ,
පොහොර සහනාධාරයක් අවශ්‍යයි මේ මෙදින වල තේ ගොවියන් විසින් නඟන මැසිවිලි කිහිපයකි.

නමුත් පොහොර යනු තේ වගාවේ ඉතාම නිවැරදි ලෙස කළමනාකරණය කල යුතු යෙදවුමකි. නමුත් පසේ pH අගය , කාබන් ප්‍රතිශතය සහ අනිකුත් පෝෂක සම්බන්ධ කරුණු ගැන තේ ගොවියන් වැඩි අවදානයක් යොමු නොකරන අතර ඔහේ පොහොර යොදන්නම් වලේ පොහොර යොදා අස්වනු බලාපොරොත්තුවෙන් සිටියි .

එබැවින් ඒ පිළිබද ලිපි කිහිපයක් ලිය පල කිරීමට සිතුණි.

--ඔබේ ඉඩමට කොපමණ පොහොර අවශ්‍යද ? -

තේ වගාව යනු සැබවින්ම Science සහ Economics ය එබැවින් ඒ පිලිබදව ඔබට නිසි අවබෝධයක් ඇතුව මෙය සිදු කල යුතුය.

උදාහරණයක් ලෙස ඔබගේ ඉඩමෙන් අක්කර එකකට දළු 550 Kg අවමය කඩන්නේ නම් ,
ඔබගේ ඉඩමේ මාස තුනක අස්වැන්න (550 X 3 = 1650) 1650 Kg ක් වේ.
එය කළු තේ ලෙස ගත හොත් (1650 x 21.5%) 354.75 Kg වේ.
ඔබ ඉඩමට සැපයිය යුතු N ප්‍රමාණය , කළු තේ බරින් 10% කි
එනම් (354.75 Kg x 10%) 35.46 කි.

ඔබ මෙය සැපයීමට U -709 පොහොර මිශ්‍රණය භාවිතා කරන්නේ නම් , එහි N -28% ක් ඇත.
එනම් ඔබට අවශ්‍ය U -709 පොහොර ප්‍රමාණය යනු 35.47 x 100/28 = 127 Kg , දළ වශයෙන් අපි 125 Kg යොදනු ලබයි.
එබැවින් මෙම N ප්‍රමාණය ලබා දීමට ඔබට විවිධ මිල ගණන් ඔස්සේ පොහොර මිශ්‍රණ කිහිපයක් ඇත. U -709, UT -752, U -834, UT-1625, T-1240 ආදී මිශ්‍රණ කිහිපයක් ඇත.
උදහරණ ලෙස ඔබ UT -752 පොහොර මිශ්‍රණය (N -26 %) ඇත ඔබට වැය කල යුතුවන්නේ LKR 30000.00 ආසන්න මුදලකි.

ඔබ අක්කර එකට 550 Kg කඩන්නේ නම් දළු මිල LKR 200.00 නම් , මාස තුකදී ඔබට LKR 330,000.00 අදායමක් ලැබෙන අතර පොහොර වලට වැය කල යුත්තේ ඉන් 10% ක් පමණි.

නමුත් ඔබේ පසේ pH පරීක්‍ෂා කර නොමැත ,
පසේ කාබන් නොමැත ,
අක්කරයට තිබිය යුතු ගස් ගන්න නොමැත ,
පස සේදී ගොස්ය,
අස්වැන්න ද ඉතා අඩුය,

එබැවින් සමහරු සමස්ත අදායමෙන් 50%, ක් පොහොර සදහා වියදම් කරයි. එබැවින් තේ වගාව එපා වී ඇත.

06/06/2026

මේ තියෙන්නේ කෙන්යාවේ තේ වලට Tax ගහන හැටි සහ ඒ Tax සල්ලී බෙදෙන හැටි, කට්ටිය මොකද හිතන්නේ අපේ tax ක්‍රමය ගැන

06/06/2026

--- තේ පොහොර මිල වැඩි නෑ , ගසකින් දළු 4 යි --

තේ පොහොර වල මිල ඉතා අධික බව ගොවියන් චෝදනා කරන අතර මේ වන විට පොහොර භාවිතා කිරීම අඩුකර ඇත. මෙය තේ වගවේ අස්වනු තවදුරටත් ඉදිරියේදී පහළ දැමීමට ඍජු ලෙස දායක වනු ඇත. එබැවින් තේ වගාවට පොහොර යෙදවීමට ගොවියන් උනන්දු කරවීම මේ අවස්ථාවේදී රාජ්‍ය , පුද්ගලික සහ අනිකුත් හැම දෙනාගේම යුතුකමකි. එය සැබවින්ම තිරසාර තේ වගාවක් පවත්වා ගැනීමට ඉතා ඍජු දායකත්වයක් සපයනු ඇත.

තේ ගොවියන් ලෙස මෙම ගණනය ගැන අවදානය යොමු කරනු ඇතැයි ලියුම් කරු ලෙස මම විශ්වාස කරමි
ඔබගේ අක්කරයක තේ ඉඩමට පොහොර යොදන්නේ නම්, දළ වශයෙන් මිටි තුනක් (U -709) යොදන්නේ නම් අවම රුපියල් 45000 ක වියදමක් පොහොර සඳහා ගොවියකු වැය කල යුතුව ඇත. ප්‍රශනය ඇත්තේ ඔවුන්ගේ ඉඩම් වල අවම අස්වනු ප්‍රමාණයයි. අක්කර එකට 1000Kg කඩන්නේ නම් පොහොර මිල ප්‍රශනයක් නොවනු ඇත.
මේ ගණනය දෙස බලන්න , දළු 1Kg මිල රු 200.00 ක් නම් අවම වශයෙන් (45000/200) දළු කිලෝග්‍රෑම් 225 ක් පොහොර සඳහා වෙන් කල යුතුය. එනම් මසකට 75Kg වෙන් කල යුතුය.

දළු ලෙස ගතහොත් , දළු 75000 ක් මේ සඳහා අයින් කල යුතුය. ඔබේ ඉඩමේ තේ ගස් (අක්කර එක්ක ) 5000 ක් වත් පවතීන් නේ නම් , එකගසකින් මසකට දළු 15-16 ක් ඉවත් කල යුතුව ඇත.
ඔබ දළු රවුම් 4ක් කඩන්නේ නම් , එක ගසකින් දළු 4ක් ඉවත් කර ගත යුතුය.
එනම් ඔබ ගසකින් දළු 4 බැගින් , දළු 4 ට , දළු 16 ක් මසකට ඉවත් කර , ගස් 5000 කින් දළු දළු 80000 ක් ඉවත් කර එනම් අමුදලු 80Kg පොහොර දැමීම සඳහා වෙන්කරගන්නේ නම් තවමත් පොහොර මිල වැඩි නැතිය. නමුත් ප්‍රශනය වන්නේ

- පසුගිය වසර කිහිපය පුර නැවත වගාව හෝ පාළු සිටුවීම කර නොමැති නිසා අක්කර එක්ක ගස් 4500 ක් නොමැත්තේය -
- ඉඩමේ පාළු වැඩිය , අස්වැන්න අඩුය
- පසේ සහ පෝෂක වල කාර්යක්‍ෂමතාවයද දැඩි ලෙස පහළ ගොස්ය
-සේවක වියදම් අහස උසය -
-ජීවන වියදම ද අහස උසය -
- එබැවින් මුදලේ වටිනාකම තේ ගොවියාට දැඩි ලෙස දැනේ-
එබැවින් තේ ඉඩම් වල අස්වනු වැඩි කිරීමේ තිරසාර ක්‍රමවේදයක් ඉක්මණින් අවශ්‍යව ඇත. එසේ නොවුන හොත් කර්මාන්තය වැඩිකල් නොපවතිනු ඇත.

06/06/2026

අද සහ හෙට බස්නාහිර පලාත, සාමන්‍ය වර්ශාපතන තත්වයක්

06/06/2026

පොල් ඉඩම් තුල තේ වගාව යනු ඉඩම් කළමනාකරණයේ විශේෂ අවදානයක් යොමු කල යුතු කරුණකි. එබැවින් ඒ පිලිබඳ නිසි දැනුම සහ අවබෝධය ලබා ගත යුතුය. ඔබ සිතන්නේ කුමක් ද ?

05/06/2026

ඔබ අවසන් වරට තේ වගාවට පොහොර යෙදූ මාසය මොකක්ද ?

05/06/2026

ඔබ මොකද හිතන්නේ, වැස්ස ඒවිද? නියගය ඒවිද? ඔබේ හිතන්නේ මොක්ක්ද? Comment එකක් දාන්න. #තේගොවියා #තේවගාව

05/06/2026

පොහොර නැතුව කහ වුන තේ ඉඩම්