23/05/2026
من أول يوم بلشنا فيه معكم، كان هدفنا مش بس نعمل برجر، كان هدفنا نقدملكم لقمة مدموزة بالحب والنضافة وتستاهل قلوبكم. واليوم، وصلنا لمحطة بحياتنا لازم نوقف فيها شوي.
بنعرف إنه في ناس رح تشتاق للطعم والجمعات الصح، وبنعذركم وبنعتذر منكم من كل قلبنا.. بس ظروفنا وانشغالاتنا الثانية بالوقت الحالي خلتنا نضطر ناخد "استراحة محارب" ونغيب عنكم لفترة.
حابين نخبركم إنه "وي سماش برجر" رح يضل اسم وعلامة غالية علينا، ورح نحتفظ فيه.. وعلى أمل كبير نرجع نلتقي فيكم بقصة نجاح جديدة ومطعم أقوى، سواء بالزرقاء، بعمان، أو بأي مكان ثاني بهالعالم الواسع! 🌍✨
عائلتنا الغالية، زبائن "وي سماش برجر" الرهيبين.. ❤️
بنستودعكم الله الذي لا تضيع ودائعه، وشكراً لكل حدا فيكم كان جزء من رحلتنا ودعمنا.. إلى لقاء قريب بإذن الله! 🙏🍔
