08/10/2021
Chicken Thengakoth Itt Varattiyath // ചിക്കൻ തേങ്ങാകൊത്തു ഇട്ട് വരട്ടിയത്..
ചിക്കൻ : 1 കിലോ
ചെറിയ ഉള്ളി : 1 കപ്പ്
പച്ചമുളക് : 4
ഇഞ്ചി : 1 വലിയ കഷ്ണം
വെളുത്തുള്ളി: 8 - 10 അല്ലി
മുളക് പൊടി : 1.5 ടേബിൾ സ്പൂൺ
മഞ്ഞൾ പൊടി : 1/2 ടി സ്പൂൺ
ചിക്കൻ മസാല പൊടി : 1 ടി സ്പൂൺ
ഗരം മസാല പൊടി : 1/2 ടീ സ്പൂൺ
കുരുമുളക് പൊടി : 1 ടി സ്പൂൺ
പെരുംജീരകം : 1/2 ടി സ്പൂൺ
വെളിച്ചെണ്ണ : 3 ടേബിൾ സ്പൂൺ
മല്ലി ഇല
കറിവേപ്പില
തേങ്ങാക്കൊത്ത്
ഉപ്പ്
ചിക്കൻ ചെറിയ കഷ്ണം ആയി മുറിച്ച് കഴുകി വൃത്തിയാക്കി ഒരൽപം ഉപ്പും, കുറച്ചു മുളക് പൊടിയും കുറച്ചു മഞ്ഞൾ പൊടിയും ചേർത്ത് മാരിനേറ്റു ചെയ്തു കുറച്ചു സമയം വെക്കുക.
ശേഷം വെള്ളം ചേർക്കാതെ വേവിച്ചെടുക്കുക. ചിക്കനിൽ നിന്നും വെള്ളം ഇറങ്ങും..
വെളിച്ചെണ്ണ ചൂടാക്കി തേങ്ങാക്കൊത്തു ഒന്ന് വറുത്തു മാറ്റുക. ശേഷം പെരും ജീരകം ചേർക്കുക. ശേഷം വെളുത്തുള്ളി, ഇഞ്ചി, പച്ചമുളക്, ചെറിയ ഉള്ളി ചതച്ചത് ചേർത്ത് വഴറ്റുക.
നന്നായി വഴന്നു വരുമ്പോൾ ബാക്കി ഉള്ള മുളക് പൊടി, മഞ്ഞൾ പൊടി, ചിക്കൻ മസാല പൊടി, ഗരം മസാല പൊടി, ഉപ്പ് എന്നിവ ചേർത്ത് മസാലയുടെ പച്ച മണം മാറും വരെ വഴറ്റുക.
ശേഷം വേവിച്ച ചിക്കൻ, തേങ്ങാക്കൊത്ത്, കറിവേപ്പില എന്നിവ ചേർത്ത് നന്നായി ഇളക്കി ചെറിയ തീയിൽ ഇട്ട് വരട്ടി എടുക്കുക.
അവസാനം കുറച്ചു മല്ലി ഇലയും, കുരുമുളക് പൊടിയും കൂടി ചേർക്കാം.
