17/10/2023
الإنسان بمرق بظروف صعبة وبيكون مستني من الناس الي بحبها او حتى بعرفها انو توقف معه وتسانده. بيكون مستني انو يحس احتواء الي بحبهم والي بعرفهم. بيكون مستني فعلا كلمة، وطبطبة، واي لفتة عشان يبرد قلبه، ويخف حزنه بحب الي حوليه، واهتمامهم فيه وبمشاعره. لانو هاي الظروف فعليا الي بتبين مين بحبك،مين مهتم يساند قلبك.وما بيكون صراحة في أعذار تُقبل ابدا لانو الي بده بعمل... مع انو فعليا الحزن والوجع ما بخف بس بسير يختلط مع مشاعر تانية متل:الاحتواء،الاهتمام،الحب،تقدير المعروف،الحنان. هاد على مستوى شخص وعلى مستوى أحداث ممكن تكون طبيعية يومية حتى لو وصلت لدرجة فقد عزيز،ولكن بالنهاية هي شي طبيعي ونهاية معروفة لكل إنسان فينا ولو انها بتوجع وكتير وكتير وكتير😔كل الكلام الي قبل هيك مش مهم، المهم الي جاي،جد جد شو ممكن يكون شعور اهل غزة هلاء؟ازا على مستوى شي بسير معنا بنكون خلص رح نتدمر من الزعل واليأس؟ كيف هما قادرين؟ ووين احنا والعرب والمسلمين والعالم والانسانية فعليا من القضية هاي؟! قليل شعور الوجع الي عندهم؟! شعور الخوف؟! شعور الفقد؟!شعور التهجير؟!شعور قلة الحيلة،الخيبة والحسرة الدمار الجوع العطش قلة النظافة و و و..؟! عقلي صدقا مش قادر يستوعب كيف قادرين وكيف صامدين؟! كيف قلوبهم قادرة تتحمل كل الوجع؟! وكم احنا خيبنا ظنهم وخذلناهم؟! كيف جد حياتنا ماشية عادي بكل تفاصيلها واحنا شايفين ناس عم تموت وتتهجر بالوحشية هاي!؟مش عارفة قلة الحيلة الي احنا فيها لمتى؟ومش عارفة شو لازم نعمل؟ مش قادرة حتى افسر هالشعب هاد تركيبته كيف؟ تصرفاتهم وصمودهم ثباتهم قوتهم إيمانهم تضحيتهم! وجد يبقى السؤال الي اله اكتر من ٧٥ سنة لمتى فلسطين؟ لمتى غزا؟واحنا هلاء شو نعمل؟ بنعرف الدعاء، المقاطعة(مع انو الي وجهة نظر مختلفة بشأنها)صلاة الغائب، طيب غير هيك؟جد شو شعورهم تجاهنا كلنا هلاء؟ اي احنا ازا شخص واحد زعلنا او قصر معنا بنكون خلص قلبنا زعلان منه ما بالك هما والي بسير معهم وكيف أُمم خذلتهم😔😔جد شو عذرنا أمامهم وأمام رب العالمين؟!
