08/05/2026
Í apríl fengum við alls 140 eldri borgara í heimsókn til okkar á Vordægur, eldri borgaradagana okkar. Gestirnir komu í þremur hópum og dvaldi hver hópur í fimm nætur hjá okkur. 💛
Dagarnir voru einstaklega viðburðaríkir og skemmtilegir. Farið var í ferðir um okkar fögru sveit, til Húsavíkur og Grenivíkur, þar sem gestir nutu þess að skoða fallegt umhverfi, kynnast mannlífinu og eiga góðar stundir saman. 🌿🚍
Það var nóg um að vera bæði innan dyra og utan. Spiluð var félagsvist, bingó, boccia, farið á tónleika, slegið upp balli, farið í gönguferðir og margt fleira skemmtilegt. 🎶💃
Við viljum senda innilegar þakkir til alls þess frábæra fólks sem kom til okkar á Vordægur og gerði dagana svo ánægjulega og eftirminnilega. Jafnframt þökkum við öllum þeim sem komu að Vordögum á einn eða annan hátt og tóku svo vel á móti hópunum. 🙏✨
Við hlökkum mikið til að taka á móti ykkur aftur að ári! 🌸
