17/03/2020
Yfirlýsing Nam í ljósi aðstæðna
Nam tekur tilmælum yfirvalda mjög alvarlega eins og allir landsmenn. Heilsa og öryggi viðskiptavina og starfsmanna skiptir okkur afar miklu máli og höfum við gripið til eftirfarandi ráðstafana:
• Veitingastaður Nam á Bíldshöfða verður áfram með sinn hefðbundna opnunartíma, en staðan verður metin ef fyrirmæli sóttvarnalæknis og yfirvalda breytast.
• Handspritt er til staðar fyrir viðskiptavini þegar komið er að afgreiðsluborði.
• Starfsfólk okkar notar, eins og ávallt, einnota hanska og hárnet við afgreiðslu og þar að auki þvær það sér og sprittar oftar en venjulega.
• Við höfum skerpt enn fremur á verklagi hjá starfsfólki til að lágmarka alla smithættu.
• Öll hnífapör, glös, vatnskönnur og sósur hafa verið sett bakvið afgreiðsluborðið og þurfa viðskiptavinir að óska eftir slíku við starfsfólk. Servíettur í skömmtunarboxum eru áfram á sínum stað.
• Við höfum merkt borð sem ekki eiga að vera í notkun til þess að aðstoða viðskiptavini okkar að virða 2 metra regluna.
• Við biðjum viðskiptavini okkar að virða 2 metra regluna í röðinni við afgreiðslu.
• Við sótthreinsum algenga snertifleti eins og afgreiðslusvæði, posa, borð, stólbök o.s.frv. oft á dag.
• Nam býður upp á heimsendingu í gegnum AHA. Hafa ber í huga að mikið álag er á AHA þessa dagana og því getur biðtími verið lengri en vanalega á álagstímum.
• Við afhendum beint stærri pantanir til fyrirtækja og hægt er að panta og hafa samband í síma 519-6300.
Starfsfólk Nam
