Klausturhof is the ideal starting place for nature and outdoor lovers for exploring southeast Iceland
Klausturvegur 1-3
Kirkjubæjarklaustur
880
Be the first to know and let us send you an email when Klausturhof - Kaffi Munkar posts news and promotions. Your email address will not be used for any other purpose, and you can unsubscribe at any time.
Klausturhof er staðsett á Kirkjubæjarklaustri á suðaustur hluta landsins. Veðurblíða, friðsæld og einmuna náttúrufegurð, í samspili frumkraftanna, einkennir svæðið sem er eitt það strjálbýlasta á Íslandi. Undir skógi vaxinni hamraborg, á bökkum Skaftár og milli fannborga mikilfenglegra jökla í austri og vestri er þorpið Klaustur, heimaþorp Klausturhofs og Kaffi Munka. Klausturhof er við Klaustur-torg, innst í þorpinu þar sem Systrafoss fellur fram af hamraborginni í Fossá sem rennur úr Systravatni. Klausturhof samanstendur af nokkrum húsum eða lítilli húsaþyrpingu sem öll voru byggð á síðustu öld fyrir verslunar- og iðnaðarstarfsemi Kaupfélags Skaftfellinga. Í þeirri elstu, sem byggð var 1936 fyrir fyrstu verslun þorpsins, er kaffihúsið Kaffi Munkar til húsa. Kaffi Munkar hefur á boðstólnum veitingar sem tengja sögu staðarins við matvælaframleiðslu héraðsins. Klausturbleikja, grænmeti og kornmeti skapa heilsusamlega umgjörð sérstakra rétta er kitla bragðlaukana. Kaffi Munkar rúmar allt að 70 manns í sæti og er í elstu byggingunni við Klaustur-torgið, gula húsinu. Boðið er upp á bolla af kaffi, drykki, brauð og létta málsverði í notalegu gömlu húsi með útsýni út á torgið og yfir Skaftá. Morgunverður fyrir gesti KlausturHofs er framreiddur í Kaffi Munkar.
