Kaffibrennslan Valería

02/06/2026

Nú fást sólmyrkvagleraugu hjá Valeríu.

Tryggðu þér sólmyrkvagleraugu tímanlega fyrir almyrkvann 12. ágúst 2026.

Sólmyrkvagleraugu til að fylgjast með sólmyrkvanum 2026 og stórum sólblettum á öruggan hátt.

100% vernd gegn útfjólubláu ljósi,
100% vernd gegn innrauðu ljósi,
síar burt 99,999% af styrk sólarljóssins.
Sólin er appelsínugul og þægileg á að líta í gegnum gleraugun.

CE / ISO vottað, uppfyllir ítrustu kröfur um öryggi augna, EN ISO 12312-2:2015.

Framleitt í Bandaríkjunum.

600 kr stk

01/06/2026

Gærkvöldið var stórfenglegt og litadýrðin sem fylgdi sólsetrinu hélt áfram langt fram á nótt ☀️

The last sunset of may

31/05/2026

Nýja eldhúsið kom fyrir viku síðan og nú er allt betra. Meira að segja íslenskukunnátta túristanna, hún fer batnandi, einhverra hluta vegna.
Þetta spjald er að verða 3 ára og er án efa eitt mest myndaða blað landsins og hefur vakið mikla lukku.

Yfirlýsing
Í ljósi frétta undanfarið vill Valería árétta að hér fara öll viðskipti fram á íslensku 🇮🇸🇮🇸🤪 Orðabækur fyrir kúnna sem vilja spreyta sig liggja víða um kaffihúsið, það hefur komið í ljós að skaftfellski einhljóðaframburðurinn sem var talinn á undanhaldi lifir góðu lífi meðal erlendra ferðamanna.

29/05/2026

Það er fallegt í kringum okkur.

21/05/2026

Stórt skref fyrir litla kaffibrennslu á Snæfellsnesi. Eldhúsið flutt um tvo metra. Þegar við tókum við húsinu árið 2021 ákváðum við strax að nota "bara" eldhúsið sem var þegar til staðar. Það hefur sinnt okkur ágætlega en hafði einnig hamlandi áhrif, hönnunin á nýja eldhúsinu er margfalt betri.

Við viljum við þessi skemmtilegu tímamót þakka Grundfirðingum og Snæfellingum sem mæta reglulega til okkar yfir vetrartímann. Einnig þakkir til fólks um allt land og allan heim sem keypti jólagjafir hjá okkur. Án ykkar gætum við ekki haft opið yfir veturinn.

Það er lokað hjá Valeríu í gær og í dag vegna framkvæmdanna og það hefur verið áhugavert að vera á staðnum og þurft vísa fólki í burtu og margir hafa orðið fyrir vonbrigðum.
Það er áhugavert að upplifa með beinum hætti að Valería skiptir marga gesti svæðisins greinilega þónokkru máli.

Opnunartími okkar er nú og sem fyrr kynntur á Gúgl kortasjánni

Næsta verkefni er svo að gera garðinn fínan en í sumar ætlum við að bjóða fólki að tilla sér þar í brekkunni.

Nýja hönnunin tekur auðvitað mið af því sem við höfum lagt upp með frá upphafi - samræðuhvetjandi umhverfi, en það er frábært að vera vitni að því hvað margir gestir byrja að ræða saman sín á milli. Allir hafa sögu að segja.

Sjáumst í sumar

19/05/2026

Gaman að fá svona góða heimsókn frá Vatnshellir Cave og Summit Adventure Guides

11/05/2026

Í byrjun árs gerðumst við svo fræg að heimsækja þriðja besta kaffihús í heimi að mati kaffisamfélagsins. Það heitir Alquimia og er í San Salvador, El Salvador. Þar fengum við heldur betur innblástur fyrir okkar eigin kaffibrennslu og kaffihús í Grundarfirði og nokkrar nýjungar munu líta dagsins ljós í sumar.

Í sumar verður opið frá morgni til kvölds, sérvalið sælkerakaffi verður á boðstólnum auk kaffi- og 100% kakódrykkja o.fl. Svo verður boðið upp á gelato ís, já og svo ætlum við að ganga svo langt að bjóða upp á brauð með osti fyrir morguntraffíkina en eins og þið vitið höfum við ekkert verið að tapa okkur í veitingunum hingað til 😂☀️🌤️🌦️

Allt á meðan við upphefjum íslenskt tungumál en hér panta túristarnir alla daga á íslensku og fletta íslenskum barnabókum.

Fleiri nýjungar kynntar á næstu vikum.

02/05/2026

Valería og La Brújería tóku á móti hópi frá Slow Food á Íslandi.

Kaffisérfræðingarnir Hector & Sandy buðu upp á kaffiskóla, bragðlaukaþjálfun og kaffismökkun og galdranornin Alexandra kynnti húð- og heilsuvörur bruggaðar úr íslenskum og mexíkóskum jurtum 🔥

Heimsóknin var um 1 klst. ⌛️

Hlökkum til að taka á móti fleiri hópum.

Þökkum Svæðisgarðurinn Snæfellsnes fyrir sína aðkomu.

19/04/2026

Vá takk fyrir viðtökurnar við póstinum okkar í gær. Ótrúlega mörg ykkar kíktu við um helgina og við erum því skrefi nær því að hefja litlar framkvæmdir sem gera Valeríu betur kleift að taka vel á móti sumartraffíkinni og gera sem mest úr sumrinu svo við þurfum hreinlega ekki að skella í lás.

Fyrir einhvern sem fylgist með íslenskum fréttum þá er ekkert leyndarmál lengur að rekstarumhverfi lítilla fyrirtækja í veitingabransanum er mjög þungt um þessar mundir.

Það er því alveg meiriháttar að finna fyrir meðbyr heimamanna. Minnti okkur eiginlega bara svolítið á þessar flottu myndir sem fylgdu kaupunum á Grundargötu 24 og verður þeim nú fundinn góður staður á Valeríu, þó fyrr hefði verið!

Velkomin í heimsókn næstu daga til að skoða þessa gömlu og hvetjandi myndir!

18/04/2026

Í dag og á morgun er fullkominn dagur til að kíkja í kaffi! Við erum í smá fjáröflun því við viljum fara í litlar en nauðsynlegar framkvæmdir til að geta betur tekið á móti sumartraffíkinni 🥳 Kólombískt kaffi og nýbakaðar kleinur!

Það er enn snjóskafl/rennibraut í garðinum ef einhverjir krakkar sakna þess að renna sér 🤣❄️