26/09/2026
زۆر جار کەسانێک بۆ ڕاییکردنی ئیشێک یان بەدەستهێنانی قازانجێکی کاتی، پەنا دەبەنە بەر دەستکاریی بەڵگەنامەیەک یان ساختەکردنی ئیمزایەک. بەڵام ئایا دەزانیت یاسا چۆن مامەڵە لەگەڵ ئەم “هەڵە بچووکە”دا دەکات؟
⚖️ یاسا چۆن پێناسەی تەزویر دەکات؟ (ماددەی ٢٨٦ لە یاسای سزادانی عێراقی):
تەزویر بریتییە لە گۆڕینی ڕاستییەکان لە بەڵگەنامەیەکدا، بە شێوەیەک کە ببێتە هۆی زیانگەیاندن بە بەرژەوەندیی گشتی یان کەسی.
🚨 جۆرەکانی تەزویر سزاکەیان زۆر جیاوازە:
١. تەزویر لە بەڵگەنامەی ڕەسمیدا (المحررات الرسمية):
وەک: ساختەکردنی تاپۆ، پاسپۆرت، بڕوانامە، پێناسی باری شارستانی، یان ئیمزای فەرمانبەر.
سزاکەی: تاوانێکی قورسە (جەنایەت) سزاکەی زیندانیکردنە و دەگاتە ١٥ ساڵ.
٢. تەزویر لە بەڵگەنامەی ئاساییدا (المحررات العادية):
وەک: دەستکاریکردنی گرێبەستی کڕین و فرۆشتن (موراتەبە)، وەسڵ، یان ئیمزای کەسێکی ئاسایی.
سزاکەی: ئەگەرچی تاوانەکە تا ڕادەیەک سووکترە، بەڵام هێشتا دەگاتە ٧ ساڵ زیندانیکردن.
⚠️ سزای بەکارهێنانی تەزویر:
تەنانەت ئەگەر تۆ بەڵگەنامەکەت ساختە نەکردبێت، بەڵام بەزانیارییەوە بەڵگەنامەیەکی تەزویر بەکاربهێنیت، هەمان سزای کەسی تەزویرچی وەردەگریت (بەپێی ماددەی ٢٩٨).
💡 ئامۆژگاریی یاسایی پارێزەر:
هەرگیز بۆ خێراکردنی مامەڵەیەک یان دەربازبوون لە باج، دەستکاری گرێبەست یان بەڵگەنامەیەک مەکە. ئەوەی ئەمڕۆ بۆت دەبێتە ئاس
