LYST - Lystigarðurinn

18/07/2026

Stóri dagurinn!
Sjáumst á eftir…. Helling af mat, nóg af bjór… og bara gott veður

Ath LYST er ekki opið í dag nema hátíðardagskrá (opnar 13:00)

16/07/2026

Við byrjum að afhenda armbönd í dag kl 10:00 á LYST í Lystigarðinum. 🎉

Um að gera að sækja fyrir föstudag svo þið náið að nýta alla afslættina um helgina🍻

Þurfið að mæta með email staðfestingu og skilríki ( 20 ára aldurstakmark)🪪

Ennþá er bara hægt að kaupa armbönd á LYST.is ( ekki á staðnum) 🖥️

16/07/2026

🪄🙏🙌

Mikil stemning er fram undan á Akureyri um helgina þegar Sumar- og bjórhátíð LYST fer fram í fjórða sinn. Reynir Grétarsson segir mikið hafa verið að gera í sumar og að viðtökurnar við Dinner á LYST hafi farið fram úr björtustu vonum. Á hátíðinni verða 13 brugghús og drykkjarframleiðendur með smakk, götubiti verður í aðalhlutverki og tónleikar með Daða Frey Péturssyni og Sturlu Atlas.

13/07/2026

Styttist í skemmtilegustu helgi ársins! Ert þú búin að kaupa armband? 🙏

Armbönd og miðasala á LYST.is

23/06/2026

Moses Hightower útitónleikar í Lystigarðinum

Moses Hightower mætir í Lystigarðinn á Akureyri laugardagskvöldið 22. ágúst kl. 20:30 með sína hlýju, sálarríku og einstöku tónlist í fallegri útitónleikastemningu.

Tónleikarnir eru haldnir til styrktar Lystigarðinum. Allur ágóði rennur til garðsins — sem þakklæti frá LYST og Akureyringum fyrir þennan einstaka stað sem við fáum að njóta allt árið um kring.

Þetta verður kvöld fyrir garðinn, tónlistina og fólkið í bænum.

Miðasala á lyst.is

Sérstakur gestur : KÖTT GRÁ PJÉ

18/06/2026

🍷☀️ Sumarið er komið og við ætlum að njóta þess.

Laugardaginn 20. júní mætir Allsber á LYST með nokkur af uppáhalds vínunum sínum. Þau verða á staðnum, spjalla um vínin, benda á skemmtilegar pörunir með matnum og hjálpa gestum að finna sitt glas fyrir kvöldið.

Engin formleg vínsmökkun, bara góður matur, góð vín og afslappað sumarkvöld í Lystigarðinum. 🌿

10/06/2026

English below

LYST leitar að nýju fólki í teymið

Eftir frábæra byrjun á Dinner á LYST, erum við hjá LYST að leita að góðu fólki til að slást í hópinn.

Við erum að ráða í eftirfarandi störf:

* Þjónusta / barista
* Uppvask
* Matreiðslumenn
* Nemar í matreiðslu

Við leitum að fólki sem er jákvætt, samviskusamt og hefur gaman af því að vinna með öðrum. Reynsla er kostur en ekki skilyrði – við leggjum mikla áherslu á viðhorf og vilja til að læra.

Ef þú hefur áhuga á mat, þjónustu og lifandi vinnustað viljum við gjarnan heyra frá þér.

Sendu okkur stutta kynningu og ferilskrá á [email protected].

Við hlökkum til að heyra frá þér.

LYST is Hiring

After a huge success in opening Dinner á LYST, we’re looking for great people to join our team.

We are currently hiring:

* Front of house service / barista
* Dishwashers
* Chefs
* Chef Interns

We’re looking for positive, reliable people who enjoy working as part of a team. Experience is a plus, but attitude and willingness to learn are what matter most.

If you’re interested in food, hospitality, and being part of a creative workplace, we’d love to hear from you.

Send us a short introduction and your CV to [email protected]

We look forward to hearing from you.

08/06/2026

Sumar & bjórhátíð LYST 2026 fer fram helgina 17.–19. júlí á Akureyri 🌿🍺

Þetta verður helgi full af bjór, mat, tónlist og góðri stemningu um allan bæ — með LYST í Lystigarðinum sem aðalmiðju hátíðarinnar.

Á föstudegi og sunnudegi verða happy hour tilboð á bestu börum Akureyrar fyrir armbandshafa, ásamt matartilboðum á völdum veitingastöðum um bæinn.

Laugardaginn 18. júlí kl. 13:00–18:00 taka bestu brugghús landsins yfir LYST með opnum dælum, bjórsmakki, veitingasöla í garðinum, Hyalin pop-up búð og lifandi tónlist yfir daginn. Þar verður hægt að smakka fjölbreytt úrval bjóra frá frábærum brugghúsum í léttri og skemmtilegri sumarstemningu.

Um kvöldið taka við útitónleikar LYST þar sem Daði Freyr stígur á svið ásamt Sturla Atlas. Eftir tónleikana heldur stemningin áfram á Leyni með Sturla Atlas.

Armband á hátíðina gildir í bjórsmakk milli 13:00–18:00 á laugardegi og sem miði á útitónleikana með Daða Frey ásamt því að veita afslætti um allan bæ yfir helgina.

Verð:
Armband: 12.900 kr.
Bjórkort, 5 bjórar: 6.000 kr. (bara selt 18 julí)
Bjórtóken, 1 bjór: 1.500 kr. (bara selt 18 julí)

Útitónleikar forsala: 5.900 kr.

Sumar, bjór, matur, tónlist og menning í hjarta Lystigarðsins.
Þetta verður helgi sem við ætlum að muna.

01/06/2026

Tríó Mikaels Mána leggur upp í tónleikaferð um landið í júní. Með honum á sviði verða stjörnubassaleikarinn Henrik Linder (Dirty Loops) í ljóðrænu hlutverki og hinn vinsæli trommuleikari Magnús Trygvason Elíassen (ADHD, Moses Hightower).

Tilefnið er útgáfa fimmtu breiðskífu Mikaels undir eigin nafni, Half Sun. Tónlistin byggist upp líkt og ljós sem brotnar í kristal — hægar og nákvæmar breytingar sem móta hljóðheiminn á áhrifaríkan en hljóðlátan hátt. Lögin spanna breitt svið, frá innhverfum og viðkvæmum köflum til kraftmeiri og rokkaðra augnablika, og þróast í lifandi frásagnarstíl með áhrifum frá tilfinninganæmri nákvæmni Brad Mehldau og kvikmyndalegri ró Sigur Rós.

Tónlist Mikaels sækir innblástur í djass, rokk og kvikmyndatónlist. Á tónleikunum mun hljómsveitin einnig flytja frumlegar ábreiður af þekktum lögum úr poppsögunni, meðal annars eftir Sykurmolana og The Kinks.

Hljómsveit Mikaels, sem hlaut Íslensku tónlistarverðlaunin fyrir jazzplötu ársins 2024 (Innermost), tók Half Sun upp á aðeins þremur dögum í Sundlauginni. Þar heldur Mikael áfram að þróa þann hljóðheim og spilastíl sem hann hefur mótað frá útgáfu fyrstu plötunnar, Bobby, árið 2019. Úr verður marglaga og ævintýralegur djassheimur með áhrifum úr rokki og impressjónisma — tónlist sem er bæði kvikmyndaleg, ljóðræn og lyrísk, en um leið full af leikgleði og kraftmiklu samspili.

Flytjendur:
Mikael Máni Ásmundsson – rafgítar
Henrik Linder – bassagítar
Magnús Trygvason Elíassen – trommur

Miðasala á LYST.is

01/06/2026

Daði Freyr á Sumar & bjórhátíð LYST 2026

Sumar & bjórhátíð LYST endar með stórum útitónleikum í Lystigarðinum þar sem Daði Freyr stígur á svið ásamt Sturla Atlas.

Þetta verður eitt af þessum kvöldum sem við viljum hafa í garðinum: sumar, bjórhátíð, tónlist, fólk saman og góð stemning undir berum himni.

Tónleikarnir fara fram laugardaginn 18. júlí kl. 21:00 við LYST í Lystigarðinum á Akureyri.

Armband á Sumar & bjórhátíð LYST gildir sem miði á tónleikana.
Forsala er hafin – forsöluverð 5.900 kr.

Komdu snemma, njóttu hátíðarinnar yfir daginn og vertu með okkur þegar kvöldið tekur við.

ATH. góð umgengni um Lystigarðinn er skilyrði fyrir svona viðburðum. Eyðilegging á plöntum ógildir miða án endurgreiðslu.

Styrktaraðilar eru:

Prentmet Oddi, Húsavík öl, Leyni, Saga travel, Akureyrarbær, Viking Brugghús, Teya, Hs kerfi, Penninn Eymundsson, Sæluhúsin, Hnýfill

Aldurstakmark er 18 ár,

Börn undir 18 í fylgd foreldra eða forráðamanna.