07/12/2022
របៀបធ្វើ ស៊ុបទាត្រកួន និងស៊ុបមាន់បារាំង
គ្រឿងផ្សំ៖
• របៀបធ្វើទឹកស៊ុបសម្រាប់ស៊ុបទាត្រកួន និង ស៊ុបមាន់បារាំង
- ទឹក 5-6 លីត្រ
- ស្ករ 1 វែកសម្ល
- អំបិល1/2 វែកសម្ល
- ម្សៅស៊ុប 1 ស្លាបព្រាបាយ
- ទឹកត្រី 1/2 វែកសម្ល
- ឆ្អឹងជ្រូក 0,5 គីឡូក្រាម
- ខ្ទឹមបារាំង 3 (ពុះជាពីរ)
- ឆៃថាវ 2 (កាត់ជាដុំៗ)
- ការ៉ុត 2 (កាត់ជាដុំៗ)
- រំដេង ៤ ចំនិត
វិធីធ្វើ៖
- ដាំទឹកអោយពុះ ដាក់ឆ្អឹងជ្រូក ចូលទុកអោយពុះ
- ដាក់ ខ្ទឹមបារាំង ឆៃថាវ ការ៉ុត រំដេង រងាស់ប្រហែល 1 ម៉ោង សឹមដាក់ ស្ករ អំបិល ម្សៅស៊ុប ទឹកត្រី ចូល រំងាស់អោយផុយសាច់ និងបន្លែ។
****** ទឹកស៊ុបនេះត្រូវរំងាស់2 - 3 ម៉ោងដោយប្រើកំដៅទាប
• របៀបឆាសាច់ទា & មាន់បារាំងសម្រាប់ធ្វើស៊ុបទាត្រកួន
- ម្ទេសគ្រៀប 1/2 ក្រាម ចិញ្រ្ចាំអោយម៉ត់
- កាពិ 1/2 ក្រាម ចិញ្រ្ចាំអោយម៉ត់
- ខ្ទឹមសចិញ្រ្ចាំអោយម៉ត់ 4ស្លាបព្រាបាយ
- ខ្ទិះដូង1/2 លីត្រ
- ទា 3 kg (កាត់ជាដុំៗតូចល្មម)
- មាន់ 3 kg (កាត់ជាដុំៗតូចល្មម)
- ទឹកត្រី 5 ស្លាបព្រាបាយ
- អំបិល 4 ស្លាបព្រាបាយ
- ស្ករ 6 ស្លាបព្រាបាយ
- ម្សៅស៊ុប 2.5 ស្លាបព្រាបាយ
- អំបិល 2 ស្លាបព្រាបាយ
- ប្រេងឆា 4 ស្លាបព្រាបាយ
វិធីឆាទា៖
- ដាំខ្ទះអោយក្តៅ ដាក់ប្រេងឆា 2 ស្លាបព្រាបាយ ខ្ទឹមសចិញ្រ្ចាំ2 ស្លាបព្រាបាយចូលឆាអោយក្រហមល្អ រួចដាក់ ម្ទេសចិញ្រ្ចាំ ឆាអោយស្ងូត សឹមដាក់កាពិ ឆាអោយសព្វ។
- ដាក់ខ្ទិះដូង1 វែកចូល (កុំអោយស្ងួតពេក) ខ្ទិះដួងដាក់ម្តងបន្តិចៗរហូតដល់សាច់ឆ្អឹត និង អស់ខ្ទិះដួង។
- ដាក់ទឹកត្រី 2 ស្លាបព្រាបាយ អំបិល 2 ស្លាបព្រាបាយ ស្ករ 3 ស្លាបព្រាបាយ ម្សៅស៊ុប 1/2 ស្លាបព្រាបាយកូ អោយសព្វសឹម ដាក់សាច់ទាចូល ឆាអោយស្ងួតទឹក និងឆ្អឹនល្អ។
វិធីឆាមាន់៖
- ដាំខ្ទះអោយក្តៅ ដាក់ប្រេងឆា 2 ស្លាបព្រាបាយ ខ្ទឹមសចិញ្រ្ចាំ2 ស្លាបព្រាបាយចូលឆាអោយក្រហមល្អ ដាក់សាច់មាន់ចូល ឆា 3–4 ត្រលប់ សឹមដាក់ ទឹកត្រី 3 ស្លាបព្រាបាយ អំបិល 2 ស្លាបព្រាបាយ ស្ករ 3 ស្លាបព្រាបាយ ម្សៅស៊ុប 2ស្លាបព្រាបាយកូអោយ សព្វសឹមដាក់ សាច់មាន់ចូល ឆាអោយស្ងួតទឹក និងឆ្អឹនល្អ។
ចាក់សាច់មាន់ និង សាច់ទាចូលគ្នាឆា3 – 4ត្រលប់។
• របៀបធ្វើទឹកតៅហ៊ូសម្រាប់ញ៉ាំជាមួយស៊ុបទាត្រកួន ឫស៊ុបទាកាប៉ា
- តៅហ៊ូ 1 ដប
- ខ្ទឹមស 10 កំពិស
- ទឹកក្តៅ 1
- ស្ករ 5 ស្លាបព្រាបាយ
- បីចេង 1/2 ស្លាបព្រាបាយ (ស្រេចចិត្ត)
- ទឹកក្រូចឆ្មា 4-5 ស្លាបព្រាបាយ
- អំបិល 1 ស្លាបព្រាកាហ្វេ
- ម្ទេស
វិធីធ្វើ៖
- ចិញ្រ្ចាំខ្ទឹមស និងម្ទេសអោយម៉ត់
- យកតៅហ៊ូដាក់ក្នុងចាន ច្របាច់អោយម៉ត់ រូចដាក់ទឹកចូល កូអោយសព្វ សឹមដាក់ស្ករ បីចេង អំបិល ទឹកក្រូចឆ្មា ខ្ទឹមស ម្ទេស កូអោយសព្វ ថែមថយគ្រឿងតាចចំនូលចិត្ត។
• ការរៀបចំស៊ុបទាត្រកួនឬស៊ុបទាកាប៉ា និង ស៊ុបមាន់បារាំង និងខ្ទិសដូងមុនពេលញ៉ាំ
- ដួសទឹកស៊ុបដាក់ក្នុងកូនឆ្នាំមួយ ដាក់សាច់ឆាចូលដាក់ ទឹកដោះ គោឆៅមួយកំប៉ុង ដាំអោយពុះ សឹមដាក់បន្លែតាមការចូលចិត្ត ៕
