09/04/2026
係亦園消失之前，佢地仍然守係家門，等一個唔會再返泥既主人，佢地一生都係為左守衛家園，請問大家願唔願意比一個家佢地？
黑妹：拯救黑妹既多日泥，曾經撞過佢主人返屋企，想要求主人幫手帶黑妹入狗籠去絕育，主人竟然話三年泥從來都無摸過佢，天啊，咁你養隻狗就真係為咗守門口一啲感情都冇？但係你見到黑妹望住個主人開心興奮嗰個樣，心真係痛。黑妹絕對親人親狗，即使前主人咁仆街，但係個小妹妹仍然相信人類。
尾二：男仔，約5歲，被主人困左係間屋入面，無留食物，只係等死，可能主人又係只係要泥守門口，無帶過出街見人，所以怕人，拯救完去暫託到唔習慣，有開過口，今日去絕育，休養完後，再揾唔到機構收留，而又無可能原地放回，去向無人回答。
狗媽：某一日係地盤見到dup晒奶，周圍摷垃圾食嘅媽媽，我地逐間逐戶去搜索狗BB，救左7隻，今日狗媽媽都去絕育，一樣休養完後，無得原地放回，唔通生完bb之後就要走上漁記之路？
毛孩無錯，錯既係唔負責任既主人
人可能忘記狗，但狗絕對會守護主人一生
明白好多地方收地，機構好多都爆滿，只係希望救得一隻得一隻
#收地
#毛孩無罪
#救得一隻得一隻
#一個分享可能就會幫到佢地改寫一生
