GPG Seafood

18/10/2022

Ágætlega gengur hjá flotanum okkar að fiska á línuna fyrir austan.. Jökull kom til Raufarhafnar í gær með rúmlega 80tonn
Háey ÞH-295 er nú á leið til Raufarhafnar með fullfermi. Hún var við bryggju um helgina vegna brælu en landaði fullfermi á Raufarhöfn á föstudag
Háey II ÞH-275 hefur lítið getað sótt á miðin vegna brælu, fyrir helgi myndaðist smá gluggi og nýttu strákarnir sér það og lönduðu rúmum 16tonnum í 3 löndunum

03/10/2022

Háey ÞH-295 kom til löndunar á Húsavík á föstudaginn með c.a. 17 tonn. Áhöfnin tók smá stopp og fór út aftur á sunnudagskvöld.
September gekk ágætlega hjá þeim og lönduðu þeir rúmum 160 tonnum í 12 löndunum

28/09/2022

Jökull kom til Húsavíkur 20.september síðastliðinn eftir að hafa verið á grálúðu frystingu í sumar. Búið er að spóla netum og búnaði í land til þess að gera skipið klárt á línuveiðar. Jökull fór frá Húsavík um miðnætti í gær og mun leggja upp á Raufarhöfn

21/12/2021

Jökull ÞH 299 kemur til hafnar á Húsavík að morgni stysta dags ársins 2021. Vetrarsólstöður í dag.

17/12/2021

Fiskifréttir fjalla um Háey I ÞH, nýjan 30 tonna línubát GPG Seafood ehf. á Húsavík. Báturinn er þegar kominn á veiðar, var á Siglufirði fyrr í vikunni í sinni þriðju löndun ef talinn er með prufutúr sem farinn var í Faxaflóa fyrir um tveimur vikum. Skipstjóri Háeyjar er Sævar Þór Ásgeirsson. Háey I landaði svo 17,7 tonnum á Húsavík í gær.

Háey I ÞH, nýr 30 tonna línubátur GPG Seafood ehf. á Húsavík, er þegar kominn á veiðar. Báturinn var á Siglufirði í fyrradag í sinni þriðju löndun ef talinn er með prufutúr sem farinn var í Faxaflóa fyrir um tveimur vikum. Skipstjóri Háeyjar er Sævar Þór Ásgeirsson.

16/12/2021

Háey I ÞH 295 kom til hafnar á Húsavík kl. 14:30 í dag. Nokkur stemning myndaðist og var áberandi mikil umferð á bryggjunni við komu bátsins. Margir voru tilbúnir að taka við landfestum. Guð og gæfan fylgi Háey I. Megi hún ætíð skila skipshöfn sinni heillri heim.

16/12/2021

Háey I ÞH 295 er nú á heimstíminu til Húsavíkur. Nýji báturinn lagði línuna vestan við Grímsey og verður við bryggjuna um kl. 14:30 í dag, fimmtudaginn 16. desember. Góða heimkomu.

17/11/2021

Birgir Mikaelsson og Alexander Gunnar Jónasson frá Björgunarsveitinni Garðari færðu starfsfólki GPG Seafood tertu með þakklæti fyrir stuðning við sveitina. Gunnar Gíslason veitti viðtöku á kaffistofunni.

10/11/2021

Jökull ÞH 299 kemur inn til Raufarhafnar í morgunskímunni þriðjudaginn 9. nóvember. Ljóskastari í mastrinu lýsir upp hafnarmynnið. Skipið er á línuveiðum. Myndina tók Gunnar Páll Baldursson.

28/10/2021

Háey I var sjósett í morgunn. Nýsmíði Víkingbáta fyrir GPG Seafood.

25/10/2021

Íslandsbanki færði starfsfólki GPG Seafood tertu í tilefni af því að GPG er framúrskarandi fyrirtæki árið 2021. Tv. Gunnar Gíslason, framkvæmdastjóri GPG og th. Margrét Hólm Valsdóttir, útibústjóri Íslandsbanka á Húsavík. Myndin er tekin á kaffistofu starfsfólks.