01/06/2026
Ótrúlega fallegt verkefni sem við hjá Saffran erum stolt að styðja við 🫶🏼
Fimmtugasta treyjan úr góðgerðarverkefninu “Gleðjum saman” sem við höfum verið að vinna í með leikmönnum afhent.
Arnór Ingvi Traustason hitti og afhenti Sigurði Sören áritaða match worn IFK Norrköping treyju í dag.
SAFFRAN veitingastaður bauð strákunum í hádegismat þar sem málin voru rædd yfir góðum bita. Arnór og KR ætla einnig að bjóða Sigurði á KR leik í sumar með öllu inniföldu.
Sigurður er einn fremsti íþrótta unnandi landsins og mætir á alla landsleiki karla og kvenna í öllum helstu boltaíþróttunum. Ásamt því er hann duglegur að mæta á deildarleiki allt árið um kring.
Árið 2020 greindist Sigurður með bráðahvítblæði og tók við erfiður tími og barátta sem hann að lokum sigraði. Hann var útskrifaður úr eftirliti í mars á þessu ári.
Sigurður er Njarðvíkingur líkt og Arnór Ingvi og fyrir okkur er mikilvægt að samfélög standi saman. Sigurður Sören gefur mikið af sér til bæði samfélagsins á Suðurnesjunum og íþrótta samfélagsins á Íslandi. Hvort sem það er í sjálfboðaliðastarfi, stuðningi úr stúkunni eða umræðu. Hann er alltaf mættur.
Einstaklingar eins og Sigurður eru ástæðan fyrir því að íslenskt íþróttastarf getur blómstrað.
——————————————————————
Það verða fleiri treyjur gefnar á komandi vikum og mánuðum ásamt því að við gefum treyjur til góðs málefnis og viljum við finna flotta einstaklinga til að gleðja.
Því vonum við að sem flestir vilji hjálpa til og bendi okkur á einstaklinga sem hafa gengið í gegnum erfiða tíma, glíma við fötlun/sjúkdóm/veikindi, eða eru svokallaðar hversdagshetjur.
Það má endilega senda okkur einkaskilaboð á facebook, instagram eða X-inu/twitter. Vitir þú um einstakling sem þú vilt tilnefna/benda á.
Einnig er hægt að senda beint á Orri Rafn Sigurðarson á sömu miðlum.
Allt hrós fer á leikmennina sem að taka þátt í verkefninu og gefa sér tíma til að gleðja aðra.
