05/11/2016
LA CAZZOEULA
taccaa al ciod gh' è on mezz porscell,
se combina ona cazzoeula.
Gh'è no el coeugh? Sarot mi quell,
ché, in cazzoeula mi poss fa scoeula.
E ti, Peppa, stamm adree.
Pizza el foeugh, su el padelott,
dent butter, scigol assee,
fai palpà bei ciar, nò cott.
taja giò carotol, zeller;
su i costieul ch'in pront su l' assa,
fai rostì no tropp, ch' in tener,
domà el tant de perd la grassa.
Salei, bagnei de vin bianch,
lassi andà ma stach al fianch.
Sugaa el vin? Ben, giò i carotol,
giò el zeller. E adess
guarda on poo i pescioeu e i codegh
che gh'è su a coeus a less.
Cott a mezz? In cott assee.
Tirei su cont el colin,
mettei dent insemm, dree a dree
ai costioeul. Ma sì, on ciccin
bagnei pur. Dent quanto occor
d' erba savia e drogh del coeugh,
a compigh el bon savor
e dagh giò on ciccin al foeugh.
Quattei pur, quattei pur su.
Per on poo adess guardegh pù.
Cor ai verz. che vaghen ben:
mi i voeuri ben nettaa
e lavaa tre volt almen.
Ma sì, brava, sin scolaa,
denter pur. Si, denter, denter,
ghe voeur pien el padelott
van in nient e semm tut venter
senza fond che ten per vott.
La luganega? Ma sì
che l'è ora, dent insemm.
Quatta giò, lassa passì,
ma attenta ben al gremm.
ae quand peu te tiret giò
toeugh el vone pù che se po'.
MORALE DELLA PUBBLICAZIONE DI QUESTA POESIA:
CI SIAMO QUASI!!!
PROSSIMAMENTE AL REBELòT!!!
